Epelo 2:2 - Tosi Tapu

² Talie, kapau na mauiga le folafola leia na fakasa e le kau aselo, ti kapau na tautea a maumau fuli mo patigataa fuli,

Epelo 2:2 Iomraidhean Croise

Pesalemo 68:17

Kolea, ei mauga e tumutumu mauke, E kotou finenonofo ai Ki le mauga leia na filifili e le Atua ke nofo ai ? Io, e fai loa e le Eteleno i ai lona nofoaga o lee gato.

Numelo 11:33

Kae koi lotou lolotoga uuti loa le kanoi manu, ti na leikiaise lotou lamulamu fua a ia, na mu loa se sausau o le Eteleno ki le kakai, ti na tautea loa e le Eteleno le kakai ki se masaki fakaii.

Numelo 16:49

Ko latou ala na mamate i le malaia lena ko le tino agafulu tupu fa afe tino lelau fitu (14 700), na leaise lau i ai latou ala na mamate o tupu ko Kole.

Numelo 21:6

Ti na kakau loa e le Eteleno ni gata kona ki le kakai ; ti na lotou uuti loa le kakai, ti na mate loa se toka api o Iselaele.

Numelo 25:9

Ko latou ala na mamate i le malaia lena ko le tino lua tupu fa afe (24 000).

Gaoi 7:53

e koutou ala na tali ia le lao mei le kau aselo, kae na leaise kotou fai a ia !…

Kalate 3:19

Kolea na soli ai le lao ? Na soli mai a ia ki le fakapapau o tupu ke iloa ai a agasala ki le finegalo o le Atua : na tonu ke tuu a ia o kaku ki le kaku mai o le sakoga o Apalaamo leia na fai ki ai le fakapapau ; na tuku le lao lena e ni aselo ki lima o se tagata fakasoko pati.

Tetelonome 17:12

Ko leia e matasoka loa, o leaise fakalogo ki le tagata faisakilifisio leia na fakanofo i le sagatualio ke tausi ki le Eteleno, lou Atua, pe ki le tui fakamaau, e tamate loa. E ke too loa i ai le veli i loto malie o Iselaele.

Tetelonome 17:2

E feala loa i se aso ke maua i se kolo o kolo ala e soli atu loa kiate koe e le Eteleno, lou Atua, se tagata pe ko se fafine leia e fai ia loa se nea veli ki mata o le Eteleno, lou Atua, o maumaui loa lana fakapapau ;

Tetelonome 17:5

ti ke aumai loa ki ou matapa le tagata lena pe ko le fafine lena, leia e fai ia loa le nea veli a ia, ti ke tuki fatui loa a ia pe ke tautea loa a ia ki le mate.

Tetelonome 27:26

Ke malaia le tagata leia e leaise fakalogo loa ki folafola o le lao leinei, ti e leaise fai ia loa latou ! Ti e pati loa le kakai katoa : Amene !

Tetelonome 32:2

Ke vilo laku akonaki ofaipe se ua, Ke vilo laku masau ofaipe se sese, Ofaipe se sasau ki le vao sesega, Ofaipe ni motii vai ki le mutie !

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,

Epelo 10:28

Ko leia na maumaui ia le lao a Moisese, e tamate a ia i le fakamaoki a se toka lua pe ko se toka tolu.

Epelo 10:35

Koia ke aua na kotou tiaki lakoutou tui makeke, leia e pipiki ki ai se fakapale lasi.

Epelo 11:26

Na tio loa a ia ki le matagafua o Kilisito ofaipe se koloa leia e lasi ake i koloa o Esipito, talie na pipiki ona mata ki le fakapale.

Epelo 11:6

Io, sala mo le tui, e leaise feala ke malie se tasi ki le Atua ; e tonu ko leia e fakafeofi ki le Atua ke tui a ia e i ai se Atua, ti ko ia leia e fakapale ia latou ala e afa ia a ia.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Lua tosi a Petelo 1:19

Ti e motou fakamaoki ki le folafola kikite, leia e tonu ke kotou tokaga lasi ki ai, ofaipe se malama leia e mu i se ganea fakapouli, o kaku ki le mafoa mai o le ao, ti ke sopo le fetuu ao i okoutou loto.

Suta 1:5

E kau loto ke kau toe fakamanatu atu kia koutou, kia koutou ala e iloa ia a nea fuli ana, ko le Aliki, i le oki o lana saofaki le kakai ti mo lana fakamavae latou mei le fenua o Esipito, na tamate ia le kau tui gataa ;