Loma 11:3 - Tosi Tapu

³ Aliki, kua lotou tamate au polofeta, kua lotou maumaui ou aletale ; ko au toka tasi koi toe, ti e lotou afa ke too loku mauli ?

Loma 11:3 Iomraidhean Croise

Uluaki tosi o Sau 18:13

Pe na leaise fakasa atu ki loku aliki le nea leia na kau fai i le temi leia na tamate ai e Sesapele a kau polofeta a le Eteleno ? Na kau fufu a kau polofeta e tino lelau a le Eteleno, o taki tino lima i se ana, ti na kau fagai latou ki le pane mo le vai.

Uluaki tosi o Sau 18:4

ti na soko loa, i le temi leia na tamate ai e Sesapele a kau polofeta a le Eteleno, na too loa e Apetiasi se kau polofeta e tino lelau ala na fufu loa e ia o taki tino lima i se ana, ti na fagai loa e ia latou ki le pane mo le vai.

Neemia 9:26

Kae na lotou malaga loa kiate koe. Na lotou tiaki loa lau lao ki muli, ti na lotou tamate loa lau kau polofeta leia na kolekole kia latou ke toe liliu mai kiate koe, ti na lotou fai loa kiate koe ni nea veveli.

Selemia 2:30

Na ano noa laku taai akoutou fanau ; Na leaise lotou tokaga fua ki le akonaki. Na kai e lakoutou seleta akoutou kau polofeta, Ofaipe se laione maumau.