Epelo 4:4 - Tosi Tapu

⁴ Talie na pati a ia i le tasi ganea ki le fitu o aso : Ti na malolo loa le Atua i le aso fitu i ana gaoi fuli.

Epelo 4:4 Iomraidhean Croise

Ekesote 20:11

Talie na fai e le Eteleno i aso e ono, le lagi, mo le kele, mo le tai, ti mo nea fuli i ai, ti na malolo a ia i le fitu o aso : koia leia na tapuaki ai le Eteleno ki le aso o le sapato, ti na fakatapui ai e ia a ia.

Ekesote 31:17

E liliu loa le aso lena ko se fakamailoga iate au mo fanau a Iselaele, o lee gato : talie na fakatupu e le Eteleno le lagi mo le kele i aso e ono, kae na tuku loa e ia lana gaoi i le fitu o aso, ti na malolo loa a ia.

Tetelonome 5:14

Kae ko le fitu o aso ko le sapato loa a ia a le Eteleno, lou Atua : Ke aua na ke fai loa se gaoi, e koe, mo lou vosa, mo lou taine, mo lau tagata fakasausau, mo lau fafine fakasausau, mo lau pipi tagata, mo lau asino tagata, mo lau kau manu katoa, mo le matapule leia e nofo i lou fale, o tupu ke malolo lau tagata fakasausau mo lau fafine fakasausau ofaipe koe.

Epelo 2:6

Kae na fakasa e se tasi le fakamaoki leinei : Kolea le tagata, ke ke manatui a ia, Pe ko le vosa o le tagata, ke ke tokaga ai kiate ia ?

Epelo 4:10

Talie ko leia e ulu ki le maloloaga o le Atua e malolo a ia i ana gaoi, ofaipe le Atua na malolo a ia i ana gaoi.