Filipe 3:1 - Tosi Tapu

¹ Fakatoetoe, ei oku fetaina, kotou fiafia i le Aliki. E leaise kau kaekae fua i le tosi atu kia koutou o nea masani, talie e aoga a ia kia koutou.

Filipe 3:1 Iomraidhean Croise

Uluaki tosi o Koloniko 15:28

Na paleaki ake loa e Iselaele katoa le aleka o le sai a le Eteleno mo ni kalaga fakafiafia, mo ni tatagi o fakatagi pupusi, mo pa, mo lute, ti mo alepe.

Uluaki tosi o Koloniko 16:10

Ke kotou fakavikiviki i lona suafa maokioki ! Ke fakafiafia le loto o latou ala e afa ia le Eteleno !

Uluaki tosi o Koloniko 29:22

Na lotou kai loa ti mo inu loa i le aso lena i mua o le Eteleno mo se fiafia lasi, ti na lotou fakanofo loa i le aso lena, ko lona tua lua a ia, a Salomone, vosa o Tavite, ko le sau, o lotou pani loa a ia ki le lolo i mua o le Eteleno ke sau, ti na lotou pani lolo loa Satoke ko le tagata faisakilifisio.

Neemia 8:10

Na lotou pati loa ki le kakai : Kotou ano, kotou kai ni inati malilie, ti kotou inu ni nea inu malilie, ti kotou ave ni vaega kia latou ala na leaise teuteui ia se nea kai, talie ko le aso leinei kua fakatapui ki lotatou Aliki ; aua na kotou loto mamae, talie ko le fiafia o le Eteleno ko lokoutou makekeaga.

Sopo 22:26

Ti e ke fai loa ki le Mafimafi lou fiafiaaga, Ti e ke siki loa kiate ia ou mata.

Pesalemo 149:2

Ke fakafiafia Iselaele i leia na fakatupu ia a ia ! Ke fiafia a vosa o Sione, o tupu ko lolatou sau !

Pesalemo 32:11

Kau agatonu ! ke kotou fiafia i le Eteleno ti ke kotou nekenekea ! Ke kotou fai ni kalaga fakafiafia, koutou fuli ala e loto sako !

Pesalemo 33:1

Kau maokioki, kotou fiafia i le Eteleno ! E gali le fakafetai mo le kau agatonu.

Pesalemo 37:4

Ke ke fai ki le Eteleno lou fiafiaaga lasi, Ti e soli atu loa e ia kiate koe le nea leia e oli ki ai lou loto.

Pesalemo 42:4

Ko laku nea kai i le ao mo le po ko oku loimata, Talie e leaise toe gato le pati mai kiate au : kofea lou Atua ?

Pesalemo 5:11

Taai latou ofaipe ni tagata agasala, ei Atua ! Tuku latou ke vivilo i alatou fakakaukau ! Tiaki latou o tupu ko alatou agasala ala e leaise mafai ke lau ! Talie e lotou agatuu kiate koe.

Pesalemo 97:1

E sau le Eteleno ; ke fiafia lasi le malama nei ; Ke fiafia a atu motu mauke !

Esaia 41:16

E ke tuui loa latou, ti e ave loa latou e le matagi, Ti e fakamavete loa latou e se sasataki. Kae ko koe, e ke fiafia loa i le Eteleno, Ti e tuku loa lou kololia ki le Maokioki o Iselaele.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 65:14

Ko leinei, e sua loa aku tagata fakasausau i le fiafia o olatou loto ; Kae e kotou tagi loa i le mamae o lokoutou laumalie, Ti e kotou tagi laulau loa i le mamae okoutou loto.

Soele 2:23

Ti ko koutou, fanau o Sione, kotou fiafia ti kotou nekenekea I le Eteleno, lokoutou Atua, Talie e tuku atu loa e ia kia koutou le ua i lona temi, E kakau atu loa e ia kia koutou a ua o le temi momoko mo ua o le temi mafana, Ofaipe le temi mago.

Sofoni 3:14

Taine o Sione, ke ke kalaga fakafiafia ! Iselaele, ke ke fakamapa ni kalaga nekenekea ! Taine o Selusalemi, fakafiafia i lou loto katoa !

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Sakalia 10:7

E fai loa Efalaimi pe se tagata toa ; E maua loa e lolatou loto le fiafia leia e tuku e le vino ; E tio loa ki ai olatou vosa ti e lotou fiafia lasi loa, E fakavikiviki loa olatou loto ki le Eteleno.

Mateo 5:12

Kotou fimalie ti kotou fiafia lasi, talie e lasi loa lokoutou fakapale i le atu lagi ; talie na fenaaki foki le fakavelivelii o le kau polofeta ala na muamua atu ia koutou.

Luka 1:47

Ti e fiafia loku loto i le Atua, loku Fakamauli.

Loma 5:11

E leaise gato fua i ai, kae e tou fiafia foki i le Atua i lotatou Aliki ko Sesu-Kilisito, leia kua tou maua ai le fakatokatoka i le temi nei.

Lua tosi ki le kau Kolinto 13:11

Ti e kau fakaoki loa, fetaina, kotou nonofo la ! kotou afa ki le malie tukupau, kotou fefakafimalieaki, kotou maua se manatu loto e tasi, kotou mauli i le tokamalie ; ti ko le Atua o le alofa mo le tokamalie e nofo loa mo koutou.

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Tetelonome 12:18

Kae e kai loa latou i mua o le Eteleno, lou Atua, i le ganea leia e filifili loa e le Eteleno, lou Atua, e koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo loa i ou matapa ; ti e ke fakafiafia loa i mua o le Eteleno, lou Atua, i nea malilie fuli ala e ke maua loa.

Tetelonome 16:11

E ke fakafiafia loa i mua o le Eteleno, lou Atua, i le ganea leia e filifili loa e le Eteleno, lou Atua, ke fakanofo ai lona suafa, a koe, mo lou vosa, mo lou taine, mo lau tagata fakasausau, mo lau fafine fakasausau, mo le Levi leia e nofo mo koe, mo le matapule, mo le fanau leia kua mate lona tamana, mo le fafine leia kua mate lona avaga, ala e nonofo loa i loto malie o ou.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.

Filipe 4:8

Fakaoki loa, fetaina, kotou tokaga ki nea fuli ala e malilie ti mo gali i le fakavikiviki : tafito a nea fuli ala e maoki, mo fakaapaapa, mo totonu, mo mea, mo aloalofa, ti mo mata malie.

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.

Uluaki tosi ki le kau Tesalonika 5:16

Kotou fiafia tuumau.

Sakopo 1:2

Ei oku fetaina, ke kotou tio ki asiasii kesekese ala e feala ke kotou felavei ia ofaipe se fiafia lasi,

Uluaki tosi a Petelo 3:8

Tie fakaoki loa, ke kotou maua fuli ni manatu tatau, mo ni manatu loto tatau ; ke kotou apele i le alofa fakatautaina, mo le loto alofa, ti mo le fakataulalo.

Uluaki tosi a Petelo 4:13

Kae kotou fiafia i lakotou kau ki mamae o Kilisito, o tupu ke kotou fiafia foki i se fiafia lasi mo ka fakasa loa lona kololia.

Lua tosi a Petelo 3:1

Ei oku alofaaga, ko le lua loa leinei o tosi e kau fai atu kia koutou. I le uluaki mo leinei e kau faiga i ni valoki ke fafagu lokoutou atamai mea,

Uluaki tosi a Samuele 2:1

Na fai loa le kole e Ana, o pati : E fiafia loku loto i le Eteleno, Kua toe lagai loku makeke e le Eteleno ; Kua mavaa loku gutu ki oku fili, Talie e kau fiafia i lau fakamauli.