Loma 13:4 - Tosi Tapu

⁴ Ko le pule ko le tagata fakasausau a ia a le Atua o uiga mo lou malie. Kae kapau e ke fai le veli, ke ke i ; talie e leaise too noa e ia le seleta : ko ia ko le tagata fakasausau a le Atua, ke fai ia le lagavaka ti mo tautea ia leia e fai ia le veli.

Loma 13:4 Iomraidhean Croise

Loma 12:19

Aua na kotou taui koutou totonu, alofaaga, kae kotou tuku le ita ke fai, talie e tuu i le Tosi : E pati le Aliki : a aku le lagavaka, a aku le totogi,

Taagapati 20:2

Ko le i ki le sau e faipe le gugulu o le laione, Ko leia e fakatupu ia lona ita e agasala kiate ia totonu.

Taagapati 16:14

Ko le ita o le sau ko se tagata avelogo o le mate, Ti e tonu ke fakafimalie lona loto e se tagata poto.

Lua tosi o Koloniko 19:6

Ti na pati loa a ia ki le kau tui fakamaau : Ke kotou tokaga ki le nea e kotou fai loa, talie e leaise kotou fakamaaui le kakai i le igoa o ni tagata, kae e kotou fakamaaui i le suafa o le Eteleno, leia e ofi loa ia koutou mo ka kotou fai loa a fakamaau.

Uluaki tosi ki le kau Tesalonika 4:6

ke aua na fakatotolo e se tasi le avaga o lona taina, talie e tautea e le Aliki a tagata fenaaki, ofaipe lamatou fakasa fakatomua mo fakamaoki a ia kia koutou.

Loma 13:6

Ko le tupuaga foki lena o lakoutou totogi a tukusau. Talie ko pule ko tagata fakasausau latou a le Atua, ke tokaga ki le gaoi lena.

Mikea 3:9

Koia, pule o le fale o Sakopo, mo aliki o le fale o Iselaele, Kotou fakalogo malie mai ki le nea leinei, Koutou ala e vesia ki le faitotonu, Ti e pikopikoi ia le nea leia e totonu,

Esekiele 25:14

E kau liligi loa loku sausau ki Etome I le lima o loku kakai ko Iselaele ; E fai loa e ia ki Etome o mulimuli ki loku sausau mo loku mafaia ; Ti e lotou iloa loa loku sausau, E pati le Aliki, le Eteleno.

Esekiele 22:27

Kua fai ona pule pe ni lupo i loto malie o ona, ala e sae ia lalatou nea kai ; kua lotou liligi le toto, ti kua lotou tukipooi a laumalie, o tupu ke fakamakona ai lolatou manumanu koloa.

Selemia 5:28

Kua lotou pepeti, ti kua lotou gigila ; Kua lotou fakalaka i fuafua fuli o le veli ; E leaise lotou fakamaau i le faitotonu, E leaise lotou fakamaau i le faitotonu le toe sala matua, leia e tonu ke malo i lona fakamaau ; E leaise lotou fai le nea e totonu ki le kau mativa.

Esaia 1:17

Kotou ako le fai o le nea e malie, kotou afa le faitotonu, Kotou puipui leia e fakavelivelii ; Kotou fai le nea e totonu ki le toe sala matua, Kotou puipui le fafine lokonui,

Taagapati 20:26

Ko le sau leia e poto e fakapuli ia le kau agaveli, O tuku latou ke mio ia le fa teka.

Taagapati 20:8

Ka eke le sau i lona ekeekeaga i le fakamaauaga, E tio ona mata ki le veli i lana uluaki fa tio.

Uluaki tosi o Sau 10:9

Ke fakafetai ki le Eteleno, lou Atua, leia na tuku ia kiate koe le kalasia ke nofo i le ekeekeaga fakasau o Iselaele ! E tupu ko le alofa lee gato o le Eteleno ki Iselaele, leia kua fakanofo ai a koe e le Eteleno ko le sau o tupu ke ke fai le fakamaau mo le faitotonu.

Sosue 20:9

Ko na loa a kolo ala na filifili loa ki fanau a Iselaele mo matapule ala e nonofo mo latou, o tupu ke sola ki ai a tagata fuli ala na tukipooi ia se tasi tagata kae na leaise lotou loto ki ai, ti ke aua na mate a ia i le lima o le tagata totogi toto i mua o lona fakamaaui i le fono.

Sosue 20:5

Kapau e tuli loa a ia e le tagata totogi toto, e leaise lotou tuku loa a ia ki lima o le tagata totogi toto ; talie na tukipooi e ia lona oloi kae na leaise loto a ia ki ai, ti na leaise fili a ia kiate ia i mua.

Uluaki tosi a Petelo 2:14

ki kovana, ofaipe ni iki ala kua kakau mai e ia ke fakatuaa ia le kau agaveli ti mo fakapale ia latou ala e fai ia le malie ;