Kalate 2:11 - Tosi Tapu

¹¹ Kae i le au loa a Kefasi ki Atiokia, na kau tuu loa ki aluga o valoki a ia, talie na tonu ke valoki a ia.

Kalate 2:11 Iomraidhean Croise

Selemia 1:17

Ti ko koe, toi lou kilipipi, ti ke tuu ki aluga, ti ke fakasa kia latou a nea fuli ala e kau fakatotonu atu loa kiate koe. Aua na ke lulu i olatou mua, ke aua na kau fakalulu loa a koe i olatou mua.

Sonasi 1:3

Kae na tuu ake loa Sonasi, ke sola ki Talesisi, o mamao mei mata o le Eteleno. Na ifo loa a ia ki Safo, ti na maua loa e ia i ai se vaka leia na teuteu folau ki Talesisi ; ti na totogi loa e ia lona tosi folau, ti na eke loa a ia ke ano mo le kau folau ki Talesisi, o mamao mei mata o le Eteleno.

Sonasi 4:9

Kae na pati loa le Atua kia Sonasi : Pe malie koia lau itaita o tupu ko le lisega ? Na tali loa a ia : E tonu loku itaita o kaku ki le mate.

Numelo 20:12

Ti na pati loa le Eteleno kia Moisese mo Alone : Talie na leaise kolua tui mai kiate au, o fakasa loku maokioki i mua o fanau a Iselaele, e leaise kolua fakaulu ia loa le kakai leinei ki le fenua leia e kau soli kiate ia.

Mateo 16:23

Kae na mafuli loa Sesu, o pati kia Petelo : Ano ki oku muli, Satana ! E ke fakatupu siga kiate au ; talie ko au manatu e leaise ko manatu a le Atua, kae ko manatu a tagata.

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Gaoi 11:19

Ko latou ala na mavetevete o tupu ko le fakaveliveli leia na soko ia Setefano, na ano loa o kaku ki Fenisia, mo le motu ko Sipele, ti mo Atiokia, o fakasa le folafola ki le kau Sutea tefua.

Gaoi 11:20

Kae na i ai loa ia latou ni tagata mei Sipele mo Silene ala na kaku loa ki Atiokia ti na lotou masau foki ki le kau Keleka, o fakasa kia latou le logo malie o le Aliki ko Sesu.

Gaoi 11:22

Na kaku loa le logo lena ki taliga o le Ekelesia o Selusalemi, ti na lotou kakau loa Palenapa ki Atiokia.

Gaoi 11:27

I aso ana, na ifo loa mei Selusalemi ki Atiokia ni polofeta.

Gaoi 15:1

Ti na ifo loa mei Sutea ni tagata, ala na akonaki ki fetaina, o pati : Kapau e leaise silikosisio koutou o mulimuli ki le lao a Moisese, ti e leaise mafai ke kotou saofaki.

Gaoi 15:5

Kae na tuu ake loa ki aluga ni iki kua tui i le fetuuga o le kau faliseo, o pati : E tonu ke silikosisio le kau pagani mo fakamaua latou ke mulimuli ki le lao a Moisese.

Lua tosi ki le kau Kolinto 11:5

Ka e kau fuafua atu e au e leaise kau taulalo ake i se nea i apositolo lalasi ana.

Lua tosi ki le kau Kolinto 12:11

Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.

Lua tosi ki le kau Kolinto 5:16

Koia, i le temi nei, e leaise ma iloa ai se tasi fua i le kanofi ; ti kapau na ma iloa Kilisito i le kanofi, i le temi nei e leaise koi ma iloa a ia i le fai lena.

Kalate 1:18

Ti na sili fetuu e tolu, na kau pale loa ki Selusalemi o feiloaaki mo Kefasi, ti na kau nofo i aso e kau agafulu tupu lima i lona kaiga ;

Kalate 2:14

I laku tio na leaise lotou saele fakasako i le maoki o le Evaselio, na kau pati loa kia Kefasi i mua o latou fuli : Kapau ko koe leia e Sutea, e ke fai o fakatatau ki le aga a le kau pagani, kae leai ki le aga a le kau Sutea, kolea e ke fakamakeke ai le kau pagani ke fai o fakatatau ki le kau Sutea ?

Kalate 2:5

Kae na leaise motou gaegae fua i se ga temi ia latou, ti na motou taui alatou tonu makeke, o tupu ke taofi le maoki o le Evaselio ia koutou.

Kalate 2:7

Kae, i lalatou tio kua tuku mai kiate au le Evaselio ki le kau lee silikosisio, ofaipe le tuku kia Petelo o leia ki le kau silikosisio -

Kalate 2:9

Ti i lalatou iloa le kalasia leia kua tuku mai kiate au, ko Sakopo, mo Kefasi, ti mo Soane, ala e pati ko pou tafito, na soli ia mai loa kiate au mo Palenapa le lima atamai, o tupu ke ma ano ki le kau lee silikosisio, kae ko latou ki le kau silikosisio.

Uluaki tosi kia Timoteo 5:20

Ko latou ala e agasala, valoki latou i mua o le Ekelesia katoa, o tupu ke i foki mo latou ake ala.

Sakopo 3:2

Talie e tou tukia fuli i nea kesekese. Kapau e leaise tukia se tasi i ana masau, ko se tagata saosaoa a ia, kua mafai e ia le taofi o lona tino katoa.

Suta 1:3

Alofaina, na kau oli lasi ke fai tosi atu kia koutou o uiga mo lotatou saofaki fakatasi, kae na kau logoi se fakamaua ke kau fai atu kia koutou le tosi leinei ke ekenaki ai koutou ke tau ki le tui leia kua tuku tua tasi ki le kau sagato.