Kalate 2:4 - Tosi Tapu

⁴ Ti ko le nea lena o tupu ko fetaina loi ala na ulu fakafufu mai kia matou, o lama le mauli lauatea leia kua motou maua ia Sesu-Kilisito, mo le manatu ke lotou fakapopulai matou.

Kalate 2:4 Iomraidhean Croise

Pesalemo 119:45

E kau saele loa i le lau lasiga, Talie e kau afa au fakatotonu.

Pesalemo 51:12

Ei Atua ! Fakatupu iate au se loto mea, Fakafoou iate au se loto malie.

Esaia 51:23

E kau tuku loa a ia ki le lima o latou ala e fakaveliveli kiate koe, Ala na pati atu kiate koe : Punou ki lalo ke motou saele iate koe ! Ti na ke fakaliliu loa lou tua ko se kele, Ofaipe se ala kia latou ala e saele.

Luka 5:38

Kae e tonu ke tuku le vino foou ki ni utele foou.

Gaoi 15:1

Ti na ifo loa mei Sutea ni tagata, ala na akonaki ki fetaina, o pati : Kapau e leaise silikosisio koutou o mulimuli ki le lao a Moisese, ti e leaise mafai ke kotou saofaki.

Gaoi 15:24

I lamatou logo na natu ni iki ia matou, kae na leaise motou tuku fua kia latou se fakatotonu, ti kua lotou fakamamae koutou ki alatou akonaki, ti kua lotou fakamaveuveui okoutou laumalie,

Gaoi 20:30

ti e mafuta loa i lotomalie o koutou, ni tagata ala e ako ia loa ni nea salasala, ke toso ai a tisipulo i olatou muli.

Loma 8:15

Ti na leaise kotou tali se laumalie o le popula ke kotou toe nonofo ai i le i ; kae kua kotou tali se Laumalie o le fufui, leia e tou kalaga ai : Apa ! Tamana !

Lua tosi ki le kau Kolinto 11:13

Ko tagata ana ko ni apositolo loi, ko ni tagata gaoi kaka, e lotou kofu pe ni apositolo a Sesu-Kilisito.

Lua tosi ki le kau Kolinto 11:17

Ko le nea leia e kau pati ki ai, i loku loto ke kau fakakololia au, e leaise au mei le Aliki, kae e kau masau ofaipe se vale.

Lua tosi ki le kau Kolinto 11:20

Kapau e fakapopulai koutou e se tasi, kapau e folo koutou e se tasi, kapau e fakamakeke koutou e se tasi, kapau e masau lalasi se tasi, kapau e paai okoutou mata e se tasi, e kotou kataki a ia.

Lua tosi ki le kau Kolinto 11:26

Na tua lasi laku fefolauaki, na kau tutamaki i vaitafe, teiteiki mei le potu o le kau kaia, teiteiki mei le potu o latou o loku fenua, teiteiki mei le potu o le kau pagani, teiteiki i kolo, teiteiki i toafa, teiteiki i le tai, teiteiki i fetaina loi.

Lua tosi ki le kau Kolinto 3:17

Ti ko le Aliki ko le Laumalie ; ti i le ganea leia e i ai le Laumalie o le Aliki, e i ai foki le lauatea.

Kalate 1:7

Ko le maoki e leaise tasi ake Evaselio, kae e i ai ni iki ala e fakamamae ia koutou, ti e lotou loto ke fetogi le Evaselio a Kilisito.

Kalate 4:25

talie ko Akale, ko le mauga a ia o Sinai i Alapia, ti e fai a ia pe le Selusalemi o le temi nei, leia e nofo i le popula mo ana fanau.

Kalate 4:3

Ko tatou foki, e tou tatau, i le temi leia na koi tou liliki ai, na tou popula ki makeke fakalaumalie o le malama nei ;

Kalate 5:1

Koia, kua fakalauatea tatou e Kilisito ke tou lauatea maoki, kotou tuu mau i ai, ti aua na kotou toe tuku ke taomi koutou e le amoga o le popula.

Kalate 5:10

E kau maua le fanaki leinei kia koutou i le Aliki, e leaise kotou toe maua loa se tasi ake manatu kese. Kae ko leia e fakamaveuveu ia koutou, e tautea loa a ia e le Atua, logo ai pe ko ai a ia.

Lua tosi kia Timoteo 3:6

E i ai ni iki ia latou e ului ia a fale, ti e lotou fakapopulai ni fafine valelea, mo mafaia i agasala, ti mo nofoi e olioli fakatino kesekese,

Sakopo 1:25

Kae ko leia e tio loloto ki le lao saosaoa, lao o le lauatea, ti e kataki fualoa o fai mau a ia, ti e leaise loto galogalo kae gaoi, ko ia lena e manuia loa i lana gaoi.

Uluaki tosi a Petelo 2:16

Kotou faipe ni tagata lauatea ; kae ke aua na kotou fakaaoga lokotou lauatea ofaipe se kie ke uufi ai lakoutou agaveli, kae ke kotou faipe ni tagata fakasausau a le Atua.

Lua tosi a Petelo 2:19

e lotou fakapapau kia latou le lauatea kae ko latou totonu ala e popula ki ni aga fakalialia, talie e tasi popula le tagata ki le nea leia kua pule kiate ia.

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.