Filemo 1:17 - Tosi Tapu

¹⁷ Kapau loa e ke lau au ko lou kaukau nea, ke ke tali a ia ofaipe au totonu.

Filemo 1:17 Iomraidhean Croise

Mateo 10:40

Ko leia e tali ia koutou e tali ia au, ti ko leia e tali ia au, e tali ia loa leia na kakau ia mai au.

Mateo 18:5

Ti ko leia e tali ia i loku suafa se ga toe ikiiki ofaipe ia leinei e tali ia au totonu.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Gaoi 16:15

I le oki o lona papitema, a ia mo lona famili, na fai loa e ia kia matou le kole leinei : Kapau e kotou tio e kau tui maoki ki le Aliki, kotou ulu ki loku fale, o nonofo i ai. Ti na fakaafe loa e ia matou ke matou tali lana kole.

Lua tosi ki le kau Kolinto 8:23

Koia ko Tito, ko loku kaukau nea a ia i le gaoi, ti e gaoi a ia mo au kia koutou ; ti ko oma fetaina, ko fakafofoga latou o Ekelesia, ti e lotou gaoi ki le kololia o Kilisito.

Efeso 3:6

Ko le misitelio lena : kua kau le kau pagani ki le tofiga, ti kua lotou liliu ko se tino e tasi, ti kua lotou kau ki le fakapapau e tasi ia Sesu-Kilisito i le Evaselio,

Filipe 1:7

E totonu ke kau manatu fenaaki kia koutou fuli, talie e kau amo koutou i loku loto, pe i oku tini, pe i le taofi ti mo le fakamaoki o le Evaselio, koutou ala e kau fuli mo au ki le kalasia e tasi.

Uluaki tosi kia Timoteo 6:2

Ti ko latou ala e maua ia ni pule kua tui, ke aua na lotou matasoka kia latou, talie ko ni fetaina latou ; kae ke lotou toe asili gaoi malie ake talie ko ni fetaina agatonu mo alofaina latou ala e gaoi ki lolatou malie. Ke ke ako a nea ana kia latou ti mo ke akonaki latou.

Filemo 1:10

E kau kole atu kiate koe, o tupu ko laku fanau ko Onesimo, leia na kau fanaui i oku tini,

Filemo 1:12

E kau kakau atu a ia kiate koe, a ia ko se koga o oku totonu.

Filemo 1:18

Ti kapau kua fai e ia se veli kiate koe, pe kua tuu maua a ia kiate koe, lau a ia kiate au.

Epelo 3:1

Koia, fetaina maokioki, ala e kau ki le vokasio mei lagi, kotou tokaga lasi ki le apositolo, mo le pule fai sakilifisio o le tui leia e motou fakasa ia,

Epelo 3:14

Talie kua tou kau kia Kilisito, mo kapau e tou taofi makeke lotatou uluaki tui o kaku ki le fakaoki,

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Uluaki tosi a Petelo 5:1

Ko nei a ekenaki ala e kau fai ki le kau fakamatuatua ala e nonofo ia koutou, ko au, ko se tagata fakamatuatua ofaipe latou, ti ko se tagata fakamaoki ki mamae o Kilisito, ti ko se tasi foki kua kau ki le kololia leia e tonu ke fakasa :

Uluaki tosi a Soane 1:3

ko le nea leia na motou tio ki ai ti na motou logo ki ai, e motou fakasa atu a ia kia koutou foki, o tupu ke kotou komunio fakatasi foki mo matou. Ti ko lamatou komunio e fakatasi mo le Tamana mo lona Alo ko Sesu-Kilisito.