Ekesote 9:16 - Tosi Tapu

¹⁶ Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Ekesote 9:16 Iomraidhean Croise

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Lua tosi o Sau 19:35

I le po lena, na ifo mai loa le aselo o le Eteleno, ti na tamate loa e ia i le nofolaga tau o le kau Asilia a tagata e tino lelau tino valu tupu lima afe. I le ala usu ake, ko leinei, kua mamate a tagata fuli.

Uluaki tosi o Koloniko 16:24

Kotou fakamatala i atu puleaga lona kololia, I lotolotoga o kakai fuli ana nea malilie !

Neemia 9:10

Na ke fai loa ni milakulo mo ni nea fakamanamana kia Falaone, mo ana tagata fakasausau ti mo le kakai katoa o lona fenua, talie na ke iloa lalatou fakavelivelii omatou tamana, ti na ke fakasa loa lou kololia ofaipe lau fakasa i le aso nei.

Pesalemo 106:8

Kae na fakamauli loa e ia latou o tupu ko lona suafa, Ke fakasa ai lona mafimafi.

Pesalemo 64:9

Ko lolatou alelo na fakatupu ia lolatou vilo ; Ko latou fuli ala e tio kia latou e lu olatou ulu.

Pesalemo 76:10

I le temi leia na tuu ake ai le Atua o fai le fakamaau, O fakamauli le kau fakaaloalofa fuli o le malama nei. - Manava.

Ekesote 14:17

Ko au, e kau fakafefeka loa le loto o le kau Esipito, ti e lotou natu loa i okoutou muli ; ti e fakasa loa loku kololia e Falaone, mo lana solia katoa, mo ana saliote, ti mo lana kau ekeosi.

Ekesote 14:4

E kau fakafefeka loa le loto o Falaone, ti e tuli loa e ia koutou ; kae e kau fakaaoga loa Falaone mo lana solia katoa ke fakasa ai loku kololia, ti e iloa loa e le kau Esipito ko au ko le Eteleno. Ti na fai loa ki ai fanau a Iselaele.

Ekesote 18:11

I le aso nei kua kau iloa e lasi ake le Eteleno i atua fuli ; talie kua toe vilo le agaveli a le kau Esipito kia latou.

Ekesote 9:15

Kanapau na kau folasi loku lima, o kau tautea a koe ki le mate, a koe mo lou kakai, kua ke puli nei i aluga o le malama nei.

Ekesote 9:17

Kapau e ke toe fia malaga ki loku kakai, ti kapau e leaise ke tuku a ia ke ano,

Taagapati 16:4

Na fai e le Eteleno a nea fuli ki se tauaga, Ti mo le tagata agaveli foki ki le aso o le malaia.

Selemia 32:20

Na ke fai ni milakulo mo ni nea fakamanamana i le fenua o Esipito o kaku mai ki le aso nei, Ki le kakai o Iselaele mo kakai fuli, Ti kua logologona lou suafa, ofaipe lona sa i le aso nei.

Esekiele 39:21

E kau fakasa loa loku kololia i lotolotoga o atu puleaga ; Ti e tio loa a atu puleaga fuli ki fakamaau ala e kau fai loa, Ti mo tautea ala e taai ai loa latou ki ai e loku lima.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Malakia 1:14

Malaia le tagata kaka leia e maua ia i lana kau manu se manu tagata, Kae e soli e ia ke momoli ki le Aliki se manu kala ! Talie ko au ko se sau lasi, e pati le Eteleno o kau tau, Ti e fakaii loku suafa i lotolotoga o atu puleaga.

Numelo 14:21

Kae e kau mauli ! ti e fakaapele loa e le kololia o le Eteleno le malama nei katoa !

Loma 9:17

Talie na pati le Tosi kia Falaone : Na kau fakatupu ia fua a koe ke fakasa iate koe loku mafimafi, ti ke fakasa ia loku suafa i le malama nei katoa.

Loma 9:22

Ti kapau kua loto le Atua ke fakasa lona sausau, ti mo fakailo lona mafimafi, na katakii e ia i se kataki fualoa lasi ni ipu o le sausau ala na fau ki le malaia,

Sosue 4:24

Na fai e ia le nea lena ke iloa e kakai fuli o le malama nei e mafimafi le lima o le Eteleno, ti ke kotou fakaapaapa tuumau loa ki le Eteleno, lokoutou Atua.

Uluaki tosi a Petelo 2:19

talie ko se kalasia, mo kapau e tali e se tasi ni mamae mo ni tautea sala, o tupu ko lana fakalogo ki le Atua.

Uluaki tosi a Petelo 2:8

E lotou tukia i ai talie na leaise lotou tui ki le folafola, ti kua fakatuutuu latou ki le nea foki lena.

Suta 1:4

Talie kua ulu fakatolotolo mai kia koutou ni tagata, ala kua fualoa le tosi fakatomua o olatou tautea, ko ni tagata agaveveli ala kua fetogi ia le kalasia o lotatou Atua ki le mauli fakalaluvale, ti kua lotou fakafiti ki lotatou Pule e tasi mo Aliki ko Sesu-Kilisito.

Uluaki tosi a Samuele 4:8

Malaia kia tatou ! Ko ai ka saofaki ia loa tatou i le lima o atua makeke ana ? Ko atua ana na tautea ia le kau Esipito ki faasiga tautea fuli i le toafa.