Kolose 2:1 - Tosi Tapu

¹ Koia, e kau loto ke kotou iloa le lasi o le tau leia e kau fai o tupu ko koutou, ti mo latou ala e nofo i Laotise, ti mo latou fuli ala e leikiaise tio ki oku mata,

Kolose 2:1 Iomraidhean Croise

Senesi 30:8

Na pati loa Lasele : Na kau tau i mua o le Atua ki loku taina, ti kua kau malo. Ti na fakaigoa loa e ia le toe ko Nefetali.

Luka 22:44

Na logoi loa e ia se mamae lasi, ti na toe asilisili faikole fakamalotoloto a ia : ti na liliu loa lona kavakavaia ofaipe ni motii toto, ala na sasali ki le kele.

Gaoi 20:25

Ti ko leinei, e kau iloa e leaise kotou toe tio loa ki oku mata, koutou fuli ala na kau fakasa ki ai le Puleaga o le Atua.

Gaoi 20:38

o toe lasi ake loa lolatou mamae, o tupu ko le pati a Paulo, e leaise lotou toe tio loa ki ona mata. Ti na lotou ano loa, o tuku a ia ki le vaka.

Kalate 4:19

Ei aku fanau, ala kua kau toe logoi ki ai a mamae o le fanauga, o kaku ki le katoa o Kilisito ia koutou,

Filipe 1:30

o too lokotou vaega i le tau leia na kotou tio na kau fai i mua, ti e kotou iloa e kau fai nei.

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Kolose 1:29

Ko le nea lena e kau gaoi foki ki ai, o tau i lona makeke leia e gaoi makeke iate au.

Kolose 2:5

Talie, kapau e kau puli i le tino, e kau nofo mo koutou i le laumalie, o tio mo fiafia ki le tokamalie leia e maua ia koutou, ti mo le makeke o lakoutou tui kia Kilisito.

Uluaki tosi ki le kau Tesalonika 2:2

I le oki o lamatou tali a mamae ti mo lauveli i Filipe, ofaipe le nea leia kua kotou iloa, na toe fakamakeke o motou loto e le Atua ke motou fakasa kia koutou le Evaselio o le Atua, i loto malie o ni tau lasi ai.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Uluaki tosi a Petelo 1:8

E kotou alofa kiate ia, kae e leikiaise kotou tio kiate ia. E kotou tui kiate ia kae e leikiaise kotou tio kiate ia i le temi nei. Koia e kotou fiafia ai i se fiafia fakakololia leia e leaise feala ke fakasa e ni masau,

Apokalipisi 1:11

leia na pati : Ko le nea leia e ke tio ki ai, tosi a ia i se tosi, o fakamomoli a ia ki Ekelesia e fitu, ki Efeso, mo Similene, mo Pelekame, mo Tiatile, mo Salete, mo Filatelefia, ti mo Laotise.