Epelo 11:7 - Tosi Tapu

⁷ Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Epelo 11:7 Iomraidhean Croise

Senesi 19:14

Na ulu loa a Lote o masau ki ona fugao ala na avaga mo ona taine. Na pati loa a ia kia latou : Ke kotou tutuu ki aluga, ti ke kotou mavae i le ganea leinei, talie ka maumaui loa le kolo e le Eteleno. Kae na fai a ia kia latou pe se tasi leia e masau fakasuasua.

Senesi 6:13

Koia na pati ai loa le Atua kia Noe : Kua kau fakapapau ke fakagato a tagata fuli ; talie kua lotou fakaapele ia le kele ki le agamakeke ; e kau maumaui loa a tagata mo le kele.

Senesi 6:22

Ti na fai loa a Noe ki ai : na fai loa e ia a nea fuli ala na fakatotonu e le Atua kiate ia.

Senesi 6:9

Ko leinei le sakoga o Noe. Ko Noe ko se tagata agatonu mo maokioki a ia i lona tautupu. Na saele a Noe mo le Atua.

Senesi 7:23

Na mamate loa a nea fuli ala na mauli i aluga o le kele, mei le tagata o kaku ki le manu lalata, mo manu totolo ti mo manu lele o le lagi : na tamate fuli loa latou ke puli i le kele. Na toe fai a Noe mo latou ala na nonofo mo ia i le aleka.

Senesi 7:5

Na fai loa e Noe a nea fuli ala na fakatotonu e le Eteleno kiate ia.

Senesi 8:16

Mavae mei le aleka, a koe mo lau avaga, mo ou vosa ti mo avaga o ou vosa.

Lua tosi o Sau 4:5

Na mavae loa le fafine meia Eliseo. Na tapono loa e ia le matapa, i le oki o lana ulu ki lona fale mo ana fanau ; na la fakatali a fagu kae na liligi e ia.

Sopo 35:8

E veli fai lau agasala ki le tagata leia e tatau mo koe ; Ti e aoga fai lou maokioki ki le vosa o le tagata.

Taagapati 22:3

E tio le tagata poto ki le veli ti e mumuni a ia ; Kae e fakafeofi ki ai le kau vale ti e lotou tautea ai.

Taagapati 27:12

Ko le tagata leia e poto e tio ki le veli ti e mumuni ; Kae ko latou ala e sala atamai e fakafeofi ki ai ti e lotou tautea.

Esekiele 14:14

Kae e maua loa i loto malie o le fenua lena a tagata anei e toka tolu, ko Noe, mo Taniela, mo Sopo, e lotou saofaki loa olatou laumalie ki lalatou faitotonu, e pati le Aliki, le Eteleno.

Esekiele 14:20

Kae e maua loa i loto malie o ia a Noe, mo Taniela, mo Sopo, e kau mauli ! e pati le Aliki, le Eteleno, e leaise lotou saofaki loa ni vosa pe ko ni taine, kae e lotou saofaki loa olatou mauli tefua i lalatou faitotonu.

Esekiele 33:5

Talie na logo a ia ki le tagi o le fakatagi pupusi, kae na leaise tui a ia, ti e vilo loa lona toto kiate ia ; kae kapau e tui loa a ia, e saofaki loa e ia lona laumalie.

Mateo 2:12

Ti na fakasa loa e le Atua kia latou i se moe miti ke aua na toe liliu kia Elote, ti na lotou toe liliu loa ki lolatou fenua i se tasi ake a ala.

Mateo 24:15

Koia ka kotou tio loa kua tuu i le potu taputapu leia e igoa ko le fakalialia o le malaia, leia na pati ki ai le polofeta ko Taniela, ke tokaga loa leia e lautosi !

Mateo 24:25

Ko leinei, kua kau fakasa fakatomua a ia kia koutou.

Mateo 24:38

Talie, i aso i mua o le lomaki, na kai a tagata mo inu, ti na lotou avaga mo fakaavaga olatou fanau, o kaku ki le aso leia na ulu ai loa a Noe ki le aleka ;

Mateo 3:7

Kae, i lana tio ki le au o ni faliseo mo ni Satuseo toka api ki lana papitema, na pati loa a ia kia latou : Lanu o gata velo, ko ai leia na ako atu ia kia koutou ke sola i le sausau leia ka vilo mai ?

Luka 17:26

Ko nea ala na soko i le temi o Noe, e toe soko loa i aso o le Vosa o le tagata.

Loma 1:17

talie i le Evaselio e fakasa ai le faitotonu o le Atua i le tui ti ki le tui, o mulimuli ki le nea leia e tuu i le Tosi : E mauli loa le tagata agatonu i le tui.

Loma 10:6

Kae ko leinei le masau a le faitotonu leia e au mei le tui : Aua na ke pati i lou loto : Ko ai ka pale loa ki lagi ? Ko le fakaifo mai a ia o Kilisito ;

Loma 3:22

le faitotonu o le Atua i le tui kia Sesu-Kilisito kia latou fuli ala e tui.

Loma 4:11

Ti na tali loa e ia le fakamailoga o le silikosisio, ofaipe se fakamaoki o le faitotonu leia na maua e ia i le tui kae koi lee silikosisio a ia, o tupu ke liliu a ia ko le tamana o le kau lee silikosisio fuli ala e tui, ti ke lau foki le faitotonu kia latou,

Loma 4:13

Talie na leaise fai le fakapapau ke tuku le tofiga o le malama nei kia Apalaamo pe ki lona sakoga, i le lao, kae i le faitotonu o le tui.

Loma 9:30

Kolea loa ke tou pati ? Ko le kau pagani, ala na leaise afa ia le faitotonu, kua maua ia le faitotonu, le faitotonu leia e au mei le tui,

Kalate 5:5

Kia tatou, e tou talitali i le Laumalie ki le amanaki malie o le faitotonu leia e maua i le tui.

Filipe 3:9

ti ke maua au iate ia, o leai i laku faitotonu, leia e au mei le lao, kae i le faitotonu leia e maua i le tui kia Kilisito, le faitotonu leia e au mei le Atua i le tui.

Epelo 11:1

Io, ko le tui ko se iloa papau o nea ala e amanaki ki ai, ko se fakamaoki o nea ala e leaise tio ki ai.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.

Epelo 8:5

E lotou fai se tausi o fakatatau ki le paaki ti mo le ata o nea i le lagi, ofaipe le fakasa fakatomua e le Atua kia Moisese i mua o le fakatuu o le tapenakulo, i lana pati kiate ia : Tokaga o fai a nea fuli, o fakatatau ki le paaki leia na fakasa kiate koe i le mauga.

Uluaki tosi a Petelo 3:20

ala na tui gataa i mua, i le talitali mo le kataki fualoa a le Atua i aso o Noe, i le lolotoga fau o le aleka, leia na saofaki ia se ga toka teiki, ko le toka valu, mei le vai.

Lua tosi a Petelo 1:1

Ko au Simone Petelo, ko le tagata fakasausau ti mo le apositolo a Sesu-Kilisito, kia latou ala kua kau mo matou ki se tui mauiga e tasi i le faitotonu o lotatou Atua mo lotatou Aliki ko Sesu !

Lua tosi a Petelo 2:5

kapau na leaise fakasao e ia le malama afea, ti kapau na fakamauli fua e ia se ga toka valu o kau ai a Noe, le tagata fai akonaki lena o le faitotonu, i le temi leia na kakau mai ai e ia le lomaki ki se malama o ni tagata agasala ;

Lua tosi a Petelo 3:6

ti na toe maumaui foki le malama lena ki a nea ana, i le vai o le lomaki ;