Epelo 4:3 - Tosi Tapu

³ Kia tatou ala kua tui, e tou ulu ki le maloloaga, o mulimuli ki lana pati : Na kau fakapapau i loku ita : Eleaise lotou ulu loa ki loku maloloaga ! Na fakasa e ia le nea lena, kae kua oki ana gaoi talu mei le fakatupu o le malama nei.

Epelo 4:3 Iomraidhean Croise

Senesi 1:31

Na tio loa le Atua ki nea fuli ala na fakatupu e ia, ti ko leinei na malie tukupau le nea lena. Ti na i ai loa se afiafi, ti na i ai loa se usu : ko lona ono aso loa a ia.

Pesalemo 95:11

Koia na kau fakapapau ai i loku ita : E leaise lotou ulu loa ki loku malolo !

Ekesote 20:11

Talie na fai e le Eteleno i aso e ono, le lagi, mo le kele, mo le tai, ti mo nea fuli i ai, ti na malolo a ia i le fitu o aso : koia leia na tapuaki ai le Eteleno ki le aso o le sapato, ti na fakatapui ai e ia a ia.

Esaia 28:12

Na pati a ia kiate ia : Ko leinei le maloloaga, Kotou tuku ke malolo leia kua gaegae ; Ko leinei le ganea malolo ! Kae na leaise lotou fia fakalogo fua.

Selemia 6:16

E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Esekiele 20:38

E kau vaei kese loa i a koutou le kau agatuu mo latou e agasala kiate au ; ti e kau too loa latou i le fenua leia e lotou matapule ai, kae e leaise lotou ano loa ki le fenua o Iselaele. Ti e kotou iloa loa ko au ko le Eteleno.

Mateo 13:35

o tupu ke fakasoko le nea leia na fakailo fakatomua e le polofeta : E kau fakamavaa loa loku gutu i ni folafola fakatata, E kau fakasa loa ni nea ala na munia talu mei le fakatupu o le malama nei.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Efeso 1:4

Iate ia na filifili tatou e le Atua i mua o le fakatupu o le malama nei, ke tou liliu o maokioki mo lee mele i ona mua ;

Epelo 3:11

Ti na kau fakapapau loa i loku ita : E leaise lotou ulu loa ki loku maloloaga !

Epelo 3:14

Talie kua tou kau kia Kilisito, mo kapau e tou taofi makeke lotatou uluaki tui o kaku ki le fakaoki,

Epelo 9:26

talie kapau koia ti na tonu loa ke mamae tua mauke Kilisito talu mei le kamataaga o le malama nei. Kae i le temi nei, i le fakaoki o sekulo, na sa a ia o tua tasi ke maumaui ai le agasala ki lona sakilifisio.

Uluaki tosi a Petelo 1:20

leia na fakatuutuu i mua o le fakatupu o le malama nei, ti na fakasa loa i temi fakaoki o sekulo, o tupu ko koutou ;