Filipe 3:10 - Tosi Tapu

¹⁰ Ti e kau iloa loa Kilisito, ti mo le makeke o lona toe tuuake, ti mo le komunio o ona mamae, i le fakatatau kiate ia i lona mate, ke kau kaku ai,

Filipe 3:10 Iomraidhean Croise

Selemia 9:23

E folafola le Eteleno, o pati : Ke aua na fakakololia le tagata poto o tupu ko lona poto, Ke aua na fakakololia le tagata makeke o tupu ko lona makeke, Ke aua na fakakololia le tagata mou koloa o tupu ko ona koloa.

Mateo 20:23

Na tali loa Sesu kia latou : E maoki e kotou inu loa loku ipu ; kae ki le tonatona i loku fetuu atamai mo loku fetuu sema, e leaise fakalogo a ia kiate au, ti e tuku a ia e loku Tamana kia latou fai ala kua taofi ki ai.

Soane 10:18

E leaise too a ia e se tasi iate au, kae e kau soli a ia, e au totonu ; e kau maua le pule ke soli loku mauli, ti e kau maua le pule ke toe too a ia : Ko le fakatotonu lena na tuku mai kiate au e loku Tamana.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Loma 8:17

Ti kapau ko tatou ko fanau, ko tatou foki ko fanau maua tofiga : Ko fanau maua tofiga a le Atua, ti mo maua tofiga fakatasi mo Kilisito, mo kapau e tou mamae fakatasi foki mo ia, o tupu ke tou toe fakatasi foki mo ia i lona kololia.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Loma 8:36

Ofaipe le nea leia e tuu i le Tosi : Se tupu ko koe, e tuku ai matou ki le mate i le aso fuli, Ti e tio ai kia matou ofaipe ni ovi ke ave ki le fale tamate manu.

Lua tosi ki le kau Kolinto 1:10

Ko ia leia na saofaki ia maua mei le mate lasi a ia, ti e toe saofaki loa e ia maua : io, e ma amanaki kiate ia e toe saofaki loa e ia maua ;

Lua tosi ki le kau Kolinto 1:5

Talie kapau e lasi mamae o Kilisito ia maua, e toe lasi foki loma fakafimalie ia Kilisito.

Lua tosi ki le kau Kolinto 13:4

Talie na tutuki a ia ki le koluse i lona gaegae, kae e mauli a ia i le mafimafi o le Atua ; ko maua foki, e ma gagae iate ia, kae e ma mauli loa mo ia i le mafimafi o le Atua, o gaoi kia koutou.

Kalate 2:20

Kua tutuki au ki le koluse mo Kilisito, ti kapau e kau mauli, e leaise ko au leia e mauli, ko Kilisito leia e mauli iate au ; ti kapau e kau mauli i le temi nei i le kanofi, e kau mauli i le tui o le Alo o le Atua, leia na alofa kiate au, o soli e ia a ia o tupu ko au.

Kalate 6:17

Koia ke aua na fakamamae loku loto e se tasi, talie e kau maua i loku tino a fakamailoga o Sesu.

Efeso 4:13

o kaku ki le temi leia e tou soko fuli ai ki le pipiki tasi o le tui, ti mo le iloa o le Alo o le Atua, ki le tagata kua katoa, ki le fuafua o le lasi o le apele o Kilisito :

Filipe 3:8

Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;

Kolose 1:24

E kau fiafia i le aso nei i oku mamae o tupu ko koutou ; ti ko le nea leia e puli i mamae o Kilisito, e kau fakakatoa a ia i loku kanofi, o tupu ko lona tino, ko le Ekelesia.

Kolose 2:13

Ko koutou, ala na mamate i akoutou agasala ti mo le lee silikosisio o lokoutou kanofi, kua fakamauli fakatasi e ia koutou mo ia, i lana fakamolemole atatou agasala fuli ;

Kolose 3:1

Koia kapau kua kotou toe tuuake mo Kilisito, kotou afa a nea o aluga, i le ganea leia kua nofo ai Kilisito i le lima atamai o le Atua.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Lua tosi a Petelo 1:13

Ti e kau tio ofaipe soku maua i le temi katoa leia koi kau nofo ai i le falela leinei, ke fakaalaala koutou ki ni valoki,

Uluaki tosi a Soane 2:3

Kapau e tou fakalogo ki ana folafola, e tou iloa i ai kua tou iloa a ia.

Uluaki tosi a Soane 2:5

Kae e maoki katoa le alofa o le Atua i leia e fai ia lana folafola ; i le nea lena e tou iloa ai e tou nofo iate ia.

Apokalipisi 1:18

Ko au ko le uluaki, ti ko le fakamulimuli, ti ko leia e mauli. Na kau mate ; ti ko leinei, kua kau mauli ki sekulo mo sekulo. E kau too a kalavi o le mate ti mo le nofoaga o le kau mate.