Filipe 2:1 - Tosi Tapu

¹ Koia kapau e i ai se fakapelepele ia Kilisito, kapau e i ai se fimalie i le alofa, kapau e i ai se komunio i le Laumalie, kapau e i ai se alofa mamae ti mo se manavaalofa,

Filipe 2:1 Iomraidhean Croise

Pesalemo 133:1

Katiko o le fanoga tapu. A Tavite. Ko leinei, io ! e malie ai, e fakafimalie ai Ki ni fetaina ke nonofo fakatasi !

Esaia 16:11

Koia kua tagi ai oku tootooga ki Moape, ofaipe se alepe, Ti mo loku mafu ki Kile-Alesi.

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Soane 14:18

E leaise kau tuku loa koutou ke sala matua, e kau au loa kia koutou.

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Soane 17:13

Ti ko leinei, e kau natu kiate koe, ti e kau fakasa a nea ana i le malama nei, o tupu ke katoa ia latou loku fiafia.

Gaoi 2:46

Na lotou fakatasi i aso fuli i le fale tapu, ti na lotou tofitofi le pane i olatou fale, ti na lotou too lalatou nea kai i le fiafia mo le loto faigaofie,

Gaoi 4:32

Na loto tasi mo laumalie tasi latou fuli ala na tui. Ti na leaise pati se tasi ko nea ala e maua e ia ko ana nea, kae na fakatasi alatou nea fuli.

Loma 5:5

Ti e leaise kaka le amanaki lena, talie kua liligi le alofa o le Atua ki otatou loto e le Laumalie Maokioki leia kua soli mai kia tatou.

Loma 8:26

Ti e tokoi mai foki le Laumalie kia tatou i lotatou gaegae, talie e leaise tou iloa le nea leia e malie ke tou kole i atatou faikole. Kae e faikole le Laumalie totonu kia tatou i ni tagi e leaise mafai ke fakasa e ni kupu.

Uluaki tosi ki le kau Kolinto 12:13

Talie kua tou papitema fuli i se Laumalie e tasi, ke fau se tino e tasi, pe Sutea, pe Keleka, pe popula, pe lauatea, ti kua fakainu fuli tatou ki se Laumalie e tasi.

Uluaki tosi ki le kau Kolinto 15:31

I le aso taki tasi e fakaali au ki le mate, e kau fakasa atu, fetaina, i le kololia leia e kau maua o tupu ko kotou ia Sesu-Kilisito lotatou Aliki.

Uluaki tosi ki le kau Kolinto 3:16

Pe leaise kotou iloa ko le fale tapu koutou o le Atua, ti e nofo le Laumalie o le Atua ia koutou ?

Lua tosi ki le kau Kolinto 2:14

Ke fakafetai ki le Atua, leia e tuku ia kia tatou le malo tuumau ia Kilisito, ti mo liligi ia kia tatou le manogi o lona iloa i ganea fuli !

Kalate 4:6

Tie talie ko vosa koutou, kua kakau mai e le Atua ki otou loto le Laumalie o lona Alo, leia e kalaga : Apa ! Tamana !

Kalate 5:22

Kae ko le fua o le Laumalie, ko le alofa, mo le fiafia, mo le tokamalie, mo le kataki fualoa, mo le agamalie, mo le fakataulalo, mo le agatonu, mo le agamalu, mo le loto lolomi ;

Efeso 4:4

E i ai se tino e tasi, mo se Laumalie e tasi, ofai foki pe koutou ala na kalagai ki se amanaki malie e tasi i lokoutou vokasio ;

Filipe 1:8

Talie e fakamaoki le Atua kiate au e kau alofa mamae kia koutou fuli i le alofa o Sesu-Kilisito.

Filipe 3:3

Talie ko le kau silikosisio, ko tatou, ala e fai ia ki le Atua latatou atolasio i le Laumalie o le Atua, ti e fakakololia ia Sesu-Kilisito, kae e leaise tuku ia latatou fanaki ki le kanofi.

Kolose 2:2

o tupu ke apele olatou loto i le fakapelepele, ke lotou pipiki tasi i le alofa, ti ke lotou mou koloa i se atamai apele ke iloa le misitelio o le Atua, ko Kilisito,

Kolose 3:12

Koia ko koutou, ofaipe se kau filifiliia a le Atua, kua maokioki mo alofaina, ke kotou kofu ni manatu loto o le manavaalofa, mo le agamalie, mo le fakataulalo, mo le agamalu, ti mo le kataki.

Epelo 6:18

o tupu, i nea ana e lua ala e leaise toe fetogi ti e leaise feala ke loi ai le Atua, ke tou maua se loto makeke lasi, e tatou ala ko lotatou mumuniaga e tasi ko le kukumi o le amanaki malie leia kua tuku mai kia tatou.

Uluaki tosi a Petelo 1:2

ti kua filifili o mulimuli ki le muaki iloa o le Atua ko le Tamana, ki le fakamaokioki a le Laumalie, o tupu ke lotou fakalogo, ti ke lotou kau ki le afusi o le toto o Sesu-Kilisito ; ke tuku fakalasi atu kia koutou le kalasia mo le tokamalie !

Uluaki tosi a Soane 3:24

Ko leia e fai ia ana fakatotonu, e nofo i le Atua, ti e nofo le Atua iate ia ; ti e tou iloa e nofo a ia ia tatou, o tupu ko le Laumalie leia na soli mai e ia kia tatou.

Uluaki tosi a Soane 4:12

Na leikiaise tio se tasi ki le Atua i se aso ; kapau e tou fealofaaki ia tatou, e nofo le Atua ia tatou, ti kua malie tukupau lona alofa ia tatou.

Uluaki tosi a Soane 4:16

Ti ko tatou, kua tou iloa le alofa leia e maua e le Atua kia tatou, ti kua tou tui ki ai ko le Atua ko le alofa ; ti ko leia e nofo i le alofa, e nofo a ia i le Atua, ti e nofo le Atua iate ia.