Kalate 3:16 - Tosi Tapu

¹⁶ Ko leinei, na fai a fakapapau kia Apalaamo mo lona sakoga. Na leaise pati : mo ona sakoga, o sakinake na mauke ni sakoga, kae ko le sakoga fai e tasi : ti ki lou sakoga, ko lona uiga kia Kilisito.

Kalate 3:16 Iomraidhean Croise

Senesi 12:3

E kau tapuaki loa kia latou ala e tapuaki loa kiate koe, ti e kau fakamalaia latou ala e lauveli loa kiate koe ; ti e tapuakina loa a famili fuli o le malama nei iate koe.

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 15:5

Ti na taki loa e ia Apalamo ki fafo, o pati kiate ia : Tio ki le lagi, ti ke lau a fetuu, mo kapau e ke ma lau ia latou. Ti na pati loa a ia kiate ia : E fenaaki loa lou sakoga.

Senesi 21:12

Kae na pati loa le Atua kia Apalaamo : Aua na mamae lou loto, o tupu ko le toe mo lau fafine fakasausau. Tuku kia Sala a nea fuli ala e kole atu loa e ia kiate koe ; talie ko Isaake leia e au loa mei ai lou sakoga totonu.

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Mateo 1:1

Ko le sakoga o Sesu-Kilisito, vosa o Tavite, vosa o Apalaamo.

Luka 1:55

Ofaipe lana fakasa ki otatou tamana, Kia Apalaamo mo lona sakoga o lee gato.

Gaoi 3:25

Ko vosa koutou o le kau polofeta ti mo le fakapapau leia na fai e le Atua mo otatou tamana, i lana pati kia Apalaamo : E tapuakina loa a famili fuli o le malama nei i lou sakoga.

Loma 12:5

e tatau foki mo tatou, e tou toka api, ti e tou fau se tino e tasi ia Kilisito, ti e tou feaogaaki fuli, ofaipe ni koga tino e pipiki tasi.

Loma 4:13

Talie na leaise fai le fakapapau ke tuku le tofiga o le malama nei kia Apalaamo pe ki lona sakoga, i le lao, kae i le faitotonu o le tui.

Loma 4:16

Koia, e tou maua ai le tofiga o le fakapapau i le tui, o tupu ke tuu a ia ko se kalasia, ti ke tuu mau le fakapapau ki le sakoga katoa, o leaise gato fua ki le sakoga leia e fakalogo ki le lao, kae ki le sakoga foki leia e maua ia le tui a Apalaamo, lotatou tamana fakatasi, ofaipe lona tuu i le Tosi :

Loma 9:4

ala e Iselaele, ala e maua ia le fufui, mo le kololia, mo sai, mo le lao, mo le atolasio, mo fakapapau,

Uluaki tosi ki le kau Kolinto 12:12

Talie, ofaipe le tino e tasi kae maua e ia ni koga tino mauke, ti ko koga tino fuli o le tino, logo ai lolatou mauke, kae lotou fau se tino e tasi : e tatau foki mo Kilisito.

Uluaki tosi ki le kau Kolinto 12:27

Ko le tino koutou o Kilisito, ti ko ona koga tino koutou taki toka tasi.

Lua tosi ki le kau Kolinto 11:22

Pe lotou Epeleo ? Mo au foki. Pe lotou Iselaele ? Mo au foki. Pe lotou au mei le sakoga o Apalaamo ? Mo au foki.

Kalate 3:19

Kolea na soli ai le lao ? Na soli mai a ia ki le fakapapau o tupu ke iloa ai a agasala ki le finegalo o le Atua : na tonu ke tuu a ia o kaku ki le kaku mai o le sakoga o Apalaamo leia na fai ki ai le fakapapau ; na tuku le lao lena e ni aselo ki lima o se tagata fakasoko pati.

Kalate 3:8

Koia i le iloa fakatomua e le Tosi e fakamatatonu loa e le Atua le kau pagani ki le tui, na fakasa fakatomua e ia kia Apalaamo le logo malie leinei : E tapuakina loa a puleaga fuli iate koe !

Efeso 5:32

E lasi ai le misitelio lena ; e kau fakasa le nea lena o uiga mo Kilisito ti mo le Ekelesia.

Kolose 2:19

kae e leaise pipiki a ia ki le ulu, leia e fagai ia mo fakatasi ia le tino katoa i ona sokoga mo ona nonoa, ti e tuku ia kiate ia le tutupu o mulimuli ki lona finegalo.

Kolose 3:11

Koia e leaise i ai se Keleka i leinei pe ko se Sutea, mo se tagata silikosisio pe ko se lee silikosisio, mo se matapule pe ko se Site, mo se tagata popula pe ko se tagata lauatea ; kae ko Kilisito fuai i tagata fuli.