Epelo 11:6 - Tosi Tapu

⁶ Io, sala mo le tui, e leaise feala ke malie se tasi ki le Atua ; e tonu ko leia e fakafeofi ki le Atua ke tui a ia e i ai se Atua, ti ko ia leia e fakapale ia latou ala e afa ia a ia.

Epelo 11:6 Iomraidhean Croise

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Sopo 21:14

Kae na lotou pati ki le Atua : Ano kese ia matou, E leaise motou fia iloa ou ala.

Pesalemo 106:24

Na lotou vesia loa ki le fenua o nea malilie ; Na leaise lotou tui loa ki le folafola a le Eteleno.

Pesalemo 119:10

E kau afa a koe i loku loto katoa : Aua na ke tuku au ke sese o mamao i au folafola !

Pesalemo 58:11

E fiafia loa le tagata agatonu i lana tio ki le totogi ; E fufulu loa e ia ona vae i le toto o le kau agaveli.

Pesalemo 73:28

Kiate au, ko laku fakafeofi ki le Atua, ko lena loku koloa : E kau fakatuu loku mumuniaga i le Aliki, le Eteleno, O tupu ke fakamatala au gaoiaga fuli.

Pesalemo 78:22

Talie na leaise lotou tui loa ki le Atua, Talie na leaise lotou fanaki loa ki lana tokoi.

Pesalemo 78:32

Kae logo a nea fuli ana, na lotou soko atu aifai le agasala, Ti na leaise lotou tui fua ki ana nea fakatalatupua.

Taagapati 11:18

E fai e le tagata agaveli ni koloa kaka ; Kae ko leia e muluki ia le faitotonu e maua ia se koloa maoki.

Taagapati 8:17

E kau alofa kia latou ala e alofa kiate au, Ti e kau maua e latou ala e afa ia au.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Esaia 7:9

Ko le ulu o Efalaimi ko Samalia, Ti ko le ulu o Samalia ko le vosa o Lemalia. Kapau e leaise kotou tui, Ti e leaise kotou tologa loa.

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Numelo 14:11

Ti na pati loa le Eteleno kia Moisese : E kaku loa kiafea le fakamamae o loku loto e le kakai leinei ? E oki loa afea lana tuigataa kiate au, logo ai a fakamailoga fuli o loku mafimafi ala kua kau fakatio a ia ki ai ?

Numelo 20:12

Ti na pati loa le Eteleno kia Moisese mo Alone : Talie na leaise kolua tui mai kiate au, o fakasa loku maokioki i mua o fanau a Iselaele, e leaise kolua fakaulu ia loa le kakai leinei ki le fenua leia e kau soli kiate ia.

Mateo 11:26

Io, Tamana, e kau fakafetai kiate koe talie ko lou loto ke fenaaki.

Mateo 5:12

Kotou fimalie ti kotou fiafia lasi, talie e lasi loa lokoutou fakapale i le atu lagi ; talie na fenaaki foki le fakavelivelii o le kau polofeta ala na muamua atu ia koutou.

Mateo 6:16

Ka kotou sesunio, aua na kotou mata mamae, ofaipe le kau malualoi, ala e fetogi olatou mata talie ke fakasa ai ki tagata e lotou sesunio. E kau pati maoki atu kia koutou, kua lotou maua lolatou fakapale.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Mateo 6:5

Ka kotou faikole, aua na kotou faipe le kau malualoi, ala e fia faikole tutuu i sinakoka ti mo magai ala, o tupu ke tioi latou e tagata. E kau pati maoki atu kia koutou, kua lotou maua lolatou fakapale.

Maleko 16:17

Ti ko nei a milakulo ala e soko loa kia latou ala e tui loa : E lotou kapu loa a temonio i loku suafa ; e lotou masau loa i ni masau foou ;

Luka 12:31

Kotou afa mua le puleaga o le Atua ; ti e soli atu loa i aluga a nea fuli ana kia koutou.

Luka 6:35

Kae kotou alofa ki okoutou fili, kotou fai le malie, ti kotou soli sala talitali ke fakaliliu atu. Ti e lasi loa lokotou fakapale, ti e kotou liliu loa ko vosa o le Taualuga, talie e agamalie a ia ki le kau mauli galo mo le kau agaveli.

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 8:24

Koia leia e kau pati atu ai kia koutou e kotou mamate loa i akoutou agasala ; talie kapau e leaise kotou tui pe ko ai au, ti e kotou mamate loa i akoutou agasala.

Loma 10:14

E feaki loa ke lotou kalaga ki leia na leaise lotou tui ki ai ? Ti e feaki loa ke lotou tui ki leia na leikiaise lotou logo ki ai ? Ti e feaki loa ke lotou logo kiate ia, mo kapau e leaise tasi leia e akonaki ?

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Epelo 11:26

Na tio loa a ia ki le matagafua o Kilisito ofaipe se koloa leia e lasi ake i koloa o Esipito, talie na pipiki ona mata ki le fakapale.

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.

Epelo 4:2

Talie kua fakasa le logo malie lena kia tatou ofaipe latou ; kae na leaise aoga kia latou le folafola leia na lotou logo ki ai, talie na leaise maua se tui ia latou ala na logo ki ai.

Epelo 4:6

Koia, talie koi taofi ai ki ni iki ke ulu ki ai, ti na leaise ulu ki ai latou ala na uluaki fakasa ki ia le logo malie lena, o tupu ko lolatou tui gataa,

Epelo 7:19

Talie na leaise ave e le lao se nea e tasi ki le malie tukupau ; kae kua fakaulu loa se amanaki malie tukupau, leia e tou fakafeofi ai ki le Atua.

Epelo 7:25

Koia foki leia e mafai ai ke fakamauli e ia o tukupau latou ala e fakafeofi ki le Atua iate ia, talie e mauli tuumau a ia o ulufaki latou.

Lua tosi a Petelo 1:10

Koia loa, fetaina, ke kotou asilisili fakamalotoloto o fakamakeke lokoutou vokasio mo lokoutou filifili ; talie, i lakoutou fai le nea a ia, e leaise kotou toe tukia loa.

Lua tosi a Petelo 1:5

Koia ko koutou foki, ke kotou faiga i lokoutou makeke katoa ke maua e lakoutou tui le agamalie, e le agamalie le iloa,

Lua tosi a Petelo 3:14

Koia loa, alofaaga, i lakoutou talitali ki nea ana, kotou faiga ke maua atu koutou e mea mo lee mele i le tokamalie.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Lute 2:12

Ke totogi e le Eteleno au gaoi kiate koe, ti ke soli atu se totogi lasi kiate koe e le Eteleno, le Atua o Iselaele, leia kua ke au o mumuni i lalo o ona kapakau !