Pe kua puli olatou atamai, latou fuli ala e fai ia le veli ? E lotou kai loku kakai, e lotou too a ia ofaipe se nea kai ; E leaise lotou fetapa fua ki le Eteleno.
I le aso lena, e taai loa e le Eteleno ki lana seleta lasi, mo fakaii, mo makeke, Le leviatane, gata kaikivao, Le leviatane, gata pikopiko ; Ti e tamate loa e ia le talakone leia e nofo i le tai.
I lalatou logo ki nea ana, na lotou fakakololia loa ki le Atua. Ti na lotou pati loa kia Paulo : E ke tio, taina, kua lau afe le kakai Sutea leia kua tui, ti e lotou tausi malie fuli ki le lao.
o kalaga : Tagata Iselaele, tokoi mai kia matou ! Ko leinei le tagata leia e akonaki ki le kakai katoa i potu fuli o fakafesagai ki le kakai Iselaele, mo le lao, ti mo le ganea leinei ; ti na fakaulu foki e ia ni Keleka ki le fale tapu, o fakakelekele ai le ganea taputapu leinei.
Na lotou fakalogo loa kiate ia o kaku ki le masau lena, ti na lotou kalaga leo lasi loa : Ke too mei le kele le tagata lena ! E leaise tonu ke tuku a ia ke mauli.
E kau Sutea, ti na kau tupu i Talese i Silisia ; kae na kau lasi ake i le kolo leinei, ti na kau ako i vae o Kamaliele i le maoki katoa o le lao o tatou tamana, ti na kau apele i le alofa ki le Atua ofaipe koutou fuli i le aso nei.
I lolatou fakapouli ki le faitotonu a le Atua, ti mo lalatou faiga ke fakatuu lalatou faitotonu, kua leaise lotou fia fakalogo ki le faitotonu a le Atua ;
ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.
Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.
Ti mo laku fakalaka mamao i le tausi ki le lotu fakasutea i se toka api o loku tautupu mo loku kakai, talie na kau tausi malie ake ia latou ki talatisio o oku tamana.
Kofea loa le manuia leia na kotou fakasa ia ? Talie e kau fakamaoki atu kia koutou, kapau na kotou mafai ia, na kotou kape loa okoutou mata o soli mai kiate au.