Epelo 8:9 - Tosi Tapu

⁹ O leaise faipe le sai leia na kau fai loa mo olatou tamana, Ile aso leia na kau too ai latou i le lima Ke fakamavae latou i le fenua o Esipito ; Talie na leaise lotou kataki fualoa i laku sai, Ti ko au foki na leaise kau tokaga kia latou, e pati le Aliki.

Epelo 8:9 Iomraidhean Croise

Senesi 19:16

Kae na fakatuvatuvai aifai a Lote, koia na too ai loa e aselo lona lima, o ona Lote, mo lana avaga, ti mo ona taineliki e toka lua, talie na loto le Eteleno ke fakamauli a ia. Na la ave loa a ia o tuku ki le tua kolo.

Sopo 8:20

Leai, e leaise tiaki e le Atua le tagata agatonu, Ti e leaise puipui e ia le tagata agasala.

Pesalemo 105:43

Na fakamavae loa e ia lona kakai i le fiafia lasi, Lana kau filifiliia i loto malie o ni kalaga fakafiafia.

Pesalemo 77:20

Na ke foa ia loa se ala i le tai, Se saeleaga i le takele o vai lalasi, Ti na leaise toe maua loa ou lakaaga.

Pesalemo 78:57

Na lotou fakamamao loa ti na leaise lotou agatonu loa ; ofaipe olatou tamana, Na lotou toe liliu loa ki muli ofaipe se kalolo kaka.

Ekesote 32:8

Kua lotou maliu fakatavili mei le ala leia na kau fakasa kia latou ; ti kua lotou fai se uviki pipi ki le aulo saka, ti kua lotou punou i ona mua, o momoli ki ai ni sakilifisio, ti kua lotou pati : Iselaele ! ko leinei lou atua, leia na fakamavae ia a koe mei le fenua o Esipito.

Ekesote 34:10

Na tali loa le Eteleno : Ko leinei, e kau fai loa se sai. E kau fai loa i mua o lou kakai katoa, ni nea fakamanamana ala na leikiaise soko fuai i se fenua pe ko se puleaga ; e tio loa le kakai katoa lena e takatakai ia a koe ki le gaoi a le Eteleno, ti e fakaii loa le nea leia e kau fakasoko ia loa kiate koe.

Katiko o Katiko 8:5

Ko ai le fafine leia e pale mai i le toafa, O fafanaki ki lona alofaaga ? Na kau fafagu a koe i lalo o le pome ; I lena na fanaui a koe e lou tinana, Ko le ganea lena na fanaui e ia a koe, na ke tio ai ki le malama o le ao.

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 41:13

Talie ko au ko le Eteleno, lou Atua, Leia e fakamakeke ia lou lima atamai, Leia e pati atu kiate koe : Aua na ke i ki se nea, E kau au o tokoi kiate koe.

Esaia 51:18

I vosa fuli ala na fanaui e ia, E leaise tasi fua ke taki ia a ia. I fanau fuli ala na taupau e ia, E leaise tasi fua ke too ia a ia i le lima.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Selemia 31:32

E leaise faipe le sai leia na kau fai mo olatou tamana, I le aso leia na kau too ai latou i le lima o fakamavae latou i le fenua o Esipito, Sai leia na lotou maumaui, Logo ko au ko lolatou pule, e pati le Eteleno.

Tagi laulau a Selemia 4:16

Kua veteki latou e le Eteleno i lona sausau, E leaise koi fia tio ona mata kia latou ; Na leaise fakaapaapa ki tagata faisakilifisio, Na leaise alofa ki matua.

Esekiele 16:59

Talie e folafola le Aliki, le Eteleno, o pati : E kau fai loa kiate koe o mulimuli ki le nea leia na ke fai, a koe leia na nukinuki ki le fakapapau o motusi le sai.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Amosi 5:22

Ka kotou momoli mai kiate au ni failaulau mo ni moliga, E leaise kau maua fua i ai se ga fiafia ; Ti ko uviki pipi gagako ala e kotou fai ki ai akoutou sakilifisio fakafetai, E leaise kau tio fua ki ai.

Malakia 2:13

Ko leinei foki le tasi a nea leia e kotou fai : E kotou ufiufi le aletale o le Eteleno ki loimata, Ki tagi mo lauga, O tupu e leaise koi tokaga a ia ki moliga, Ti e leaise koi tali e ia se nea mei okoutou lima.

Maleko 8:23

Na too loa e Sesu le kivi i lona lima, o taki a ia ki le tua kolo ; ti na takai loa e ia a mata o le kivi ki lona savale, ti na teki loa e ia ona lima kiate ia, ti na vesili loa a ia ki le kivi. Pe ke tio ki se nea ?

Gaoi 13:11

Ko leinei : I le lakaga nei, kua vilo kiate koe le lima o le Aliki, e ke kivi loa, ti e leaise ke toe tio loa ki le laa o fualoa. Ti na to loa kiate ia le nenefu mo le fakapouli ; ti na taufa loa a ia, o afa se tasi ke taki ia a ia.

Gaoi 7:36

Ko ia leia na fakamavae ia loa latou mei Esipito, ti na fai ia loa ni nea fakaofolele mo ni milakulo i le fenua o Esipito, mo le Tai Kula, ti mo le toafa, lolotoga o fetuu e kau fa.

Gaoi 9:8

Na tuu ake loa Saulo mei le kele, ti na logo ai le mavaa o ona mata, kae na leaise tio fua a ia ki se nea ; ti na too loa a ia i lona lima, o taki ki Tamaso.

Kalate 4:24

Ko nea ana ko fakatata ; talie ko fafine ana ko fakapapau laua e lua. Ko le tasi o le mauga ko Sinai, leia na fanau ki le popula, ko Akale,

Tetelonome 29:1

Ko nei a folafola o le sai leia na fakatotonu e le Eteleno kia Moisese ke fai mo fanau a Iselaele i le fenua o Moape, kae kese fai le sai leia na fai e ia mo latou i Olepe.

Tetelonome 29:12

E fai loa e le Eteleno, lou Atua, se sai mo koe i le aso nei, ti e fakaafe loa e ia a koe ke ke fakamaoki a ia ki sau fakapapau fakaalialiki,

Tetelonome 29:25

Ti e tali loa : E tupu na lotou tiaki le sai leia na fakamaoki mo latou e le Eteleno, Atua o olatou tamana, i le aso leia na fakamavae ai e ia latou mei le fenua o Esipito.