Epelo 13:7 - Tosi Tapu

⁷ Kotou manatui okoutou kau takitaki ala na fakasa ia atu kia koutou le folafola a le Atua ; kotou tio ki le fakaoki o lolatou mauli, ti kotou faifaitaki lalatou tui.

Epelo 13:7 Iomraidhean Croise

Katiko o Katiko 1:8

Kapau e leaise ke iloa, e koe leia e fulumalie ake i fafine fuli, Muli i taga vae o ovi, Ti ke fagai au uviki koti I tafa o nofoaga o kau tausi manu.

Mateo 24:45

Ko ai loa le tagata fakasausau agatonu mo poto, leia kua fakanofo e lona aliki ke pule ki ana kakai, mo tufa ia kia latou le nea kai i lona temi totonu.

Luka 12:42

Ti na pati loa le Aliki : Ko ai loa le tagata taupau koloa agatonu mo poto leia e fakanofo loa e lona pule ke tokaga ki ana tagata gaoi, ti ke soli kia latou le nea kai leia e aoga i lona temi ?

Luka 5:1

I le tuu a Sesu i le mata tai o Senesaleti, ti na fakatasi ake loa le kakai kiate ia ke fakalogo ki le folafola a le Atua.

Luka 8:11

Ko leinei le uiga o le folafola fakatata lena : Ko le fakaili, ko le folafola a le Atua.

Gaoi 13:46

Kae na asilisili loto makeke loa Paulo mo Palenapa, o pati kia latou : Na tonu ke uluaki fakasa mua kia koutou le folafola a le Atua ; kae, o tupu e kotou fakafiti ki ai, ti e kotou fakasa e leaise kotou aoga ki le mauli lee gato, ko leinei, e ma maliu loa ki le kau pagani.

Gaoi 14:23

Na la fakanofo loa kia latou ni kau fakamatuatua i Ekelesia taki tasi, ti i le oki o le faikole mo le sesunio, na la tuku loa latou ki le Aliki leia kua lotou tui ki ai.

Gaoi 4:31

I le oki o lalatou faikole, na galulu loa le ganea leia na lotou fakatasi ai ; ti na lotou apele fuli loa i le Laumalie Maokioki, ti na lotou fakasa loa le folafola a le Atua i le makeke katoa.

Loma 10:17

Koia e au ai le tui mei le nea leia e logo ki ai, ti ko le nea leia e logo ki ai, e au mei le folafola a Kilisito.

Uluaki tosi ki le kau Kolinto 10:13

E leai se asiasii leia e vilo kia koutou e fakalaka i le makeke o le tagata, ti e leaise fakataga loa e le Atua, leia e agatonu, ke asiasii koutou o fakalaka i lokoutou makeke ; kae i le asiasii, e toe teuteui foki e ia le ala leia ke sao ai, o tupu ke kotou matatali a ia.

Uluaki tosi ki le kau Kolinto 11:1

Kotou faifaitaki mai kiate au, ofaipe laku faifaitaki foki kia Kilisito.

Uluaki tosi ki le kau Kolinto 4:16

Koia e kau kole atu ai kia koutou, ke kotou faifaitaki mai kiate au.

Filipe 3:17

Kotou faifaitaki mai kiate au, fetaina, ti kotou tio kia latou ala e saele o mulimuli ki le faifaitakiaga leia e kotou maua ia matou.

Uluaki tosi ki le kau Tesalonika 1:6

Ti ko koutou totonu, na kotou faifaitaki mai kiate au, ti mo le Aliki, o kotou tali le folafola i ni mamae lasi ai, mo le fiafia o le Laumalie Maokioki,

Uluaki tosi ki le kau Tesalonika 2:13

Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui.

Lua tosi ki le kau Tesalonika 3:7

E kotou iloa e koutou totonu le faifaitaki mai kia matou, talie na leaise motou mauli ia koutou i le gasueveli.

Lua tosi ki le kau Tesalonika 3:9

Na leaise tupu talie na tapui kia matou, kae na motou fia tuku atu kia koutou ia matou totonu se faifaitakiaga ke kotou faifaitaki ki ai.

Uluaki tosi kia Timoteo 3:5

talie kapau e leaise iloa e se tasi le takitaki o lona famili totonu, pe feaki loa lana tokaga ki le Ekelesia o le Atua ?

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Epelo 13:24

Fakaalofa ake ki okoutou kau takitaki fuli ti mo le kau sagato fuli. E fakaalofa atu kia koutou latou i Italia.

Epelo 6:12

Ke aua na kotou fakagasueveli, kae ke kotou faifaitaki kia latou ala na tui mo kataki fualoa, ti kua maua ia a nea ala na fakapapau e le Atua.

Uluaki tosi a Petelo 4:11

Kapau e masau se tasi, ke fakasa e ia a folafola a le Atua ; kapau e fai e se tasi se gaoi fakaatua, ke fai e ia a ia o mulimuli ki le makeke leia e soli e le Atua, o tupu ke tuku le kololia ki le Atua i nea fuli ia Sesu-Kilisito, leia e maua ia le kololia mo le mafimafi, i sekulo mo sekulo. Amene !

Apokalipisi 1:9

Ko au Soane, ko lokoutou taina, leia e kau mo koutou ki le mamae, mo le puleaga, ti mo le kataki fualoa ia Sesu, na kau nofo i le motu leia e igoa ko Patemosi, o tupu ko le folafola a le Atua ti mo le fakamaoki o Sesu.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.

Apokalipisi 6:9

I lana fakamavaa le lima fakamau, na kau tio loa i lalo o le aletale ki laumalie o latou ala na maletile o tupu ko le folafola a le Atua ti mo le fakamaoki leia na lotou fai.