3 I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;
Kotou fakalogo mai kiate au, koutou ala e mulimuli i le faitotonu, Ala e afa ia le Eteleno ! Kotou tio ki le utu leia na ta koutou mei ai, Ki le mavaa o le popoko leia na too koutou mei ai.
Kotou siki okoutou mata ki le lagi, ti kotou tio ki lalo ki le kele ! Talie e puli loa a atu lagi ofaipe se afu, E maluku loa le kele ofaipe se kofu popo, Ti e mamate loa lona kakai ofaipe ni lago ; Kae e tuu loa laku fakamauli o lee gato, Ti e leaise toe gato loa laku faitotonu.
Talie e kai loa latou e ilo ofaipe se kofu, Ti e kai loa latou e ugogo ofaipe le fului ovi. Kae e tuu loa laku faitotonu o lee gato, Ti e mafola loa laku fakamauli i tautupu ki tautupu.
Ko leinei le folafola a le Eteleno : Kotou tausi le nea leia e maoki, Kotou fai le nea leia e totonu ; Talie e leaise tuvai loa le au o laku fakamauli Ti mo le fakasa o laku faitotonu.
E leaise tasi leia e fetapa ki lou suafa, Leia e ala ake i le usu o pipiki kiate koe : Koia na ke fufu ai ou mata kia matou, Ti na ke tuku ai matou ke mamate i amatou agasala.
Kua fakatuutuu ni vasaa e kau fitu ki lou kakai ti mo le kolo maokioki, ke fakagato ai a agaveveli, mo fakaoki ai a agasala, mo fakamolemole ai le agatuu, mo aumai ai le faitotonu lee gato, mo fakasoko ai a nea ala na tio mo folafola ki ai le kau polofeta, ti mo toe fakatapui ai le fale tapu.
e lotou matala loa i ai na kau fakatutuu kia latou ti na kau ave ia loa latou o fakapopulai i fenua o latou fili. E lotou fakasemala loa ki alatou agatuu ti e lotou tali loa le tautea o alatou agasala.
Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.
talie i le Evaselio e fakasa ai le faitotonu o le Atua i le tui ti ki le tui, o mulimuli ki le nea leia e tuu i le Tosi : E mauli loa le tagata agatonu i le tui.
Talie, i le patigataa a se tagata e toka tasi, na liliu se toka api o agasala, i le fakalogo foki a se tagata e toka tasi, e liliu loa se toka api o faitotonu.
E motou maua loa le maokioki mo ka e motou tokaga loa o fai a lao fuli ana i mua o le Eteleno, lomatou Atua, o mulimuli ki lana fakatotonu mai kia matou.
ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.
Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !