Ekesote 8:6 - Tosi Tapu

⁶ Na tali loa Falaone : Ko apogipogi. Ti na pati loa Moisese : E fai ki ai, ke ke iloa e leaise tatau se tasi mo le Eteleno, lomatou Atua.

Ekesote 8:6 Iomraidhean Croise

Lua tosi a Samuele 7:22

Koia e ke lasi ai, ei Eteleno Atua ! Talie e leaise tasi e tatau mo koe, ti e leaise tasi ake Atua kese iate koe, o mulimuli ki nea fuli kua logo ki ai omatou taliga.

Lua tosi o Koloniko 6:14

Ei Eteleno, Atua o Iselaele ! E leaise tasi ake fua Atua e tatau mo koe, i le lagi mo le kele : e ke taupau lau sai mo lou manava alofa ki au tagata fakasausau ala e saele i ou mua i lolatou loto katoa !

Pesalemo 105:30

Na apele loa le fenua i kelenui, O kaku ki kogafale o lolatou sau.

Pesalemo 78:45

Na kakau loa e ia kia latou ni lago utiuti ala na kai ia loa latou, Ti mo ni kelenui ala na maumau ia loa latou.

Pesalemo 86:8

Aliki, e leaise tatau se tasi mo koe i le kau atua, Ti e leaise tatau se nea mo au gaoiaga.

Pesalemo 90:2

I mua o le tupu o atu mauga, Ti mo mua o lau fakatupu le kele mo le malama nei, Mei le lee gato ki le lee gato, e ke Atua.

Ekesote 10:2

Ti toe tupu foki ke ke fakamatala ki lou vosa mo le vosa o lou vosa le nea leia na kau fai ki le kau Esipito, ti mo fakamailoga ala na kau fakasa i loto malie o latou. Ti ke kotou iloa ko au ko le Eteleno.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 7:19

Na pati loa le Eteleno kia Moisese : Pati kia Alone : Too lou tokotoko, ti falo lou lima ki vai fuli o le kau Esipito, ki olatou vaitafe lalasi, mo olatou vaitafe liliki, mo olatou vai tanaki, mo olatou sosoni, mo olatou tanakiaga vai fuli. E liliu loa a vai fuli o toto ; ti e maua loa le toto i le fenua katoa o Esipito, o kaku ki loto o ipu laakau mo ipu fatu.

Ekesote 9:14

Talie, i le faiaga loa leinei, e kau tuku fuli loa aku tautea ki lou loto, ki au tagata fakasausau, ti mo lou kakai, o tupu ke ke iloa e leaise tatau se tasi mo au i le malama nei katoa.

Ekesote 9:29

Na pati loa Moisese kiate ia : Ka kau mavae loa i le kolo, e kau siki loa oku lima ki le Eteleno, ti e tuku loa a mana, ti e leaise toe to loa se ua fatu, o tupu ke ke iloa e fakalogo le malama nei ki le Eteleno.

Esaia 43:10

Ko koutou ko aku tagata fakamaoki, e pati le Eteleno, Koutou mo laku tagata fakasausau leia na kau filifili, O tupu ke kotou iloa a ia, Ke kotou tui mai kiate au, ti ke kotou matala ko au : I oku mua na leaise fau se Atua, Ti i oku muli, e leaise toe maua loa se Atua.

Levitiko 11:12

Koia kotou fakamamao ai i le kai o manu fuli ala e mauli i le vai, ala e leaise maua ia ni kapoga mo ni unafi.

Tetelonome 32:31

Talie e leaise tatau lolatou utu mo lotatou Utu, Leia kua fakamaoki ki ai otatou fili.

Tetelonome 33:26

E leaise tatau se tasi mo le Atua o Iselaele, E amo a ia i le lagi ke au o tokoi mai kiate koe, E amo a ia fakaalialiki a ia i aluga o ao.

Tetelonome 4:35

Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Apokalipisi 16:13

Ti na kau tio loa e ulu mei le gutu o le gata, mo le gutu o le manu fekai, ti mo le gutu o le polofeta loi, ni laumalie kelekele e tolu, ofaipe ni kelenui.