Epelo 2:13 - Tosi Tapu

¹³ Ti e toe pati a ia : E kau fanaki loa kiate koe. Ti e toe pati foki a ia : Ko leinei au, ko au mo fanau ala na soli mai e le Atua kiate au.

Epelo 2:13 Iomraidhean Croise

Senesi 33:5

Ti na siki ake loa e Esau ona mata, o tio ki fafine mo toe, ti na pati loa a ia : Ko ai ma latou anei ? Ti na tali loa Sakopo : Ko fanau anei na soli mai e le Atua ki lau tagata fakasausau.

Senesi 48:9

Na tali loa Sosefo ki lona tamana : Ko oku vosa, ala na soli mai kiate au e le Atua i le fenua leinei. Ti na pati loa Iselaele : E kau kole atu kiate koe, ke ke fakafeofi mai laua kiate au ke kau tapuaki kia laua.

Lua tosi a Samuele 22:3

Ko le Atua ko loku utu, leia e kau maua ai se fakamalumaluaga, Ko loku paletau mo le makeke leia e saofaki ia au, Ko loku maloloaga taualuga mo loku kolo ulufaga. Ei loku Fakamauli ! e ke puipui au mei le fakamakeke.

Pesalemo 127:3

Ko leinei, ko ni vosa ko se tofiga mei le Eteleno, Ko le fua o le manava ko se fakapale.

Pesalemo 16:1

Sua mauiga a Tavite. Ei Atua, Taupau au ! talie e kau afa iate koe loku mumuniaga.

Pesalemo 18:2

E kau alofa kiate koe, Eteleno, loku makeke !

Pesalemo 91:2

E kau pati ki le Eteleno : Loku ulufaga mo loku kolo tau, Loku Atua leia e kau fanaki ki ai !

Esaia 12:2

Ko leinei, ko le Atua ko loku fakamauli, E kau apele loa i le fanaki, ti e leaise kau tuania loa se nea ; Talie ko le Eteleno, ko le Eteleno ko loku makeke ti ko le tupuaga o aku sua fakafetai ; Ko ia leia na saofaki ia au.

Esaia 53:10

Na malie ki le Eteleno ke fatii a ia i le mamae… I le oki o le soli o lona mauli ko se sakilifisio ki le agasala, E tio loa a ia ki se sakoga ti e fakatologa loa e ia ona aso ; Ti e manuia loa le gaoiaga a le Eteleno i ona lima.

Mateo 27:43

Na fanaki a ia ki le Atua, ke saofaki a ia e le Atua i le lakaga nei, mo kapau e alofa le Atua kiate ia. Talie na pati a ia : Ko le Alo au o le Atua !

Soane 10:29

Ko loku Tamana, leia na soli ia mai latou kiate au, e lasi ake i tagata fuli ; ti e leaise mafai ke toe too latou e se tasi mei le lima o loku Tamana.

Uluaki tosi ki le kau Kolinto 4:15

Talie, kapau e kotou maua foki ni pule e tino agafulu afe ia Kilisito, kae e leaise kotou maua ni tamana mauke, talie ko au leia na fanaui ia koutou ia Sesu-Kilisito ki le Evaselio.