Filipe 3:8 - Tosi Tapu

⁸ Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;

Filipe 3:8 Iomraidhean Croise

Uluaki tosi o Sau 14:10

Ko le tupuaga a ia o laku aumai le malaia ki le fale o Selopoamo ; e kau tamate loa latou fuli ala e kau kia Selopoamo, leia e popula mo leia e lauateaia i Iselaele, ti e kau seu loa le fale o Selopoamo ofaipe le seu o ni penu, o kaku ki lona puli oki.

Lua tosi o Sau 9:37

ti e fai loa le tino o Sesapele pe ni faikauga i aluga o faisaga, i le faisaga o Siseleele, ti e leaise toe mafai loa ke pati : Ko Sesapele.

Sopo 20:7

Kae fakaoki loa a ia ofaipe ona faikauga totonu, Ti ko latou ala na tio kiate ia e vesili loa : Kofea a ia ?

Pesalemo 126:6

Ko leia e saele tagi, mo ka amo e ia le pulapula, E toe liliu i le nekenekea, mo ka amo e ia ana fuiga fulumeto.

Pesalemo 73:25

Ko ai ake iate koe e kau maua i le lagi ? Ti i le malama nei e kau maua loku fiafia iate koe toka tasi.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Malakia 2:3

Ko leinei, e kau maumaui loa akoutou pulapula, Ti e kau laku loa ki okoutou mata ni faikauga, A faikauga o manu ala e kotou momoli i akoutou sakilifisio, Ti e ave loa koutou mo latou.

Numelo 14:30

e leaise kotou ulu loa ki le fenua leia na kau fakapapau ke fakanonofo ai koutou, gato fai kia Kalepo, vosa o Sefune, mo Sosue, vosa o Nune.

Luka 1:43

Ti e feaki kua tuku mai ai kiate au ke au le tinana o loku Aliki kiate au ?

Luka 11:20

Kae, kapau e kau kapu a temonio i le makeke o le Atua, ti kua au le Puleaga o le Atua kia koutou.

Soane 14:20

I le aso lena, e kotou iloa loa e kau nofo i loku Tamana, e kotou nofo iate au, ti e kau nofo ia koutou.

Soane 14:7

Kapau e kotou iloa au, kua kotou iloa foki mo loku Tamana. Ti e kamata i le lakaga nei e kotou iloa a ia, ti kua kotou tio kiate ia.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 17:8

Talie na kau soli kia latou a folafola ala na ke tuku mai kiate au ; ti kua lotou tali latou, ti kua lotou iloa papau na kau au meiate koe, ti kua lotou tui na ke kakau ia mai au.

Soane 20:13

Na la pati loa kiate ia : Fafine, kolea e ke tagi ai ? Na tali loa a ia kia laua : Talie kua lotou ave loku Aliki, ti e leaise kau iloa pe kua lotou tuku a ia kifea.

Soane 20:28

Na tali loa Tomasi kiate ia : Ei loku Aliki mo loku Atua ! Na pati loa Sesu kiate ia :

Gaoi 20:24

Kae e leaise kau tokaga fua ki loku mauli, o sakinake koi mauiga a ia kiate au, kae kese fua ke kau fakaoki i le fiafia laku makape, ti mo le gaoi leia kua kau tali mei le Aliki Sesu, ke fakasa le logo malie o le kalasia o le Atua.

Loma 8:18

E kau pati, e leaise gali ke fakatatau a mamae o le temi nei ki le kololia ka au, leia ka fakasa loa kia tatou.

Loma 8:39

pe ko makeke, pe ko le taualuga, pe ko le loloto, pe ko se tasi ake a nea na fakatupu, e mafai ia loa ke fakamavae ia tatou i se aso mei le alofa o le Atua, leia kua fakasa kia tatou ia Sesu-Kilisito lotatou Aliki.

Uluaki tosi ki le kau Kolinto 2:2

Talie na leaise kau maua le manatu ke iloa ia koutou se tasi ake a nea ia Sesu-Kilisito, ti ko Sesu-Kilisito leia na tutuki i le koluse.

Uluaki tosi ki le kau Kolinto 9:10

pe masau foki a ia o tupu ko tatou ? Io, e tupu ko tatou leia kua tosi ai : ko leia e gaoi kele e tonu ke gaoi mo le amanaki malie, ti ko leia e takatakafi ia le fulumeto e tonu ke takatakafi mo le amanaki malie e maua loa e ia lona vaega.

Lua tosi ki le kau Kolinto 4:4

ki le kau tui gataa ala kua fakakivi olatou mata e le atua o le sekulo leinei, o tupu ke aua na lotou tio ki le gigila o le malama o le Evaselio o le kololia o Kilisito, leia ko le paaki o le Atua.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Kalate 1:16

ke fakasa lona Alo iate au, o tupu ke kau fakasa a ia i le kau pagani, na leaise kau afa fua se tokoi ki se kanofi mo se toto,

Efeso 4:13

o kaku ki le temi leia e tou soko fuli ai ki le pipiki tasi o le tui, ti mo le iloa o le Alo o le Atua, ki le tagata kua katoa, ki le fuafua o le lasi o le apele o Kilisito :

Filipe 1:1

Paulo mo Timoteo, ko tagata fakasausau a Sesu-Kilisito, ki le kau sagato fuli ia Sesu-Kilisito ala i Filipe, ki le kau epikopo, ti mo le kau tiakono :

Filipe 3:10

Ti e kau iloa loa Kilisito, ti mo le makeke o lona toe tuuake, ti mo le komunio o ona mamae, i le fakatatau kiate ia i lona mate, ke kau kaku ai,

Filipe 3:12

E leikiaise kau maua ia foki le fakapale, pe kua kau kaku ki le malie tukupau, kae e kau makape, o faiga ke kau kukumi a ia, talie kua kukumi foki au e Sesu-Kilisito.

Filipe 3:7

Kae ko nea ana, ala na fai kiate au pe ni fakapale, kua kau tio kia latou ofaipe ni nea ke tiaki o tupu ko Kilisito.

Lua tosi kia Timoteo 4:6

Talie kiate au, kua tatae le lakaga ke momoli ai au ofaipe se lipasio (sakilifisio vino), ti kua ofi fua le lakaga o loku mavae.

Epelo 3:14

Talie kua tou kau kia Kilisito, mo kapau e tou taofi makeke lotatou uluaki tui o kaku ki le fakaoki,

Uluaki tosi a Petelo 2:7

Koia, kua mauiga a ia kia koutou, ala kua tui. Kae, kia latou ala e leaise tui, Ko le fatu leia na tiaki e latou ala na fau fale Na liliu ko le fatu tafito o le agele, Ti ko se fatu fakatupu tukia, Ti mo se utu fakatupu siga ;

Lua tosi a Petelo 1:2

Ke liuliuga atu kia koutou le kalasia mo le tokamalie i le iloa o le Atua mo Sesu ko lotatou Aliki !

Lua tosi a Petelo 1:3

Ko lona mafimafi fakaatua na soli ia mai kia tatou a nea fuli ala e aoga ki le mauli mo le tausi ki le Atua, i le iloa o leia kua kalagai ia tatou ke tou kau ki lona kololia totonu mo lona agamalie.

Lua tosi a Petelo 1:8

Talie kapau e kotou maua a nea ana o lasi ia koutou, e leaise lotou tuku loa koutou ke nonofo noa mo sala fua i le iloa o lotatou Aliki ko Sesu-Kilisito.

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !

Uluaki tosi a Soane 1:3

ko le nea leia na motou tio ki ai ti na motou logo ki ai, e motou fakasa atu a ia kia koutou foki, o tupu ke kotou komunio fakatasi foki mo matou. Ti ko lamatou komunio e fakatasi mo le Tamana mo lona Alo ko Sesu-Kilisito.

Uluaki tosi a Soane 2:19

Na lotou malaga ki aluga mei loto malie o tatou, kae na leaise lotou kau ia tatou ; talie kapau na lotou kau ia tatou, na lotou nonofo loa mo tatou, kae na soko le nea lena, o tupu ke fakasa ai e leaise lotou kau fuli ia tatou.

Uluaki tosi a Soane 5:20

E tou iloa foki na au le Alo o le Atua, ti na soli mai e ia kia tatou le atamai ke iloa ai Leia e Maoki ; ti e tou nofo i Leia e Maoki i lona Alo ko Sesu-Kilisito. Ko Ia leia ko le Atua maoki, ti ko le mauli lee gato.