Filipe 4:8 - Tosi Tapu

⁸ Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.

Filipe 4:8 Iomraidhean Croise

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Lua tosi a Samuele 1:23

Na fealofani Saulo mo Sonatane i lola mauli katoa, Na leaise la mavete foki i lola mamate ; Na la maamaa ake i akuila, ti na la makeke ake i laione.

Lua tosi a Samuele 23:3

Na masau le Atua o Iselaele, Na pati mai kiate au le utu o Iselaele : Ko leia e pule ki le kakai i le faitotonu, Ko leia e pule i le fakaapaapa ki le Atua,

Pesalemo 82:2

E kaku loa kiafea lakotou fakamaau veli, Ti mo lakotou tokaga ki le tagata agaveli ? - Manava.

Taagapati 11:1

E fakalialia le Eteleno ki le fua leia e sala, Kae e malie kiate ia le fua leia e totonu.

Taagapati 12:4

Ko se fafine agamalie ko le pala a ia o lona avaga, kae ko leia e fakalumaluma e tatau a ia mo le popo o ona ivi.

Taagapati 16:11

Ko le kilo totonu mo le fua totonu a le Eteleno ; Ko nea kilo fuli e tuku i le taga ko lana gaoiaga.

Taagapati 20:7

E saele le tagata agatonu i lona faitotonu ; Manuia ana fanau i ona muli !

Taagapati 31:10

Ko ai e feala ke maua ia se fafine malie ! E lasi ake lona mauiga i fuai kasoa.

Taagapati 31:29

E toka api ni fafine malilie, Kae ko koe e ke fakalaka ia latou fuli.

Taagapati 31:31

Kotou fakapale a ia ki le fua o lana gaoi, Ti ke fakavikiviki ana gaoi kiate ia i matapa o le kolo.

Katiko o Katiko 5:16

Ko lona gutu ko le suamalie ata, Ti ko lona tagata katoa e apele i le tauleleka. Ko lena loku mamanaaga, ko lena loku alofaaga, Taineliki o Selusalemi !

Esaia 26:7

Ko le ala o le tagata agatonu ko le maokioki ; Ko koe, e ke agatonu, e ke fakatokatoka le ala o le tagata agatonu.

Mateo 22:16

Na lotou kakau loa kiate ia alatou tisipulo mo le kau Elote, o pati : Pule, e motou iloa e ke maoki, ti e ke ako le ala o le Atua o mulimuli ki le maoki, ti e leaise ke tuatua fua ki se tasi, talie e leaise ke tio ki le nea leia e sa i tafa o tagata.

Maleko 6:20

Kae na leaise mafai e ia o tupu ko Elote. Ti na i Elote kia Soane, talie na iloa e ia ko se tagata agamalie a ia mo maokioki ; ti na puipui e ia Soane. I lana logo kiate ia, na tua lasi le mamae o lona loto, kae na fia logo tuumau a ia kiate ia.

Luka 16:15

Na pati loa a ia kia latou : Ko koutou, e kotou fia agatonu i mua o le tagata, kae e iloa e le Atua okoutou loto ; talie ko le nea leia e mauiga lasi ki tagata e fakalialia i mua o le Atua.

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Luka 23:50

Na i ai se tagata o le fono lasi na igoa ko Sosefo, tagata agamalie mo faitotonu,

Soane 7:18

Ko leia e masau iate ia totonu, e afa ia lona kololia toka tasi ; kae ko leia e afa ia le kololia o leia na kakau ia a ia e maoki a ia, ti e leaise se nea fua iate ia e sala.

Gaoi 10:22

Ti na lotou tali loa : Ko Kolenelio, ko se setulio Loma, tagata agatonu mo alofa ki le Atua, leia kua fakamaoki ki ai le puleaga katoa o le kau Sutea, na fakasa kiate ia e le Atua i lana aselo maokioki ke aumai a koe ki lona fale, ke logo a ia ki au folafola.

Gaoi 22:12

Kae na i ai se tagata na igoa ko Ananiasi, tagata tausi malie ki le Atua o mulimuli ki le lao, ti na fakamaoki malie fuli kiate ia le kau Sutea leia na nofo i Tamaso,

Gaoi 6:3

Koia, ei fetaina, kotou filifili ia koutou ni tagata e toka fitu, ala e tuku ki ai se fakamaoki malie, ti e apele i le Laumalie Maokioki mo le poto, ti e motou tuku loa kia latou le kavega lena.

Loma 13:13

Ke tou saele agatonu, ofaipe le saele i le ao, o mamao mei kai fakavale, mo le kona, mo fiafia fakavale, mo fai feauaki, mo le fefele ti mo le finenonofo.

Loma 13:3

Talie e leaise i ki le kau taki i se nea e malie, kae i se nea e veli. Kapau e ke loto ke aua na ke i ki le pule, fai le nea e malie, ti e fakamaoki loa a ia kiate koe.

Loma 14:18

Ko leia e tausi kia Kilisito o mulimuli ki nea ana, e malie ki le Atua ti e fakamaoki ki ai a tagata.

Loma 2:29

Kae ko le Sutea, ko ia leia e nofo i le loto, ti ko le silikosisio ko leia o le loto, i le Laumalie, kae e leai i le matai tosi. E leaise au le fakavikiviki a le Sutea lena mei tagata kae mei le Atua.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 13:7

Koia e ma kole ai ki le Atua ke aua na kotou fai ia se nea leia e veli, o leaise tupu ke ma mata tonu ai kia koutou, kae o tupu ke kotou fai le nea leia e malie, ti ko maua, ke ma faipe ni nea ala e leaise fakamaoki.

Lua tosi ki le kau Kolinto 6:8

i loto malie o le kololia mo le matagafua, i loto malie o le logologona malie mo le logologona veli ; ofaipe ni tagata kaka, kae e ma maoki ;

Lua tosi ki le kau Kolinto 8:18

Ti kua ma kakau atu mo ia le taina leia kua logologona lana gaoi ki le Evaselio i Ekelesia fuli ;

Lua tosi ki le kau Kolinto 8:21

Talie e ma afa le nea leia e malie, o leaise gato fua i mua o le Aliki, kae i mua foki o tagata.

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Efeso 4:25

Koia ke kotou tiaki le loi, kae kotou tasi masau i le maoki ki lona oloi ; talie ko koga tino koutou o le tino e tasi.

Efeso 5:9

Talie ko le fua o le malama ko agamalie fuli, mo faitotonu fuli, ti mo maoki.

Efeso 6:14

Koia, kotou tuu makeke : kotou toi i okoutou vakavaka le kilipipi o le maoki, ti kotou tui ki le fatafata le kofu tau o le maokioki,

Tetelonome 16:20

Kae e ke mulimuli loa ki le faitotonu, o tupu ke ke mauli loa ti mo ke maua tofiga loa le fenua leia e soli loa kiate koe e le Eteleno, lou Atua.

Filipe 3:1

Fakatoetoe, ei oku fetaina, kotou fiafia i le Aliki. E leaise kau kaekae fua i le tosi atu kia koutou o nea masani, talie e aoga a ia kia koutou.

Kolose 4:5

Kotou saele tokaga kia latou ala e nonofo i fafo, ti kotou totogi le temi.

Uluaki tosi ki le kau Tesalonika 4:12

ti ke kotou mauli agatonu kia latou mei tafa, ti ke aua na kotou liliu ko se kavega ki se tasi.

Uluaki tosi kia Timoteo 2:2

o tupu ko sau ti mo latou fuli ala kua siki e se tuulaga, o tupu ke tou maua se mauli tokamalie mo fimalie, i le tausi ki le Atua ti mo le agatonu.

Uluaki tosi kia Timoteo 3:11

E tatau foki mo fafine, ke lotou aga fakaapaapa, mo sala fatufatu, mo fakapotopoto, ti mo agatonu i nea fuli.

Uluaki tosi kia Timoteo 3:4

E tonu ke takitaki malie e ia lona fale totonu, ti ke fakalogo ana fanau kiate ia i se fakaapaapa katoa ;

Uluaki tosi kia Timoteo 4:12

Ke aua na fakanoai e se tasi lou koi muli, kae ke ke liliu ko se faifaitaki ki le kau agatonu, i masau, mo le aga, mo le alofa, mo le tui, ti mo le maokioki.

Uluaki tosi kia Timoteo 5:10

ti ke iloa a ia o tupu ko ana gaoi malilie : ke tausi malie a ia ki ana fanau, mo fakatalitali kaiga matapule, mo fufulu a vae o le kau sagato, mo tokoi ki le kau masaki, ti mo fai ia a gaoi malilie fuli.

Uluaki tosi kia Timoteo 5:2

a fafine matutua ofaipe ni tinana, a fafine muli ofaipe ni tuagaane, i le mea katoa.

Tito 1:8

kae ke fakatalitali kaiga malie a ia, ti ke kaukau nea a ia mo tagata malilie, mo fakapotopoto, mo faitotonu, mo maokioki, mo loto lolomi,

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Tito 2:2

Fakasa ki le kau matua, e tonu ke lotou tokaga, mo agatonu, mo fakapotopoto, ti mo saosaoa i le tui, mo le alofa, ti mo le kataki fualoa.

Tito 2:7

o ke fakasa e koe totonu i nea fuli se faifaitakiaga o gaoi malilie, ti mo ke tuku se akonaki mea, mo gali,

Tito 3:14

E tonu ke ako e latou foki ala o tatou, ke lotou fai a gaoi malilie ala e aoga ki nea fakavilivili, o tupu ke lotou mauli aoga.

Epelo 11:2

Talie na lotou maua a ia, na tuku e le Atua se fakamaoki malie ki le kau matua i le temi mua.

Epelo 13:18

Kotou ulufaki matou ; talie e motou iloa e motou maua se atamai malie, o loto ke malie tuumau a nea fuli ala e motou fai.

Sakopo 1:27

Ko le lotu leia e mea mo lee mele i mua o le Atua ko le Tamana, ko le fakatele ki fanau sala matua mo lokonui i olatou mamae, ti mo le fakamamao mei nea kelekele fuli o le malama nei.

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Uluaki tosi a Petelo 2:12

Kotou maua i lotolotoga o le kau pagani se mauli malie, o tupu, i le nea leia e lauvelii ai koutou ofaipe ni tagata veveli, ke lotou tio ki akoutou gaoi malilie, ti ke lotou fakafetai ki le Atua, i le aso leia e fakatele ai loa a ia kia latou.

Uluaki tosi a Petelo 4:8

I mua o nea fuli, ke kotou maua i okoutou vasaa se alofa vevela, talie E uufi e le alofa ni agasala lasi ai.

Lua tosi a Petelo 3:1

Ei oku alofaaga, ko le lua loa leinei o tosi e kau fai atu kia koutou. I le uluaki mo leinei e kau faiga i ni valoki ke fafagu lokoutou atamai mea,

Uluaki tosi a Soane 3:18

Fanau liliki, aua na tou alofa i masau ti mo le alelo, kae tou alofa i gaoi ti mo le maoki.

Uluaki tosi a Soane 3:3

Ko leia e maua ia le amanaki malie lena iate ia, ke fakamea a ia, ofaipe ia totonu e mea.

Uluaki tosi a Soane 4:1

Alofaaga, aua na kotou tui ki laumalie fuli ; kae kotou asiasii latou, ke iloa pe lotou au mei le Atua, talie kua api le kau polofeta loi kua taka i le malama nei.

Lute 3:11

I le lakaga nei, ei loku taine, aua na ke i ; e kau fai loa kiate koe a nea fuli ala e ke pati loa ki ai, talie kua iloa e le kolo katoa ko se fafine mafi a koe.