Ekesote 8:4 - Tosi Tapu

⁴ Na kalagai loa e Falaone a Moisese mo Alone, o pati : Kolua kole ki le Eteleno ke fakamamao a kelenui meiate au mo loku kakai ; ti e kau tuku loa le kakai ke ano o momoli ni sakilifisio ki le Eteleno.

Ekesote 8:4 Iomraidhean Croise

Uluaki tosi o Sau 13:6

Koia na masau loa le sau, o pati ki le tagata a le Atua : Kole ki le Eteleno, lou Atua, ti ke ulufaki au, o tupu ke mafai ke toe peluki loku lima. Na kole loa e le tagata a le Atua ki le Eteleno, ti na mafai loa e le sau ke toe peluki lona lima, leia na toe liliu loa ofaipe le masani.

Pesalemo 107:40

E fakamamaei e ia le kau lalasi, Ti e fakafoli e ia latou i ni toafa sala ala.

Ekesote 10:17

Kae ke ke fakamolemole mai ki laku agasala i le faiaga leinei ; ti ke kolua kole ki le Eteleno lokoulua Atua, ke fakamamao atu iate au le malaia lasi leinei.

Ekesote 8:24

Na pati loa Falaone : E kau tuku loa ke kotou ano, o momoli ki le Eteleno, lokoutou Atua, ni sakilifisio i le toafa ; kae e leaise kotou ano mamao loa mo ka kotou ano ; ti ke kotou ulufaki au.

Ekesote 8:3

Kae na toe fai foki e le kau fai nea fakatalatupua o Esipito le nea lena ki alatou nea fakatemonio. Na lotou fakapale foki a kelenui ki le fenua o Esipito.

Ekesote 8:5

Na pati loa Moisese kia Falaone : Tuku mai kiate au au fakatotonu ! Ko le aso fea leia e kau faikole ai loa ki le Eteleno o uiga mo koe, mo au tagata fakasausau ti mo lou kakai, ke fakamamao ai a kelenui meiate koe mo ou fale ? E toe loa ki kelenui fai ala i le vaitafe.

Ekesote 9:28

Kolua kole ki le Eteleno ke taofi le mana mo le ua fatu ; ti e kau tuku loa koutou ke ano, talie e leaise kau toe taofi loa koutou.

Esaia 19:11

Ko ni kau vale a aliki o Tesoane, Ti ko le fakakaukau a le kau poto a Falaone kua liliu ko se fakakaukau valea. Pe feaki lakoutou toa o pati kia Falaone : Ko le vosa au o le kau poto, ko le vosa au o sau mago ?

Esaia 19:22

Koia e taai ai loa e le Eteleno le kau Esipito ; E taai loa e ia latou, kae e toe fakamauli loa e ia latou ; Ti e lotou tafoki loa ki le Eteleno, Leia e tali ia loa alatou kole ti e fakamauli ia loa latou.

Esaia 23:9

Ko le Eteleno o kau tau, leia na fai ia le fakapapau lena, Ke taai ai le fia nealasi o nea fuli ala e gigila, Ke tuku ai ki lalo le kau lalasi fuli o le malama nei.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Numelo 21:7

Na ano loa le kakai kia Moisese, o pati : Kua motou agasala, talie na motou masau veli ki le Eteleno mo koe. Kole ki le Eteleno, ke fakamamao ia matou a gata anei. Ti na kole loa e Moisese o uiga mo le kakai.