Kalate 1:8 - Tosi Tapu

⁸ Kapau ko matou totonu, kapau na fakasa e se aselo mei lagi se evaselio kae e leaise ko leia na motou akonaki atu kia koutou, ke anateme a ia !

Kalate 1:8 Iomraidhean Croise

Senesi 9:25

Ti na pati loa a ia : Ke Malaia a Kanaane ! Ke liliu a ia ko le nea fakasausau a tagata fakasausau o ona fetaina.

Uluaki tosi o Sau 13:18

Ti na pati loa le tagata kiate ia : Ko se polofeta foki au ofaipe koe ; ti na masau mai se aselo kiate au mei le Eteleno, o pati : Ano o aumai a ia mo koe ki lou fale, ti ke kai e ia se pane mo inu e ia se vai. Na loi a ia kiate ia.

Neemia 13:25

Na kau fai loa ni valoki kia latou ti na kau tutuku loa latou ; na kau lalava loa ni iki, ti na kau futi loa olatou lau ulu, ti na kau fakatotonu loa ke lotou fakapapau i le suafa o le Atua, ti na kau pati loa kia latou : E leaise kotou soli loa okoutou taineliki ki olatou tamaliki, ti e leaise kotou too loa olatou taineliki ke avaga mo okoutou vosa pe ko koutou totonu.

Selemia 23:16

E folafola le Eteleno o kau tau, o pati : Aua na kotou fakalogo ki masau a le kau polofeta, ala e faikikite atu kia koutou ! E lotou toso koutou ki ni nea noa ; E lotou fakasa a manatu o olatou loto, Kae leai le nea leia e au mei le gutu o le Eteleno.

Selemia 23:36

Kae e leaise kotou toe pati loa : Ko le kavega mamafa a le Eteleno ! Talie e liliu loa le masau a le tagata ko se kavega mamafa kiate ia totonu ; Talie kua kotou pikoi a folafola a le Atua mauli, A le Eteleno o kau tau, lotatou Atua.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Maleko 14:71

Na kamata fai loa e Petelo ni fakamaoki ti mo ni fakapapau, o pati : E leaise kau iloa le tagata lena e kotou masau ki ai.

Gaoi 23:14

ti na lotou ano loa ki le kau pule faisakilifisio mo le kau fakamatuatua, o pati kia latou : Kua motou fakapapau ke aua na motou kai mo inu i mua o le tamate o Paulo.

Loma 16:17

E kau fakalotomakeke koutou, fetaina, ke kotou tokaga kia latou ala e fakatupu ia ni fakavaevaega mo ni nea fakatupu siga, o fakatupu veli ki le akonaki kua kotou tali. Kotou fakamamao meia latou ana.

Loma 9:3

Talie e kau fakaamu ake ke kau malaia mo kau motusi meia Kilisito o tupu ko oku fetaina, mo oku matua i le kanofi,

Uluaki tosi ki le kau Kolinto 12:3

Koia e kau fakasa atu kia koutou e leaise pati se tasi, mo ka masau a ia i le Laumalie o le Atua : e malaia Sesu ! Ti e leaise feala ke pati se tasi, mo ka e leaise masau a ia i le Laumalie Maokioki : e Aliki Sesu.

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Kalate 1:9

Kua motou fakasa a ia i mua, ti e kau toe liuga atu a ia i le ola leinei : Kapau e fakasa atu e se tasi se Evaselio kese kia koutou kae e leaise ko leia kua kotou tali, ke anateme a ia !

Kalate 3:10

Talie ko latou fuli ala e pipiki ki gaoi o le lao e nonofo i le malaia ; talie e tosi : Malaia leia e leaise tausi ia a nea fuli ala e tosi i le tosi o le lao, ti e leaise fai ia latou.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Tito 3:10

Ke ke fakamamao meiate koe leia e fakatupu mavaevae, i le oki o lona akonakii tua tasi pe tua lua ;

Sosue 9:23

I le aso nei e kotou malaia loa, ti e leaise toe oki loa i se aso lakoutou nofo popula, o tuuti le fafie mo asu le vai ki le fale tapu o loku Atua.

Lua tosi a Petelo 2:14

E apele olatou mata i le tono fafine, ti e leaise lotou makona i le agasala ; e lotou maselei a laumalie ala koi gagae ; ti kua poto olatou loto i le manumanu ki le paaga ; ko ni fanau latou o le malaia.

Uluaki tosi a Samuele 26:19

Ke fakamalie le sau, loku aliki, o fakalogo mai ki le masau a lana tagata fakasausau : Kapau ko le Eteleno leia kua lagai ia a koe ke tau kiate au, ke tali malie e ia le kaloni o se moliga ; kae kapau ko ni tagata, ke lotou malaia i mua o le Eteleno, talie e lotou kapu au i le aso nei, ke aua na kau kau ki le tofiga o le Eteleno, ti e lotou pati mai kiate au : Ano, o tausi ki ni atua kese !