Filipe 4:5 - Tosi Tapu

⁵ Ke iloa lokoutou agamalie e tagata fuli, kua ofi le Aliki.

Filipe 4:5 Iomraidhean Croise

Mateo 6:25

Koia e kau pati atu kia koutou : Aua na kotou tuania ki lokoutou mauli ki le nea leia e kotou kai loa, pe ki lokoutou tino ki le nea leia e kotou lava loa. Pe leaise mauiga ake le mauli i le nea kai, pe leaise mauiga ake le tino i le nea lava ?

Mateo 6:34

Aua na kotou tuania loa le apogipogi, talie e tokaga le apogipogi kiate ia totonu. Ki aso taki tasi e feauga lona mamae.

Luka 21:34

Kotou tokaga kia koutou totonu, ke aua na kotou tuku okoutou loto ke taomia o tupu ko le kai fakavale mo le inu fakavale, ti mo nea o le mauli, ti ke au fakapunamauli le aso lena kia koutou.

Uluaki tosi ki le kau Kolinto 16:22

Kapau e leaise alofa se tasi ki le Aliki ko Sesu-Kilisito, ke anateme a ia ! Malanata, au la Aliki.

Uluaki tosi ki le kau Kolinto 6:7

Ko leinei, kua nofo se veli lasi ia koutou, ko le fefakamaauiaki o koutou. Kolea e leaise kotou kataki ai mua le veli ? Kolea e leaise kotou tuku ai mua ke kaia okoutou koloa ?

Uluaki tosi ki le kau Kolinto 8:13

Koia, kapau e siga loku taina o tupu ko se nea kai, e leaise kau toe kai loa ki se inati i se aso, o tupu ke aua na siga loku taina.

Uluaki tosi ki le kau Kolinto 9:25

Ko latou fuli ala e fai manogi e fakamaua latou ki sesunio kesekese fuli, ti e lotou fai a ia ke maua ai se pala popo, kae ko tatou, e tou fai a ia ki se pala lee popo.

Lua tosi ki le kau Kolinto 10:1

Ko au Paulo, e kau kole atu kia koutou, i le agamalu mo le agamalie o Kilisito, a au leia e mata gaegae i okoutou mua mo ka kau nofo mo koutou, ti e apele i le loto toa kia koutou mo ka kau nofo mamao.

Lua tosi ki le kau Tesalonika 2:2

ke aua na gaga faigaofie lakoutou fakakaukau, ti ke aua na kotou oso noa, o tupu ko se tio fakalaumalie, pe ko se kikite, pe ko se tosi sii meia matou, o sakinake kua soko le aso o le Aliki.

Tito 3:2

ke aua na lotou lauveli ki se tasi, ke lotou fakatokatoka, mo fakapotopoto, mo apele i le agamalu ki tagata fuli.

Epelo 10:25

Ke aua na tou tiaki latatou fakatasi ofaipe le fai masani a ni iki, kae tou feakonakiaki ia tatou, ti e toe asilisili ake le nea lena kua kotou tio kua ofi mai le aso.

Epelo 10:37

Talie koi toe fua se ga temi ikiiki, se ga temi noa ! Ti ko leia e tonu ke au, e au loa, ti e leaise tuvai loa a ia.

Uluaki tosi a Petelo 1:11

Na lotou fia iloa le lakaga mo agaaga o le temi lena na masau ki ai le Laumalie o Kilisito leia na nofo ia latou, ti na fakasa fakatomua ia a mamae o Kilisito ti mo le kololia leia e muli loa i ia.

Uluaki tosi a Petelo 4:7

Kua ofi le fakaoki o nea fuli. Koia ke kotou popoto mo alaala, o tokaga ki le faikole.

Apokalipisi 22:20

Ko leia e fakamaoki ki nea anei e pati : Io, e kau au vave. Amene ! Au, Aliki Sesu !

Apokalipisi 22:7

Ti ko leinei, e kau au vave. Manuia leia e tausi ia a folafola o le polofesia o le tosi leinei !