Filipe 1:8 - Tosi Tapu

⁸ Talie e fakamaoki le Atua kiate au e kau alofa mamae kia koutou fuli i le alofa o Sesu-Kilisito.

Filipe 1:8 Iomraidhean Croise

Sopo 16:19

Ko leinei foki, e nofo loku tagata fakamaoki i le lagi, E nofo loku tagata fakamaoki i ganea taualuga.

Esaia 16:11

Koia kua tagi ai oku tootooga ki Moape, ofaipe se alepe, Ti mo loku mafu ki Kile-Alesi.

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Selemia 31:20

Pe ko Efalaimi ko se vosa alofaina kiate au ? Se fanau leia e fakafiafia ia loku loto ? Talie ka lasi laku masau kiate ia, ti e toe lasi ake laku manatu kiate ia ; Koia e mamae ai loku manava o tupu ko ia : E kau alofa loa kiate ia, e pati le Eteleno.

Luka 1:78

O tupu ko le manavaalofa mo le agamalie o lotatou Atua, Leia na mu ai le laa kia tatou mei aluga,

Loma 1:9

Ko le Atua, leia e kau fakasausau ki ai i loku laumalie, o fakasa le Evaselio o lona Alo, e fakamaoki kiate au e kau manatui tuumau koutou i aku faikole ;

Loma 9:1

E kau fakasa le maoki ia Kilisito, e leaise kau loi fua, e fakamaoki mai loku loto kiate au i le Laumalie Maokioki :

Lua tosi ki le kau Kolinto 13:9

E ma fiafia mo ka ma gagae, kae kotou makeke ; ti ko le nea leia e ma kole i ama faikole, ko lokoutou malie tukupau.

Lua tosi ki le kau Kolinto 6:12

e leaise kotou kopi ia fua i ai, kae ko lokoutou loto leia kua lau ikiiki kia maua.

Lua tosi ki le kau Kolinto 7:15

Ti ko lona manavaalofa kia koutou kua toe lasi kese ake, i lana manatu ki lakoutou fakalogo a koutou fuli, ti mo lakoutou tali a ia mo se loto fakaapaapa mo se loto lulu.

Kalate 1:20

I le nea leinei e kau tosi atu kia koutou, ko leinei, i mua o le Atua, e leaise kau loi fua.

Kalate 3:26

Talie ko vosa fuli koutou o le Atua i le tui kia Sesu-Kilisito ;

Kalate 4:19

Ei aku fanau, ala kua kau toe logoi ki ai a mamae o le fanauga, o kaku ki le katoa o Kilisito ia koutou,

Filipe 2:1

Koia kapau e i ai se fakapelepele ia Kilisito, kapau e i ai se fimalie i le alofa, kapau e i ai se komunio i le Laumalie, kapau e i ai se alofa mamae ti mo se manavaalofa,

Filipe 2:26

Talie na manatu lasi a ia kia koutou fuli, ti na mamae lasi ai a ia o tupu ko lakotou iloa lona masaki.

Filipe 4:1

Koia, ei oku fetaina alofaina, koutou ala ko loku fiafia mo loku palaa, ke kotou tuu mau i le Aliki, ei oku alofaaga !

Kolose 2:1

Koia, e kau loto ke kotou iloa le lasi o le tau leia e kau fai o tupu ko koutou, ti mo latou ala e nofo i Laotise, ti mo latou fuli ala e leikiaise tio ki oku mata,

Kolose 3:12

Koia ko koutou, ofaipe se kau filifiliia a le Atua, kua maokioki mo alofaina, ke kotou kofu ni manatu loto o le manavaalofa, mo le agamalie, mo le fakataulalo, mo le agamalu, ti mo le kataki.

Uluaki tosi ki le kau Tesalonika 2:5

Talie e kotou iloa na leaise motou fai fua i se aso ni masau fakalaupisi ; ti e iloa e le Aliki na leaise taki matou e le manumanu ; e fakamaoki ki ai le Atua.

Uluaki tosi ki le kau Tesalonika 2:8

Koia na motou loto ai, i le lasi o lomatou alofa kia koutou, ke soli atu kia koutou o leaise gato fua i le Evaselio o le Atua, kae mo omatou mauli totonu foki, i le lasi o lomatou alofa kia koutou.

Lua tosi kia Timoteo 1:4

talie e kau manatui ou loimata, ti e kau oli mamae ke kau toe tio kiate koe o tupu ke kau apele i le fiafia,

Filemo 1:12

E kau kakau atu a ia kiate koe, a ia ko se koga o oku totonu.

Filemo 1:20

Io, taina, ke kau maua meiate koe le alofa lena i le Aliki ; fakafimalie loku loto ia Kilisito.

Uluaki tosi a Soane 3:17

Kapau e maua e se tasi a koloa o le malama nei, ti na tio a ia ki le mativa o lona taina, kae na tapono e ia ona tootooga kiate ia, e feaki ke nofo iate ia le alofa ki le Atua ?