Kalate 4:9 - Tosi Tapu

⁹ kae i le temi nei kua kotou iloa ai le Atua, ti kua iloa foki koutou e le Atua, kolea e kotou toe liliu ai o tausi ki taulaatua gagae mo mativa ana e kotou loto ke kotou toe popula ki ai ?

Kalate 4:9 Iomraidhean Croise

Uluaki tosi o Sau 8:43

ke ke tali a ia mei le atu lagi, mei le ganea o lou nofoaga, ti ke ke tuku loa ki le matapule lena a nea fuli ala e kole atu loa e ia kiate koe, o tupu ke iloa e kakai fuli o le malama nei lou suafa ti ke lotou i kiate koe, ofaipe lou kakai ko Iselaele, ti ke lotou iloa e fetapa ki lou suafa i le fale leinei kua kau fakatuu !

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Pesalemo 1:6

Talie e iloa e le Eteleno le ala o le kau agatonu, Ti ko le ala o le kau agasala e taki ia ki le malaia.

Pesalemo 9:10

Ko le Eteleno ko se mumuniaga ki le tagata leia e fakavelivelii, Ko se mumuniaga i le temi o le mamae.

Ekesote 33:17

Na pati loa le Eteleno kia Moisese : E kau fai loa le nea leia e ke kole mai ki ai, talie kua kau alofa kiate koe, ti e kau iloa a koe i lou igoa.

Taagapati 2:5

Ti e ke matala loa ki le i ki le Eteleno, Ti e ke maua loa le iloa o le Atua.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Apakuki 2:14

Talie e apele loa le malama nei i le iloa o le kololia o le Eteleno, Ofaipe le takele o le moana leia e apele i le vai leia e uufi ia a ia.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Luka 5:38

Kae e tonu ke tuku le vino foou ki ni utele foou.

Soane 10:14

E kau iloa aku ovi, ti e lotou iloa au,

Soane 10:27

E logo aku ovi ki loku leo ; e kau iloa latou, ti e lotou muli mai iate au.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Uluaki tosi ki le kau Kolinto 13:12

I le temi nei e tou tio nenefu ofaipe i se tiloata, kae i se aso e tou tio mata loa, le mata ki le mata ; i le aso nei e kau iloa fakakoga, kae i le aso a ia e kau iloa katoa loa ofaipe loku iloa katoa e le Atua.

Uluaki tosi ki le kau Kolinto 15:34

Kotou toe liliu mai kia koutou totonu, ko lena le nea leia e totonu, ti aua na kotou agasala ; talie e leaise iloa e ni iki o koutou le Atua, e kau fakasa a ia ke kotou luma ai.

Uluaki tosi ki le kau Kolinto 8:3

Kae kapau e alofa se tasi ki le Atua, e iloa a ia e le Atua.

Lua tosi ki le kau Kolinto 11:20

Kapau e fakapopulai koutou e se tasi, kapau e folo koutou e se tasi, kapau e fakamakeke koutou e se tasi, kapau e masau lalasi se tasi, kapau e paai okoutou mata e se tasi, e kotou kataki a ia.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Kalate 3:3

Pe kua kotou valelea lasi ai ? I le oki o lakotou kamata i le Laumalie Maokioki, pe kua kotou loto i le temi nei ke kotou fakaoki i kanofi ?

Kalate 4:3

Ko tatou foki, e tou tatau, i le temi leia na koi tou liliki ai, na tou popula ki makeke fakalaumalie o le malama nei ;

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Epelo 7:18

Koia i le nea lena e soloi ai loa le uluaki lekula, o tupu ko lona gaegae mo lona lee aoga.

Lua tosi a Petelo 2:20

Koia, kapau i le oki o lolatou mavae mei nea kelekele o le malama nei, o tupu kua lotou iloa le Aliki mo le Fakamauli ko Sesu-Kilisito, e lotou toe tuku loa a nea ana ke toe too ia latou, ti ke toe malo ia latou, e toe veli ake loa lolatou mauli fakamuli i le uluaki.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.