Ekesote 8:25 - Tosi Tapu

²⁵ Na tali loa Moisese : E kau mavae loa i lou fale, ti e kau faikole loa ki le Eteleno. I le aso apogipogi, e fakamamao loa a lago meia Falaone, mo ana tagata fakasausau, ti mo lona kakai. Kae ke aua na toe kaka loa Falaone, o fakafiti ke tuku ke ano le kakai o momoli ni sakilifisio ki le Eteleno.

Ekesote 8:25 Iomraidhean Croise

Ekesote 10:16

I le nea lena, na kalagai loa e Falaone a Moisese mo Alone, o pati kia laua : Kua kau agasala ki le Eteleno, lokoutou Atua, ti mo koulua.

Ekesote 10:24

Na kalagai loa e Falaone a Moisese, o pati : Kotou ano, o tausi ki le Eteleno. E tuku loa akoutou ovi mo akoutou pipi, kae e feala loa ke ano akoutou fanau mo koutou.

Ekesote 10:8

Na toe liliu ake loa Moisese mo Alone kia Falaone. Ti na pati loa Falaone kia laua : Kotou ano, ti kotou tausi le Eteleno, ko lokoutou Atua. Ko ai ma latou ala e ano loa ?

Ekesote 12:31

I le po fai lena, na kalagai loa e Falaone a Moisese mo Alone, o pati kia laua : Kotou tutuu ki aluga, ti kotou mavae i loku kakai, a koutou mo fanau a Iselaele. Kotou ano, ti kotou tausi ki le Eteleno o mulimuli ki le nea leia na kolua pati mai ki ai.

Ekesote 8:8

Ti na mavae loa Moisese mo Alone mei le fale o Falaone. Ti na kalaga loa Moisese ki le Eteleno o uiga mo kelenui ala na tautea ki ai Falaone.

Ekesote 9:27

Na kalagai loa e Falaone a Moisese mo Alone, o pati kia laua : I le faiaga loa leinei, kua kau agasala ; E maokioki le Eteleno, kae kua motou agasala, au mo loku kakai.

Ekesote 9:28

Kolua kole ki le Eteleno ke taofi le mana mo le ua fatu ; ti e kau tuku loa koutou ke ano, talie e leaise kau toe taofi loa koutou.

Esaia 28:22

Koia, i le aso nei, aua na kotou gologolo, Ke aua na toe fakamakeke okoutou sai ; Talie ko le maumaui o le fenua katoa kua oki i le fakapapau ; Na kau iloa le nea lena mei le Aliki, le Eteleno o kau tau.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.