Kalate 3:1 - Tosi Tapu

¹ Ei kau Kalate valelea ! Ko ai lena kua fakauluvalea ia koutou, ke aua na koutou fakalogo ki le maoki, koutou ala na fakasa tautonu ki okoutou mata a Sesu-Kilisito leia na tutuki i le koluse ?

Kalate 3:1 Iomraidhean Croise

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Mateo 7:26

Kae ko leia e logo ki folafola anei e kau fakasa, ti e leaise fai ia latou, e tatau loa a ia mo se tagata valea leia na fakatuu ia lona fale i aluga o le one.

Luka 24:25

Ti na pati loa Sesu kia laua : Tagata sala atamai, ti mo tui gataa ki nea fuli ala kua fakasa e le kau polofeta !

Gaoi 16:6

I lola taofi e le Laumalie Maokioki ke aua na la fakasa le folafola i Asia, na la ano loa ki Filisia mo le fenua ko Kalatia.

Gaoi 6:7

Na mafola le folafola a le Atua, ti na tupu o api ai le kau tisipulo i Selusalemi, ti na fakalogo ki le tui se kakai toka api o le faisakilifisio.

Loma 10:16

Kae na leaise fakalogo a tagata fuli ki le logo malie. Koia na pati ai Esaia : Aliki, Ko ai na tui ki lamatou akonaki ?

Loma 2:8

kae ko le sausau mo le mamae lasi kia latou ala e agatuu, mo patigataa ki le maoki kae patigaofie ki le agasala.

Loma 6:17

Kae ke tuku a fakafetai ki le Atua, talie, i le oki o lokoutou popula ki le agasala, kua kotou fakalogo i le loto ki le lekula o le akonaki leia na tuku atu kia koutou.

Uluaki tosi ki le kau Kolinto 11:26

Talie i faiaga fuli ala e kotou kai ai le pane leinei mo inu ai le ipu leinei, e kotou fakasa ia le mate o le Aliki, o kaku ki lana toe saele mai.

Uluaki tosi ki le kau Kolinto 2:2

Talie na leaise kau maua le manatu ke iloa ia koutou se tasi ake a nea ia Sesu-Kilisito, ti ko Sesu-Kilisito leia na tutuki i le koluse.

Lua tosi ki le kau Kolinto 10:5

E ma soloi ki lalo a fakakaukau mo nea taualuga fuli ala e malaga ake ki le iloa o le Atua, ti e ma fakapilisoni a manatu fuli o aumai latou ki le fakalogo kia Kilisito.

Lua tosi ki le kau Kolinto 11:3

Kae, ofaipe le gata leia na kakai ia a Eva i lana puleaki kaka, e kau i na kua fakasalai okoutou fakakaukau ke kotou maliu kese i le faigaofie leia e mau ia Kilisito.

Kalate 1:2

ti mo fetaina fuli ala e nonofo mo au, ki Ekelesia o Kalatia :

Kalate 1:6

E kau punamauli i lakoutou titua vave ai ki leia na kalagai ia koutou i le kalasia o Kilisito, o fakalaka ki se tasi ake Evaselio.

Kalate 2:14

I laku tio na leaise lotou saele fakasako i le maoki o le Evaselio, na kau pati loa kia Kefasi i mua o latou fuli : Kapau ko koe leia e Sutea, e ke fai o fakatatau ki le aga a le kau pagani, kae leai ki le aga a le kau Sutea, kolea e ke fakamakeke ai le kau pagani ke fai o fakatatau ki le kau Sutea ?

Kalate 3:3

Pe kua kotou valelea lasi ai ? I le oki o lakotou kamata i le Laumalie Maokioki, pe kua kotou loto i le temi nei ke kotou fakaoki i kanofi ?

Kalate 4:9

kae i le temi nei kua kotou iloa ai le Atua, ti kua iloa foki koutou e le Atua, kolea e kotou toe liliu ai o tausi ki taulaatua gagae mo mativa ana e kotou loto ke kotou toe popula ki ai ?

Kalate 5:11

Kae kiate au, fetaina, kapau koi kau akonaki ki le silikosisio, kolea koi fakavelivelii ai au ? Kapau koia, ti kua tiaki le akonaki o Sesu leia na tutuki i le koluse, leia ko se nea fakatupu siga kia latou !

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Efeso 4:14

Talie ke aua na tou toe fai loa pe ni toe liliki, ala e fetaaki mo feaveaki e matagi o akonaki fuli ala e fakamafola e ni tagata kaka ke fakasese ai ni iki ki alatou puleaki kaka.

Efeso 5:15

Koia kotou tokaga ai ki lakoutou saele, ke aua na kotou faipe se kau vale, kae ke kotou faipe se kau poto ;

Tetelonome 32:6

Pe ke tuku loa le sala ki le Eteleno, Kakai ulu vale, kakai sala atamai ? Pe leaise ko lou Tamana a ia, ko lou pule ? Pe leaise ko ia leia na fakatupu ia a koe, ti na fakamakeke ia a koe ?

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Uluaki tosi kia Timoteo 6:4

e makita le tagata lena i le fia nealasi, e leaise iloa e ia se nea, ti kua maua e ia le masaki o vesili noa mo fefele o tupu ko ni kupu, ala e fakatupu ia le finenonofo, mo fefele, mo lauveli, mo masalosalo veli,

Epelo 11:8

Ko le tui leia na fakalogo ai loa Apalaamo ki le kalaga a le Atua, ti na ano ai loa a ia ki se fenua leia e tonu ke maua tofiga e ia, ti na ano loa a ia kae na leaise iloa e ia le ganea leia na ano a ia ki ai.

Epelo 5:9

i le oki o lona siki ki le malie tukupau, na liliu a ia kia latou fuli ala e fakalogo kiate ia ko le pule o se saofaki lee gato,

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Uluaki tosi a Petelo 4:17

Talie ko leinei kua kamata le fakamaau, ti e kamata a ia i le fale o le Atua. Io, kapau kua kamata a ia kia tatou, e feaki ake loa le fakaoki o latou ala e leaise fakalogo ki le Evaselio a le Atua ?

Lua tosi a Petelo 2:18

I ni masau fia nealasi mo loi, e lotou maselei ki a oli o le kanofi mo aga fakalialia latou ala nao mavae fua mei tagata ala e mauli sese ;

Apokalipisi 18:3

talie kua inu e puleaga fuli le vino o le sausau o lana fai feauaki, ti kua fai feauaki mo ia a sau o le malama nei, ti kua mou koloa a kau fai koloa o le malama nei i le makeke o lona koloa fakalialia.

Apokalipisi 2:20

Kae ko le nea leia e kau fakafesagai ai kiate koe, ko lau tuku le fafine ko Sesapele, leia e pati ko le fafine polofeta, ke akonaki mo fakasese ia aku tagata fakasausau, o tupu ke lotou fai feauaki ti ke lotou kai ni inati ala kua momoli ki taulaatua.

Uluaki tosi a Samuele 13:13

Na pati loa Samuele kia Saulo : Kua ke fai pe se vale, kua leaise ke tausi le fakatotonu na tuku atu kiate koe e le Eteleno, lou Atua. Kanapau e ke fakalogo loa, na fakamakeke loa e le Eteleno lou pule i Iselaele o lee gato ;