Ekesote 9:23 - Tosi Tapu

²³ Na siki loa e Moisese lona tokotoko ki le lagi, ti na tuku loa e le Eteleno ni mana mo se ua fatu ; ti na taka loa le afi i aluga o le fenua. Na fakato loa e le Eteleno se ua fatu ki le fenua o Esipito.

Ekesote 9:23 Iomraidhean Croise

Senesi 19:24

I le temi tonu lena, na fakavilo loa e le Eteleno mei le lagi ki Sotoma mo Komola se ua fatu kaka mo se afi.

Sopo 37:13

E fakasoko e le Atua lona finegalo ki le malama nei, O tautea, pe fakasa lona alofa.

Pesalemo 147:17

E laku e ia lana ua fefeka. Ko ai e mafai ke tuu i mua o le momoko !

Pesalemo 148:8

Afi mo ua fefeka, nive mo kokofu, Matagi makeke, ala e fai ia ana fakatotonu,

Pesalemo 18:13

I le ao gigila leia na ano i ona mua, na mavae ai ni ao, O laku se ua aisi, mo ni malala kaka.

Pesalemo 29:3

E gugulu le leo o le Eteleno i aluga o atu vai. E fakagugulu e le Atua o le kololia le mana. E nofo le Eteleno i aluga o atu vai lalasi.

Pesalemo 77:18

Na liligi loa e ao ni ua lalasi, Na gugulu loa le mana i ao, Ti na mafitifiti loa au gasau i potu fuli.

Ekesote 19:16

I le tolu o aso, i le mafoata, na i ai loa ni mana, mo ni uila, ti mo se ao matotolu, i le mauga ; ti na lotou logo loa ki le leo makeke fakaii o se fakatagi pupusi ; ti na lulu fuli loa le kakai katoa leia na nofo i le nofolaga.

Ekesote 20:18

Na logo le kakai katoa ki gugulu o le mana mo le tagi o le fakatagi pupusi ; ti na lotou tio ki le ulaula o le mauga mo lona kokofu. I le nea lena, na lulu loa le kakai i le i, ti na lotou solomuli, o tuu mei mamao.

Ekesote 9:18

e kau fakato loa apogipogi, i le ola leinei, se ua fatu leia e kese oki ake lona makeke, ti e leikiaise maua sona tatau i Esipito nei, talu mei le fakatuu o Esipito o kaku mai ki le aso nei.

Ekesote 9:24

Na to loa se ua fatu, ti na filo loa le afi mo le ua fatu ; na kese ai le makeke o le ua fatu lena, na leikiai sona fakatatau i le fenua katoa o Esipito, talu mei lona tuu ko se puleaga.

Esaia 30:30

Ti e fakagugulu loa e le Eteleno lona leo fakaii, E fakaali loa e ia lona lima leia kua fakalogo ta, I le vevela o lona sausau, I loto malie o le ula o se afi kaka, Mo le lomaki, mo le afa, ti mo le ua fatu.

Esekiele 38:22

E kau fai loa aku fakamaau kiate ia ki le taumasaki ti mo le toto, Ki se ua makeke ti mo se ua fatu aisi ; E kau fakavilo loa le afi mo le sufele kiate ia ti mo ana solia katoa, Ti mo kakai api ala e kau loa mo ia.

Sosue 10:11

I le temi na lotou sosola ai i mua o fanau a Iselaele, ti na lotou ifo ai ki Pete-Oloni, na fakato loa e le Eteleno mei le lagi se ua fatu fualalasi kia latou o kaku ki Aseka, ti na lotou mamate ai loa. Na lasi ake latou ala na mamate i le ua fatu ia latou ala na tamate ki le seleta e fanau a Iselaele.

Apokalipisi 16:18

Ti na i ai loa ni uila, mo ni leo, mo ni mana, mo se mafuike lasi, ti koi soko la le mafuike lasi fenaaki talu mei le fakatupu o le tagata i le malama nei.

Apokalipisi 16:21

Ti na to loa se ua fatu aisi mei le lagi ki tagata, ti ko le mamafa o le fatu aisi e tasi ko kilo e kau fa tupu iva ; ti na lauveli loa a tagata ki le Atua, o tupu ko le ua fatu aisi, talie na lasi ai le malaia lena.

Apokalipisi 8:7

Ko le uluaki aselo na pupusi ia loa lana fakatagi. Ti na to loa ki le kele malo se ua fatu ti mo se afi, kua filo mo le toto ; ti na vela loa le vaega tolu o le kele malo, ti na vela loa le vaega tolu o laakau, ti na vela loa a mutie sesega fuli.