Ekesote 9:32 - Tosi Tapu

³² Kae na leaise maumau loa le fulumeto mo le epote talie na leikiaise la sosomo ake.

Ekesote 9:32 Iomraidhean Croise

Lua tosi a Samuele 21:9

ti na tuku loa e ia latou ki lima o le kau Kapaone, ala na tautau ia loa latou i aluga o le mauga i mua o le Eteleno. Na lotou mamate fakatasi fuli toka fitu ; na tamate latou i uluaki aso o le tuuti o le fulumeto, i le kamataaga o le tuuti o le olese.

Ekesote 10:12

Ti na pati loa le Eteleno kia Moisese : Siki lou lima ki le fenua o Esipito, ti ke pale a seseivaka ki le fenua o Esipito, ke lotou kai a mutie fuli o le kele, ti mo nea fuli ala na sao i le ua fatu.

Ekesote 10:22

Na siki loa e Moisese lona lima ki le lagi ; ti na vilo loa se fakapouli matotolu i le fenua katoa o Esipito i aso e tolu.

Ekesote 10:5

E lotou uufi loa le fuga o le fenua, ti e leaise feala loa le toe tio loa ki le fenua ; e lotou kai loa le nea leia na sao, le nea leia na tuku e le ua fatu, io, e lotou kai loa laakau fuli ala e sosomo i okoutou faisaga ;

Ekesote 9:31

Na maumau loa le lino mo le olese, talie kua kamata fua le olese, ti kua kamata se le lino.

Ekesote 9:33

Na mavae loa Moisese mei le fale o Falaone, o ulu mei le kolo ; ti na siki loa e ia ona lima ki le Eteleno, ti na gato loa le mana mo le ua fatu ; ti na leaise toe to loa le ua ki le kele.

Esaia 28:25

Ka oki lana fakatokatoka le kele, Pe leaise laku loa e ia le niele ti e muluki loa e ia le kumini ? Pe leaise to fakaatu loa e ia le fulumeto, Mo le olese ki se ganea kua fakamailoga, Ti mo le epote i tafatafa ?

Esekiele 4:9

Ke ke too se fulumeto, mo se olese, mo ni aliko, mo ni lenitili, mo se mile, mo se epote, ti ke ke tuku a nea ana ki se pesini, ti ke fai ki ai se pane o fakafeauga ki aso fuli ala e ke moe fakafetuu ai loa ; e ke kai loa a ia i aso e kau lelau tolu kau iva.