Filipe 2:8 - Tosi Tapu

⁸ ti na fakataulalo a ia totonu, o liliu a ia o fakalogo o kaku ki le mate, ki le mate foki o le koluse.

Filipe 2:8 Iomraidhean Croise

Pesalemo 22:16

E malo loku makeke ofaipe le kele kula, Ti e pipiki loku alelo ki loku gutu ; E ke tuku au ki le efu o le mate.

Taagapati 15:33

Ko le i ki le Eteleno e ako ia le poto, Ti e muamua le fakataulalo i le kololia.

Mateo 17:2

Na fetogi loa a ia i olatou mua ; na gigila loa ona mata ofaipe le laa, ti na tetea loa ona kofu ofaipe le malama.

Mateo 26:39

Ti oki, na fai loa e ia ni fa sake ki mua, ti na fakapulou loa a ia ki le kele, o faikole feneeki : Loku Tamana, kapau e feala ke mamao atu le ipu nei iate au ! Kae ke aua na fai ki loku loto, kae ke fai fua ki lou finegalo.

Mateo 26:42

Na toe fakamamao loa a ia i le tua lua, o faikole feneeki : Loku Tamana, kapau e leaise feala ke mamao le ipu nei kae e leaise kau inu a ia, ke fai ki lou finegalo !

Luka 9:29

I le lolotoga o lana faikole, na fetogi loa ona mana, ti na liliu loa ona teu o tea gigila.

Soane 10:18

E leaise too a ia e se tasi iate au, kae e kau soli a ia, e au totonu ; e kau maua le pule ke soli loku mauli, ti e kau maua le pule ke toe too a ia : Ko le fakatotonu lena na tuku mai kiate au e loku Tamana.

Soane 14:31

Kae o tupu ke iloa e le malama nei e kau alofa ki le Tamana, ti e kau fai o mulimuli ki le fakatotonu a le Tamana kiate au, kotou tutuu ki aluga, ke tou mavae i leinei.

Soane 15:10

Kapau e kotou fai aku fakatotonu, ti e kotou nofo loa i loku alofa, ofaipe laku fai a fakatotonu a loku Tamana, ti mo laku nofo i lona alofa.

Soane 4:34

Na pati loa Sesu kia latou : Ko laku nea kai ko le fai o le finegalo o leia na kakau ia mai au, ti mo le fakasoko o lana gaoi.

Gaoi 8:33

Na fakataulaloi a ia, ti na fakamaaui a ia. Ti ko lona sakoga, ko ai e masau loa ki ai ? Talie na motusi lona mauli i le malama nei.

Loma 5:19

Talie, i le patigataa a se tagata e toka tasi, na liliu se toka api o agasala, i le fakalogo foki a se tagata e toka tasi, e liliu loa se toka api o faitotonu.

Lua tosi ki le kau Kolinto 8:9

Talie kua kotou iloa le kalasia o lotatou Aliki ko Sesu-Kilisito, leia na fakamativa o tupu ko koutou kae na mou koloa a ia, o tupu ke kotou mou koloa i lana fakamativa.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Tetelonome 21:23

e leaise ke tuku loa le mate ke tau i le laakau i le pouli ki le ao. Kae e ke tanu loa a ia i le aso lena, talie ko leia e tau i le laakau ko se malaia a ia i mua o le Atua, ti e leaise ke fakakelekele loa le fenua leia e tuku atu loa kiate koe e le Eteleno, lou Atua, ke ke maua tofiga.

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.

Epelo 12:4

Talie na leikiaise kotou fakafesagai o kaku ki le mate, o tau ki le agasala.

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.