Epelo 2:11 - Tosi Tapu

¹¹ Talie ko leia e fakamea ia, ti mo latou ala kua fakamea, e lotou au fuli mei le toka tasi. Koia e leaise luma ai a ia i lolatou fakaigoa ko ona fetaina,

Epelo 2:11 Iomraidhean Croise

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Mateo 28:10

Ti na pati loa Sesu kia laua : Aua na kolua i ; kolua ano o pati ki oku fetaina ke lotou ano ki Kalilea : I ai e lotou tio loa kiate au.

Maleko 3:34

Ti na tagaki loa a ia kia latou na tonatona o takatakai a ia, o pati : Ko leinei loku tinana ti ko nei oku fetaina.

Maleko 8:38

Talie ko leia e luma loa kiate au mo aku folafola i loto malie o le tautupu fai feauaki mo agasala leinei, e luma loa le Vosa o le tagata kiate ia, mo ka au loa a ia i le kololia o lona Tamana, mo le kau aselo maokioki.

Luka 9:26

Kapau e luma loa se tasi kiate au ti mo aku folafola, e toe luma loa le Vosa o le tagata kiate ia, mo ka au loa a ia i lona kololia ti mo leia o le Tamana mo le kau aselo maokioki.

Soane 17:19

Ti e kau fakatapui a au totonu o tupu ko latou, o tupu ke lotou fakatapui latou totonu kiate koe.

Soane 17:21

o tupu ke lotou liliu fuli ko se nea e tasi, ofaipe koe, Tamana, e ke nofo iate au, ti mo au iate koe, o tupu ke lotou liliu foki ko se nea e tasi ia taua : O tupu ke tui le malama nei na ke kakau mai au.

Soane 20:17

Na pati loa Sesu kiate ia : Auase ke fafa mai kiate au ; talie e leikiaise kau pale ki loku Tamana. Kae ke ke ano ki oku fetaina, o pati kia latou e kau pale ki loku Tamana ti ko lokoutou Tamana, ki loku Atua ti ko lokoutou Atua.

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Gaoi 17:28

talie e tou maua iate ia le mauli, mo le taugaoi, ti mo le agaaga. Na fakasa foki le nea lena e ni iki o okoutou tagata maau : Talie tou kau foki ki lona lanu.

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Kalate 4:4

kae i le kaku mai o le temi leia na fakatuutuu ki ai, na kakau mai loa e le Atua lona Alo, leia na tupu mei se fafine, leia na tupu i le lao,

Epelo 10:10

Ti e tupu ko le finegalo lena kua tou soko ai o maokioki ki le momoli o le tino o Sesu-Kilisito, tua tasi fuai.

Epelo 10:14

Talie, i se failaulau e tasi, na ave e ia ki le malie tukupau o lee gato latou ala kua fakamaokioki.

Epelo 11:16

Kae ko leinei e lotou oli ki se fenua malie tukupau ake, leia i le lagi. Koia na leaise luma ai le Atua i lona fakaigoa a ia ko lolatou Atua, talie na teuteui e ia se kolo mo latou.

Epelo 13:12

Koia na mate ai foki Sesu i le tua kolo, o tupu ke fakamea ai le kakai ki lona toto totonu.

Epelo 2:14

Koia i le kau o fanau ki le toto mo le kanofi, na toe kau foki a ia totonu ki ai, o tupu ke too ai e ia, i lona mate, le makeke o leia na maua ia le makeke o le mate, Satana ;

Epelo 3:1

Koia, fetaina maokioki, ala e kau ki le vokasio mei lagi, kotou tokaga lasi ki le apositolo, mo le pule fai sakilifisio o le tui leia e motou fakasa ia,