Loma 12:3 - Tosi Tapu

³ I le kalasia leia kua soli mai kiate au, e kau fakasa ki le tagata taki toka tasi o koutou, ke aua na maua ia se manatu lei e taualuga ake iate ia totonu, kae ke kofu ni manatu totonu, o mulimuli ki le lasi o le tui leia kua vaevae e le Atua ki le tagata taki toka tasi.

Loma 12:3 Iomraidhean Croise

Taagapati 25:27

E leaise malie le kai lasi o le meli, Ti mo le afa lasi o le kololia.

Taagapati 26:12

Kapau e ke tio ki se tagata leia e tui e poto, Ti e lasi ake le amanaki malie ki se tagata valea i le tagata lena.

Ekelesiasi 7:16

Aua na lasi oki lou maokioki, ti aua na ke poto fakavale : Kolea e ke maumaui ai loa a koe ?

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Luka 18:11

Na tuu le faliseo i aluga, ti na faikole a ia i lona loto, o pati : Ei Atua, e kau fakafetai kiate koe talie e leaise kau faipe tagata fuli : e lotou kaia, mo agaveli, ti mo tono ; ti e leaise kau fai foki pe le popelikano leinei :

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Loma 1:5

Ko ia leia na motou tali mei ai le kalasia mo le gaoi fakaapositolo, ke aumai i lona suafa ki le fakalogo o le tui a puleaga pagani fuli,

Loma 11:20

E tonu le nea a ia ; na tuuti latou o tupu ko lolatou tui gataa, ti ko koe, e ke tuu i le tui. Aua na ke fia taualuga, kae ke ke i loa ;

Loma 11:25

Talie e leaise kau loto, fetaina, ke kotou fakapouli ki le misitelio leinei, o tupu ke aua na kotou fia nealasi : kua vilo se potu o Iselaele ki le fakafefeka, o kaku ki le temi leia e katoa ai loa le kau pagani ala e tonu ke ulu ki le fakamauli.

Loma 12:16

Ke kotou maua ni manatu loto tatau i okoutou vasaa. Ke aua na kotou oli ki nea taualuga, kae ke kotou oli ki nea taulalo. Ke aua na kotou fia poto.

Uluaki tosi ki le kau Kolinto 15:10

Kae i le kalasia o le Atua, kua kau liliu o feneeki, ti na leaise ano noa lona kalasia kiate au ; mamao ai, na kau gaoi lasi ake ia latou fuli, kae na leaise ko au toka tasi, kae ko le kalasia o le Atua iate au.

Uluaki tosi ki le kau Kolinto 3:10

O mulimuli ki le kalasia o le Atua leia kua soli mai kiate au, kua kau teki le fakavae ofaipe se tufuga fale poto, ti na fau loa e se tasi ake i aluga. Kae ke tasi tokaga ki lana faasiga fau i aluga.

Uluaki tosi ki le kau Kolinto 7:17

Ko leia fua, fetaina, ke tasi saele le tagata o mulimuli ki le vaega leia kua tuku e le Aliki kiate ia, ti mo le kalaga leia kua tali e ia mei le Atua. Ko lena le nea leia e kau fakatotonu ki Ekelesia fuli.

Lua tosi ki le kau Kolinto 10:13

Kia maua, e leaise ma loto ke ma fakakololia i se nea leia e tuu i tafa o koiga o le faisaga leia na tuku mai e le Atua kia maua, o ave ai maua o kaku kia koutou.

Lua tosi ki le kau Kolinto 12:13

Pe na i ai se nea leia na kau fai fakaikiiki kia koutou i la ake Ekelesia ? Pe ko laku leaise fakaamo kia koutou loku taupau ? Kotou fakamolemole mai ki le sala lena !

Lua tosi ki le kau Kolinto 12:7

Tie talie ke aua na kau makita i le fia nealasi i nea malilie ala na fakatio au e le Atua ki ai, kua tuku e ia ki loku tino se maimoa mamae ai, ko se aselo o Satana leia ke ta ia au ti mo taofi ia au ke aua na kau fia nealasi.

Kalate 6:3

Kapau e manatu se tasi ko se tasi a ia, kae ko se nea noa a ia, e kakai e ia a ia totonu.

Efeso 3:2

mo kapau kua kotou logo ki laku fakasa ia le kalasia o le Atua leia kua tuku mai kiate au o tupu ko koutou :

Efeso 3:4

I lakoutou lau a ia, e mafai loa ke kotou matala ki le malama leia kua kau maua ki le misitelio o Kilisito.

Efeso 4:16

Ko ia leia e fakasokosoko ia a koga kesekese fuli o le tino, ti mo fakapipiki ia latou ki ni sai makeke ko se tino e tasi ; ti ko ia leia e fakatupu ia le tino o lasi o mulimuli ki le makeke leia e aoga ki le koga tino taki tasi, ti e faufau toka tasi e le tino a ia totonu i le alofa.

Filipe 2:13

talie ko le Atua leia e fakatupu ia ia koutou le loto mo le fai o lona finegalo malie.

Kolose 1:29

Ko le nea lena e kau gaoi foki ki ai, o tau i lona makeke leia e gaoi makeke iate au.

Kolose 2:13

Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ;

Uluaki tosi kia Timoteo 1:14

ti na lasi ai le kalasia o lotatou Aliki, mo le tui ti mo le alofa leia e maua ia Sesu-Kilisito.

Uluaki tosi kia Timoteo 2:15

Kae logo ai le nea a ia e fakamauli loa le fafine i lana liliu ko se tinana, mo kapau e kataki fualoa a ia i le fakapotopoto, mo le tui, mo le alofa, ti mo le maokioki.

Uluaki tosi kia Timoteo 2:9

E kau loto foki ke teu a fafine ki ni kofu ala e gali mo latou, mo mata fakaapaapa ti mo mata fakataulalo, kae aua na lotou teuteu ki ni kaufiliga, mo ni aulo, mo ni fuai kasoa, ti mo ni teu totogi veli,

Tito 2:12

E ako mai e ia kia tatou ke tiaki le aga lee fakaatua mo olioli fakamalama, kae ke tou mauli i le sekulo leinei o mulimuli ki le poto, mo le maokioki, ti mo le agamalie ki le Atua,

Tito 2:2

Fakasa ki le kau matua, e tonu ke lotou tokaga, mo agatonu, mo fakapotopoto, ti mo saosaoa i le tui, mo le alofa, ti mo le kataki fualoa.

Tito 2:4

o tupu ke lotou ako ki le kau fafine tupulaga ke alofa ki olatou avaga mo alatou fanau,

Tito 2:6

Ke ke ekenaki foki le kau tupulaga ke lotou fakapotopoto,

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Uluaki tosi a Petelo 1:13

Koia ke kotou nonoa ai a ifiifi o lokoutou loto, kotou fakapotopoto, kotou maua se amanaki malie katoa ki le kalasia leia e tuku atu loa kia koutou i le aso leia e sa ai loa Sesu-Kilisito.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Uluaki tosi a Petelo 4:7

Kua ofi le fakaoki o nea fuli. Koia ke kotou popoto mo alaala, o tokaga ki le faikole.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.

Tolu tosi a Soane 1:9

Na kau tosi ni ga kupu ki le Ekelesia ; kae ko Tiotelefo leia e fia tuu mua ia latou, e leaise koi fakatalitali e ia matou.