Ekesote 9:22 - Tosi Tapu

²² Na pati loa le Eteleno kia Moisese : Siki lou lima ki le lagi, ti ke to se ua fatu i le fenua katoa o Esipito ki tagata, mo manu, ti mo mutie fuli o faisaga, i le fenua o Esipito.

Ekesote 9:22 Iomraidhean Croise

Ekesote 10:21

Na pati loa le Eteleno kia Moisese : Siki lou lima ki le lagi, ti ke vilo se fakapouli ki le fenua katoa o Esipito, io, se pouli matotolu.

Ekesote 7:19

Na pati loa le Eteleno kia Moisese : Pati kia Alone : Too lou tokotoko, ti falo lou lima ki vai fuli o le kau Esipito, ki olatou vaitafe lalasi, mo olatou vaitafe liliki, mo olatou vai tanaki, mo olatou sosoni, mo olatou tanakiaga vai fuli. E liliu loa a vai fuli o toto ; ti e maua loa le toto i le fenua katoa o Esipito, o kaku ki loto o ipu laakau mo ipu fatu.

Ekesote 8:16

Na pati loa le Eteleno kia Moisese : Ano koi usu ki mua o Falaone ; e ulu loa a ia o ano ki le vai. E ke pati loa kiate ia : Ko leinei le folafola a le Eteleno : tuku ke ano loku kakai, ke lotou tausi kiate au.

Ekesote 8:5

Na pati loa Moisese kia Falaone : Tuku mai kiate au au fakatotonu ! Ko le aso fea leia e kau faikole ai loa ki le Eteleno o uiga mo koe, mo au tagata fakasausau ti mo lou kakai, ke fakamamao ai a kelenui meiate koe mo ou fale ? E toe loa ki kelenui fai ala i le vaitafe.

Ekesote 9:21

Kae ko latou ala na leaise too fakamalotoloto ia le folafola a le Eteleno, na tuku ia loa alatou tagata fakasausau mo alatou kau manu i faisaga.

Sosue 10:11

I le temi na lotou sosola ai i mua o fanau a Iselaele, ti na lotou ifo ai ki Pete-Oloni, na fakato loa e le Eteleno mei le lagi se ua fatu fualalasi kia latou o kaku ki Aseka, ti na lotou mamate ai loa. Na lasi ake latou ala na mamate i le ua fatu ia latou ala na tamate ki le seleta e fanau a Iselaele.

Apokalipisi 16:21

Ti na to loa se ua fatu aisi mei le lagi ki tagata, ti ko le mamafa o le fatu aisi e tasi ko kilo e kau fa tupu iva ; ti na lauveli loa a tagata ki le Atua, o tupu ko le ua fatu aisi, talie na lasi ai le malaia lena.