Kalate 4:7 - Tosi Tapu

⁷ Koia e leaise koi ke popula ai, kae ko se vosa a koe ; ti kapau ko se vosa a koe, e ke mau tofiga foki i le kalasia o le Atua.

Kalate 4:7 Iomraidhean Croise

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Pesalemo 16:5

Ko le Eteleno ko loku inati mo loku kalise. Ko koe leia e taupau kiate au loku vaega.

Pesalemo 73:26

E feala ke gaegae loku tino mo loku loto : Kae ko le utu o loku loto mo loku vaega ko le Atua, o lee gato.

Selemia 10:16

E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Tagi laulau a Selemia 3:24

E pati loku laumalie : Ko le Eteleno ko loku vaega, Koia e kau fia amanaki malie ai kiate ia.

Mateo 6:24

E leaise mafai e se tasi ke tausi ki ni pule e toka lua. Talie, pe vesia loa a ia ki le tasi, kae e alofa loa a ia ki le tasi ; pe pipiki loa a ia ki le tasi, kae tiaki loa e ia le tasi. E leaise mafai ke kotou tausi ki le Atua mo Mamone.

Kalate 3:26

Talie ko vosa fuli koutou o le Atua i le tui kia Sesu-Kilisito ;

Kalate 3:29

Ti kapau e kotou kau kia Kilisito, ti ko le sakoga loa koutou o Apalaamo, ko fanau mau tofiga o le fakapapau.

Kalate 4:31

Koia, fetaina, e leaise ko fanau tatou a le fafine popula, kae a le fafine lauatea.

Apokalipisi 21:7

Ko leia e malo loa e maua tofiga loa e ia a nea ana. E kau liliu loa ko lona Atua, ti e liliu loa a ia ko loku vosa.