Ekesote 9:25 - Tosi Tapu

²⁵ Na to loa le ua fatu i le fenua katoa o Esipito, ki nea fuli ala na maua i faisaga, ki tagata o kaku ki manu. Na maumaui loa e le ua a mutie fuli o faisaga, ti na fatifatii loa e ia a laakau fuli o faisaga.

Ekesote 9:25 Iomraidhean Croise

Pesalemo 78:47

Na fakamamate loa e ia olatou vite ki le ua fatu, Ti mo olatou sikomole ki le momoko.

Pesalemo 78:48

Na tuku loa e ia alatou kau manu lalasi ki le ua fefeka, Ti mo alatou kau manu liliki ki le fatuliki.

Ekesote 9:19

Koia ke ke tanaki ai ki se ganea malumalu au kau manu mo au nea fuli ala e maua i faisaga. E to loa le ua fatu ki tagata fuli mo manu fuli ala e maua i faisaga ti na leaise fakaulu ki fale, ti e lotou mamate loa.

Ekesote 9:24

Na to loa se ua fatu, ti na filo loa le afi mo le ua fatu ; na kese ai le makeke o le ua fatu lena, na leikiai sona fakatatau i le fenua katoa o Esipito, talu mei lona tuu ko se puleaga.

Ekesote 9:6

Ti na fai loa e le Eteleno le nea lena i leia ake a aso. Na mamate loa a kau manu fuli a le kau Esipito, kae na leaise mate fua se manu e tasi i kau manu a fanau a Iselaele.

Esekiele 13:13

Koia e folafola ai le Aliki, le Eteleno, o pati : I loku sausau e kau fakato ia loa le afa ; E au fakafokifa loa se ua makeke i loku sausau ; Ti e to loa se ua fatu i le makeke katoa o maumaui le paa.

Sosue 10:11

I le temi na lotou sosola ai i mua o fanau a Iselaele, ti na lotou ifo ai ki Pete-Oloni, na fakato loa e le Eteleno mei le lagi se ua fatu fualalasi kia latou o kaku ki Aseka, ti na lotou mamate ai loa. Na lasi ake latou ala na mamate i le ua fatu ia latou ala na tamate ki le seleta e fanau a Iselaele.