Kalate 3:2 - Tosi Tapu

² Ko leinei fua le nea e tasi leia e kau fia ilo ki ai : Pe na kotou tali le Laumalie Maokioki o tupu ko gaoi o le lao, pe tupu ko le akonaki o le tui ?

Kalate 3:2 Iomraidhean Croise

Gaoi 15:8

Ti ko le Atua, leia e iloa ia a loto, na fakamaoki kia latou, o soli le Laumalie Maokioki kia latou ofaipe tatou ;

Gaoi 2:38

Na pati loa Petelo kia latou : Kotou fakasemala ti ke kotou tasi papitema i le suafa o Sesu-Kilisito, o tupu ko le fakamolemole o akoutou agasala ; ti e kotou tali loa le nea alofa o le Laumalie Maokioki.

Gaoi 8:15

Ko laua ana, i lala kaku ki Samalia, na faikole loa kia latou, o tupu ke lotou tali le Laumalie Maokioki.

Loma 1:17

talie i le Evaselio e fakasa ai le faitotonu o le Atua i le tui ti ki le tui, o mulimuli ki le nea leia e tuu i le Tosi : E mauli loa le tagata agatonu i le tui.

Uluaki tosi ki le kau Kolinto 9:21

i latou ala e leaise nofo i le lao a Moisese, na kau faipe se tagata leia e leaise nofo i le lao, (logo ai i mua o le Atua e leaise kau nofo sala lao, talie e kau nofo i le lao a Kilisito), o tupu ke maua ai latou ala e leaise nonofo i le lao a Moisese.

Lua tosi ki le kau Kolinto 11:4

Talie, kapau e natu se tasi o fakasa atu kia koutou se tasi ake Sesu i leia kua motou fakasa ia atu, pe kapau e kotou tali se tasi ake laumalie i leia kua kotou tali ia, pe ko se tasi ake Evaselio i leia kua kotou tui ki ai, e kotou kataki malie le tagata lena.

Kalate 3:14

o tupu ke fakasoko le tapuaki a Apalaamo ki le kau pagani ia Sesu-Kilisito, ti ke tou tali i le tui le Laumalie leia na fakapapau mai.

Kalate 3:3

Pe kua kotou valelea lasi ai ? I le oki o lakotou kamata i le Laumalie Maokioki, pe kua kotou loto i le temi nei ke kotou fakaoki i kanofi ?

Kalate 3:5

Ko leia e soli atu ia kia koutou le Laumalie, ti mo fakasoko ia ni milakulo ia koutou, pe fai e ia a nea ana o tupu ko gaoi o le lao, pe tupu ko le akonaki o le tui ?

Epelo 2:4

ti na fakamaoki foki le Atua kia latou i ni fakamailoga, mo ni nea fakaofolele, mo ni milakulo kesekese, ti mo ni nea alofa o le Laumalie Maokioki ala na tufaki o mulimuli ki lona finegalo.

Epelo 4:2

Talie kua fakasa le logo malie lena kia tatou ofaipe latou ; kae na leaise aoga kia latou le folafola leia na lotou logo ki ai, talie na leaise maua se tui ia latou ala na logo ki ai.

Epelo 6:4

Talie e leaise mafai ai kia latou ala kua oki i le fakamalamai tua tasi, ala kua kai ki le nea alofa mei lagi, ti kua kau ki le Laumalie Maokioki,

Uluaki tosi a Petelo 1:12

Na fakasa loa kia latou ko nea ala na tuku kia latou ko ni nea, o leai kia latou totonu, kae kia koutou. Ti kua fakasa atu kia koutou a nea ana i le temi nei e latou ala na akonaki ia le Evaselio i le Laumalie Maokioki leia na kakau mei lagi, ti e oli le kau aselo ke tio ki ai.