Loma 1:16 - Tosi Tapu

¹⁶ Talie e leaise kau luma ai ki le Evaselio : Ko le makeke a ia mei le Atua ke fakamauli ai leia e tui, o uluaki le Sutea, ti mo le Keleka foki,

Loma 1:16 Iomraidhean Croise

Maleko 8:38

Talie ko leia e luma loa kiate au mo aku folafola i loto malie o le tautupu fai feauaki mo agasala leinei, e luma loa le Vosa o le tagata kiate ia, mo ka au loa a ia i le kololia o lona Tamana, mo le kau aselo maokioki.

Lua tosi kia Timoteo 1:8

Koia ke aua na ke luma ki le fakamaoki ke tuku ki lotatou Aliki, pe kiate au ko lana tagata pilisoni. Kae ke ke mamae mo au o tupu ko le Evaselio, i le makeke o le Atua

Uluaki tosi a Petelo 4:16

Kae kapau e mamae se tasi ofaipe se kilisiteano, ke aua na luma a ia, kae ke fakakololia a ia ki le Atua, o tupu ko le igoa lena.

Lua tosi kia Timoteo 1:12

Ti ko le tupuaga lena o laku tali a mamae ana ; kae e leaise kau luma fua talie e kau iloa leia kua kau tui ki ai, ti e kau iloa papau e maua e ia le makeke ke taupau ia loku koloa o kaku ki le aso o le fakamaau.

Luka 9:26

Kapau e luma loa se tasi kiate au ti mo aku folafola, e toe luma loa le Vosa o le tagata kiate ia, mo ka au loa a ia i lona kololia ti mo leia o le Tamana mo le kau aselo maokioki.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Uluaki tosi ki le kau Kolinto 2:4

ti na leaise fai aku masau mo aku akonaki ki ni masau logo malie o le poto fakatagata, kae ki se fakamaoki o le Laumalie mo se makeke,

Uluaki tosi ki le kau Kolinto 2:2

Talie na leaise kau maua le manatu ke iloa ia koutou se tasi ake a nea ia Sesu-Kilisito, ti ko Sesu-Kilisito leia na tutuki i le koluse.

Loma 10:17

Koia e au ai le tui mei le nea leia e logo ki ai, ti ko le nea leia e logo ki ai, e au mei le folafola a Kilisito.

Epelo 4:12

Talie ko le folafola a le Atua e mauli, mo makeke, mo matakakai ake i se seleta mata lua, mo ulu loloto o kaku ki le vaei o le loto mo le laumalie, o sokoga mo gako o ivi ; e fakamaaui e ia a manatu o le laumalie ti mo manatu o le loto.

Uluaki tosi ki le kau Kolinto 15:2

leia foki kua kotou saofaki ai, mo kapau e kotou taofi a ia ofaipe laku akonaki atu a ia kia koutou ; ka leai, na kotou tui noa.

Selemia 23:29

Pe leaise fai laku folafola pe se afi, e pati le Eteleno, Pe se amale leia e fatifati ia le fatu ?

Kalate 1:7

Ko le maoki e leaise tasi ake Evaselio, kae e i ai ni iki ala e fakamamae ia koutou, ti e lotou loto ke fetogi le Evaselio a Kilisito.

Loma 2:9

Ko le tautea mo le mamae ki tagata fuli ala e fai ia le veli, o muamua ki le Sutea ti mo le Keleka foki !

Gaoi 3:26

Koia na fakatuu ai e le Atua lana tagata fakasausau ko Sesu kia koutou mua, ti kua kakau mai e ia a ia ke tapuaki kia koutou ki le tafoki o le tagata taki toka tasi mei ana agaveli.

Pesalemo 119:46

E kau masau loa ki au pelesepeto i mua o sau, Ti e leaise kau luma loa.

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Esaia 53:1

Ko ai na tui ki le nea leia na fakasa fakatomua mai kia tatou ? Ko ai na iloa ia le lima o le Eteleno ?

Uluaki tosi kia Timoteo 1:11

leia e mulimuli ki le Evaselio o le kololia o le Atua manuia, Evaselio leia kua tuku mai kiate au.

Lua tosi ki le kau Kolinto 9:13

I le tio loa ki le tokoi lena kia latou, e lotou fakakololia loa ki le Atua o uiga mo lakoutou fakalogo ki le fakasa o le Evaselio a Kilisito, ti mo lokotou alofa lasi o vaevae okoutou koloa mo latou ti mo le kakai katoa ;

Lua tosi ki le kau Kolinto 2:12

Koia i laku kaku atu ki Toloasi ke fakasa ai le Evaselio a Kilisito, o logo ai na fakamavaa e le Aliki se matapa kiate au i ai, kae na leaise kau maua ia se malolo i loku loto, talie na leaise kau maua ia a Tito, loku taina ;

Uluaki tosi ki le kau Kolinto 9:18

Kolea loa loku totogi ? Ko le momoli noa o le Evaselio leia e kau fakasa, kae leaise fakaaoga loku uiga ko le tagata fakamafola Evaselio.

Uluaki tosi ki le kau Kolinto 9:12

Kapau e maua e ni iki a nea ana, pe leaise ko maua ala e tonu ke maua ia latou ? Kae na leaise ma fakaaoga le faigamalie lena ; talie, e ma kataki a nea fuli, o tupu ke aua na i ai se nea leia e fakavisi ki le Evaselio a Kilisito.

Loma 15:29

Ti e kau iloa i laku natu kia koutou, e kau kaku atu loa mo le tapuakina apele a Kilisito.

Loma 15:19

ki le makeke o milakulo mo nea fakamanamana, ki le makeke o le Laumalie o le Atua ; koia na kau fakamafola o lasi ai le Evaselio a Kilisito, o fai mei Selusalemi, o takatakai i fenua fuli o kaku ki Ililia.

Lua tosi kia Timoteo 1:16

Ke liligi e le Aliki lona manavaalofa ki le fale o Onesifole, talie na fakapelepelei e ia loku loto o tua lasi, ti na leaise luma a ia ki oku tini ;

Loma 4:11

Ti na tali loa e ia le fakamailoga o le silikosisio, ofaipe se fakamaoki o le faitotonu leia na maua e ia i le tui kae koi lee silikosisio a ia, o tupu ke liliu a ia ko le tamana o le kau lee silikosisio fuli ala e tui, ti ke lau foki le faitotonu kia latou,

Pesalemo 110:2

E fakamafola loa e le Eteleno mei Sione le tokotoko o lou mafimafi : Ke ke pule i loto malie o ou fili !

Soane 7:35

Na pati loa le kau Sutea : E ano loa a ia kifea, ke aua na tou toe maua ai loa a ia ? Pe ano loa a ia kia latou ala e mavetevete i le kau Keleka ? Pe akonaki loa a ia ki le kau Keleka ?