Ekesote 9:33 - Tosi Tapu

³³ Na mavae loa Moisese mei le fale o Falaone, o ulu mei le kolo ; ti na siki loa e ia ona lima ki le Eteleno, ti na gato loa le mana mo le ua fatu ; ti na leaise toe to loa le ua ki le kele.

Ekesote 9:33 Iomraidhean Croise

Uluaki tosi o Sau 8:22

Na tuu loa Salomone i mua o le aletale o le Eteleno, o agaaga ki le fakatasiga katoa o Iselaele. Na siki loa e ia ona lima ki le lagi, o pati :

Ekesote 8:12

Na pati loa le Eteleno kia Moisese : Pati kia Alone : Siki lou tokotoko o taai le efu o le kele ; ti e liliu loa le efu ko ni kutu i le fenua katoa o Esipito.

Ekesote 8:8

Ti na mavae loa Moisese mo Alone mei le fale o Falaone. Ti na kalaga loa Moisese ki le Eteleno o uiga mo kelenui ala na tautea ki ai Falaone.

Ekesote 9:29

Na pati loa Moisese kiate ia : Ka kau mavae loa i le kolo, e kau siki loa oku lima ki le Eteleno, ti e tuku loa a mana, ti e leaise toe to loa se ua fatu, o tupu ke ke iloa e fakalogo le malama nei ki le Eteleno.

Ekesote 9:32

Kae na leaise maumau loa le fulumeto mo le epote talie na leikiaise la sosomo ake.

Ekesote 9:34

I le tio a Falaone kua gato le ua, mo le ua fatu, ti mo le mana, na toe soko atu loa e ia lana agasala, o toe fakafefeka lona loto, o ona mo ana tagata fakasausau.