Epelo 2:9 - Tosi Tapu

⁹ Kae ko leia na tuku i se ga temi ikiiki ki lalo o le kau aselo, Sesu, e tou tio kua fakapala a ia ki le kololia mo le fakamauiga, o tupu ko le mate leia na mamae ai ; talie ko le kalasia lena o le Atua ke mamae a ia ki le mate o tupu ko tagata fuli.

Epelo 2:9 Iomraidhean Croise

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Esaia 11:1

Ti e somo ake loa se ga laa i le tafito o Isaia, Ti e tupu ake loa se uli i ona aka.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Mateo 16:28

E kau pati maoki atu kia koutou, ko ni iki ia latou ala e nonofo i leinei e leaise mamate loa, kae e leikiaise lotou tio ki le saele mai o le Vosa o le tagata i lona puleaga.

Mateo 6:28

Ti kolea e kotou tuania ai ki le nea lava ? Kotou tio mua pe feaki le tutupu ake o se o le vao : E leaise lotou gaoi pe lalaga ;

Maleko 9:1

Na toe pati loa Sesu kia latou : E kau pati maoki atu kia koutou, ko ni iki ia latou ala e nonofo i leinei, e leaise mamate loa kae e leikiaise lotou tio ki le puleaga o le Atua e au i lona mafimafi.

Luka 9:27

E kau fakasa maoki atu kia koutou, ko ni iki ia latou ala e nonofo i leinei e leaise mamate loa kae e leaise lotou tio i mua ki le Puleaga o le Atua.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 10:17

E alofa le Tamana kiate au, talie e kau soli loku mauli, o tupu ke kau toe too a ia.

Soane 12:32

Ti ko au, ka siki ake loa au ki aluga mei le kele, e kau fakatatae mai loa kiate au a tagata fuli.

Soane 3:16

Talie na alofa lasi ai le Atua ki le malama nei, na soli e ia lona Alo fuatasi, o tupu ko se tasi fua e tui kiate ia ke aua na mate, kae ke maua e ia le mauli lee gato.

Soane 8:51

E maoki, e maoki, e kau pati atu kia koutou, kapau e tausi e se tasi laku folafola, e leaise tio loa a ia i se aso ki le mate.

Soane 8:52

Na pati loa le kau Sutea kiate ia : I le lakaga nei, e motou iloa e nofo iate koe se temonio. Kua mate Apalaamo, mo le kau polofeta foki, ti e ke pati : Ko leia e tausi ia laku folafola e leaise mate loa a ia i se aso.

Gaoi 2:33

Kua siki a ia ki le fetuu atamai o le Atua, ti kua tali e ia mei le Tamana le Laumalie Maokioki leia na fakapapau mai, ti kua liligi e ia a ia kia matou, ofaipe le nea leia kua kotou tio mo logo ki ai.

Gaoi 3:13

Ko le Atua o Apalaamo, mo Isaake, mo Sakopo, ko le Atua o otatou tamana, kua fakakololia ia lana tagata fakasausau ko Sesu, leia na kotou fakatau mo fakafiti ki ai i mua o Pilato, i le lakaga leia na fakatotonu ai e ia ke fakamauli Sesu.

Loma 5:18

Koia, i le sala a se tagata e toka tasi, ko Atama, na tupu ai le tautea o tagata fuli, i le gaoi faitotonu foki a se toka tasi, ko Sesu-Kilisito, na mafola ai le fakamatatonu leia e soli ia le mauli ki tagata fuli.

Loma 5:8

Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou.

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Lua tosi ki le kau Kolinto 5:15

ti na mate a ia ki tagata fuli, o tupu ko latou ala e mauuli ke aua na lotou mauli kia latou totonu, kae ki leia na mate ti na toe tuuake o tupu ko latou.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 4:4

kae i le kaku mai o le temi leia na fakatuutuu ki ai, na kakau mai loa e le Atua lona Alo, leia na tupu mei se fafine, leia na tupu i le lao,

Uluaki tosi kia Timoteo 2:6

leia na soli a ia totonu ke totogi ai tagata fuli. Ko lena le fakamaoki leia na tuku e ia i lona temi totonu,

Epelo 1:9

Kua ke alofa ki le faitotonu, ti kua ke vesia ki le agasala ; Koia, ei Atua, ko lou Atua na pani ia a koe Ki se lolo o le fiafia o lasi ake i ou kaukaunea.

Epelo 10:5

Koia na pati ai Kilisito, i lana au ki le malama nei : Na leaise ke loto ki se sakilifisio pe ko se moliga, Kae na ke fau se tino kiate au ;

Epelo 11:5

Ko le tui leia na ave ai Enoke, ke aua na tio a ia ki le mate, ti na leaise toe sa loa a ia talie na ave a ia e le Atua ; kae i mua o lona ave, na maua e ia le fakamaoki na malie a ia ki le Atua.

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.

Epelo 2:7

Na ke tuku a ia i se ga temi ikiiki ki lalo o le kau aselo, Na ke fakapala a ia ki le kololia mo le mauiga,

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Epelo 8:3

Talie ko pule fai sakilifisio fuli, kua fakanofo latou ke lotou momoli ni moliga ti mo ni sakilifisio ; koia na aoga ai kiate ia ke i ai foki sana nea ke momoli.

Uluaki tosi a Petelo 1:21

Iate ia e kotou tui ki le Atua leia na toe fakatuuake ia a ia mei le kau mate, ti na soli ia kiate ia le kololia, o tupu ke fakatuu lakoutou tui mo lakoutou amanaki malie i le Atua.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Apokalipisi 19:12

Na fai ona mata pe se ula o se afi ; ti na teki i lona ulu ni pala mauke ; ti na maua e ia se igoa kua tosi, kae na leaise iloa a ia e se tasi, gato fai kiate ia totonu ;

Apokalipisi 5:9

Ti na lotou sua loa se katiko foou, o pati : E gali mo koe ke too ia le tosi, ti ke fakamavaa ia ona fakamau ; talie na tamate a koe, ti na ke totogi ma le Atua ki lou toto ni tagata mei faasiga fuli, mo masau fuli, mo kakai fuli, ti mo puleaga fuli ;