Loma 3:9 - Tosi Tapu

⁹ Kolea koia ! Pe tou malie ake ia latou ? E leai ai. Talie kua oki i lamatou fakamaoki e nonofo tagata fuli, Sutea mo Keleka, i le makeke o le agasala,

Loma 3:9 Iomraidhean Croise

Taagapati 20:9

Ko ai e pati loa : kua kau fakamea loku loto, Kua kau mea i laku agasala ?

Esaia 65:5

Leia e pati : Ano kese, Aua na ke fakafeofi mai kiate au, Talie e kau maokioki !… Ko nea ana ko se afu i oku pogoiisu, Ko se afi leia e leaise toe mate.

Luka 7:39

Ko le faliseo leia na fakaafe ia Sesu, i lana tio ki le nea lena, na pati loa i lona loto : Kapau na polofeta maoki le tagata leinei, e iloa loa e ia pe ko ai le fafine leia e fafa kiate ia, mo lona anoaga totonu : ko se fafine agasala.

Loma 1:18

E fakasa mei le lagi le sausau o le Atua ki agasala fuli mo veli fuli a tagata ala e taofi ia le gaoi a le maoki,

Loma 11:32

Talie kua tuku e le Atua a tagata fuli ki le patigataa, o tupu ke fakasa e ia lona manavaalofa ki tagata fuli.

Loma 11:7

Kolea koia ? Ko le nea leia na afa e Iselaele na leaise maua e ia, kae ko le kau filifiliia kua lotou maua a ia, ti ko la ake kua fakafefeka latou,

Loma 2:1

Ei tagata, ko ai a koe, a koe leia e fakamaau, e leaise ke sao loa ; talie, i lau fakamaaui ala ake, e ke fakamaaui a koe totonu, talie ko koe leia e fakamaaui e toe fai ia a nea ana.

Loma 3:1

Kolea loa le malie leia e maua e le Sutea, ti kolea le aoga o le silikosisio ?

Loma 3:19

Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.

Loma 3:5

Kae kapau e sa i latatou lee faitotonu le faitotonu a le Atua, kolea loa latatou pati ? Pe leaise faitotonu le Atua mo ka liligi e ia lona sausau ? (E kau masau ofaipe masau a tagata).

Loma 6:15

E a koia ! Pe tou agasala loa talie e leaise tou nonofo i le lao, kae i le kalasia ? Leai ai !

Loma 7:14

Io, e tou iloa ko le lao e fakalaumalie ; kae ko au, e kau kanofi, ti kua fakatau au ke popula ki le agasala.

Uluaki tosi ki le kau Kolinto 10:19

Kolea loa le uiga o laku pati ? Pe ko se nea koia le inati leia e momoli ki taulaatua ? Pe ko se nea koia se taulaatua ? Leai ai.

Uluaki tosi ki le kau Kolinto 14:15

Kolea loa ke fai ? E kau faikole loa i le laumalie, kae e kau toe faikole foki i loku atamai ; e kau sua loa i le laumalie, kae e kau toe sua foki i loku atamai.

Uluaki tosi ki le kau Kolinto 4:7

Talie ko ai e fakakese ia a koe ? Kolea e ke maua na leaise ke tali ? Ti kapau na ke tali le nea lena, kolea e ke fakakololia ai, o sakinake na leaise ke tali a ia ?

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Kalate 3:22

Kae na fakasa e le Tosi e taomi le malama nei katoa e le agasala, o tupu ke soli le nea leia na fakapapau i le tui kia Sesu-Kilisito kia latou ala e tui.

Filipe 1:18

Kae e feaki foki ? Ko leinei, i nea fuli, pe i le fakakaka, pe i le maoki, e lotou fakasa Kilisito ; ti e kau fiafia i le nea lena, io, ti e kau toe fiafia loa i ai.