Kolose 2:8 - Tosi Tapu

⁸ Kotou tokaga na fakasesei koutou e se tasi ki le filosofia ti mo se masau noa, o fanaki ki le talatisio a tagata, ti mo makeke fakalaumalie o le malama nei, kae leai kia Kilisito.

Kolose 2:8 Iomraidhean Croise

Katiko o Katiko 2:15

Kotou tapo mai a lenato, A uviki lenato ala e maumaui ia a faisaga vite ; Talie kua se otou vite.

Selemia 29:8

Talie e folafola le Eteleno o kau tau, le Atua o Iselaele : Aua na kotou tuku ke kakai koutou e okoutou kau polofeta ala e nofo ia koutou, mo okoutou kau faikikite. Aua na kotou fakalogo ki okoutou kau moe miti, ala e kotou fakatupu alatou moe miti !

Mateo 10:17

Kotou tokaga ki tagata ; talie e lotou ave loa koutou ki telepinale, ti e lotou sasa loa koutou ki ni laakau i olatou sinakoka ;

Mateo 16:6

Na pati loa Sesu kia latou : Kotou tokaga ki le fakatupu a le kau faliseo mo le kau Satuseo.

Mateo 7:15

Kotou tokaga ki le kau polofeta kaka. E lotou au kia koutou kua kofu ofaipe ni ovi, kae i loto ko ni lupo fekai latou.

Gaoi 17:18

Ti na kamata masau loa a ia mo ni tagata filosofia o le kau Epikulio mo le kau Sitoikoto. Ti na pati a iki : Kolea e fia masau ki ai le tagata gutu masau lena ? Ti ko iki, i le logo ki lana fakasa ia Sesu mo le toe tuuake, na pati loa : E sakinake e fakasa e ia ni taulaatua foou.

Gaoi 17:32

I lalatou logo ki le masau ki le toe tuuake o le kau mate, na gologolo loa a iki, kae na pati loa a iki : Koi motou toe logo loa ki ai i se tasi ake faiaga.

Loma 16:17

E kau fakalotomakeke koutou, fetaina, ke kotou tokaga kia latou ala e fakatupu ia ni fakavaevaega mo ni nea fakatupu siga, o fakatupu veli ki le akonaki kua kotou tali. Kotou fakamamao meia latou ana.

Uluaki tosi ki le kau Kolinto 10:12

Koia, ko leia e manatu e tuu a ia i aluga, ke tokaga a ia na vilo !

Uluaki tosi ki le kau Kolinto 8:9

Kae kotou tokaga, ke aua na liliu lokoutou lauatea ko se fatu tukiaaga ki le kau gagae.

Lua tosi ki le kau Kolinto 10:5

E ma soloi ki lalo a fakakaukau mo nea taualuga fuli ala e malaga ake ki le iloa o le Atua, ti e ma fakapilisoni a manatu fuli o aumai latou ki le fakalogo kia Kilisito.

Kalate 1:14

Ti mo laku fakalaka mamao i le tausi ki le lotu fakasutea i se toka api o loku tautupu mo loku kakai, talie na kau tausi malie ake ia latou ki talatisio o oku tamana.

Kalate 4:3

Ko tatou foki, e tou tatau, i le temi leia na koi tou liliki ai, na tou popula ki makeke fakalaumalie o le malama nei ;

Kalate 4:9

kae i le temi nei kua kotou iloa ai le Atua, ti kua iloa foki koutou e le Atua, kolea e kotou toe liliu ai o tausi ki taulaatua gagae mo mativa ana e kotou loto ke kotou toe popula ki ai ?

Kalate 5:15

Kae kapau e kotou feutiutiaki mo fekaiaki, kotou tokaga ke aua na kotou maumaui koutou.

Efeso 2:2

ala na kotou saele ai i mua, o mulimuli ki le teka o le malama nei, o mulimuli ki le aliki o le makeke o le aele, o le laumalie leia e gaoi nei i vosa o le patigataa.

Efeso 4:20

Kae ko koutou, na leaise fenaaki lakotou ako ia Kilisito,

Efeso 5:6

Ke aua na kakai koutou e se tasi ki ni masau vaiga ; talie ko nea ana na tupu ai le ifo o le sausau o le Atua ki fanau patigataa.

Tetelonome 6:12

Ka ke kai loa lau nea kai o ke makona, ke ke tokaga ai na galo le Eteleno, leia na fakamavae ia a koe mei le fenua o Esipito, leia na ke popula ai.

Filipe 3:2

Kotou tokaga ki kuli, kotou tokaga ki tagata gaoi veveli, kotou tokaga ki le kau silikosisio loi.

Kolose 2:18

Ke aua na kakai koutou e se tasi i le totogi o le makape, ki se agamalu i tafa ti mo se tausi ki le kau aselo ; talie e makita a ia i le fia nealasi vaiga i ana tio fakalaumalie, ti mo ana manatu fakakanofi,

Kolose 2:20

Kapau kua kotou mate mo Kilisito ki lao noa o le malama nei, kolea, o sakinake koi kotou mauli i le malama nei, e fakamaua ai kia koutou a lekula anei :

Kolose 2:22

lekula ala e liliu fuli o veli i le fakaaoga tuumau, ti e fakatafito fua ki ni fakatotonu mo ni akonaki a tagata ?

Kolose 2:23

E maoki, e lotou mata fakapotopoto, talie e lotou masau ki se fia lotu, mo se agamalu, ti mo se fakamamae o le tino ; kae e leai sona aoga, gato fua ki le fakafimalie o le kanofi.

Uluaki tosi kia Timoteo 6:20

Ei Timoteo, taupau le koloa lena, o sola mei masau noa mo fakamalama, ti mo fefele o le poto loi,

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Epelo 13:9

Aua na kotou muli i ni akonaki foou mo sala. Talie e malie ke fakafoou okoutou loto e le kalasia, kae e leai e ni lekula o uiga mo ni nea kai ; e leai sona ga aoga fua kia latou ala e muli i ai.

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.

Uluaki tosi a Petelo 1:18

Talie e kotou iloa na leaise totogi koutou ki ni nea popo, ki se paaga pe ko se aulo, mei le mauli vaiga leia na kotou maua mei okoutou tamana,

Lua tosi a Petelo 3:17

Kae kia koutou, alofaaga, ala kua iloa ia le maoki i le temi nei, kotou tokaga, ke aua na ave koutou e le sese o le kau agaveli, ti ke kotou vilo loa mei lokoutou tuuaga makeke ;

Lua tosi a Soane 1:8

Kotou tokaga fua kia koutou totonu, o tupu ke aua na puli le fua o lakotou gaoi, kae ke kotou maua se fakapale lasi.