Ekesote 8:22 - Tosi Tapu

²² Na tali loa Moisese : E leaise malie le nea lena ; talie e motou momoli loa ki le Eteleno, lomatou Atua, ni sakilifisio ala e fakalialia ki le kau Esipito. Ti kapau e motou momoli loa i olatou mua ni sakilifisio ala e fakalialia ki le kau Esipito, pe leaise lotou tuki fatui loa matou.

Ekesote 8:22 Iomraidhean Croise

Senesi 46:34

Pe kolea lakoutou gaoi ? Kotou tali loa kiate ia : E tausi manu au tagata fakasausau talu mei lomatou liliki o kaku mai ki le aso nei, ofaipe omatou tamana. I le nea lena e fakataga loa e ia kia koutou ke kotou nonofo i le fenua ko Koseni, talie e fakalialia le kau Esipito ki kau tausi manu fuli.

Pesalemo 110:2

E fakamafola loa e le Eteleno mei Sione le tokotoko o lou mafimafi : Ke ke pule i loto malie o ou fili !

Pesalemo 74:12

Talie ko le Atua ko loku sau talu mei temi afea : Ko ia leia e fai ia ni fakamauli i le malama nei.

Ekesote 10:23

Na leaise toe mafai loa ke fetioaki, ti na leaise toe malaga loa se tasi mei lona nofolaga i aso ana e tolu. Kae na maua loa le malama i ganea leia na nonofo ai a fanau a Iselaele.

Ekesote 12:13

Ti ko le toto, e liliu loa a ia kia koutou ko se fakamailoga i fale ala e kotou nonofo ai loa ; e kau tio loa ki le toto, ti e kau fakasili loa ia koutou, ti e leaise maumaui loa koutou e se tautea ke kotou mamate ai, mo ka kau taai loa le fenua o Esipito.

Ekesote 19:5

I le aso nei, kapau e kotou fakalogo ki loku leo, ti kapau e kotou tausi laku fakapapau, e kotou liliu loa kiate au ko se kakai leia e mauiga kese ake i kakai fuli. Talie ko le malama nei katoa a aku,

Ekesote 20:11

Talie na fai e le Eteleno i aso e ono, le lagi, mo le kele, mo le tai, ti mo nea fuli i ai, ti na malolo a ia i le fitu o aso : koia leia na tapuaki ai le Eteleno ki le aso o le sapato, ti na fakatapui ai e ia a ia.

Ekesote 7:17

Ti ko leinei le folafola a le Eteleno : I le nea leinei e ke iloa ai loa ko au ko le Eteleno. E kau taai loa le vai o le vaitafe ki le tokotoko leia e too i loku lima ; ti e liliu loa le vai o toto.

Ekesote 7:5

E iloa loa e le kau Esipito ko au ko le Eteleno, i le aso leia e kau folasi ai loa loku lima ki Esipito, ti e kau fakamavae loa mei loto malie o latou a fanau a Iselaele.

Ekesote 8:10

Na tanaki loa latou o fakatuuga, ti na sauga veli loa le fenua katoa.

Ekesote 8:21

Na kalagai loa e Falaone a Moisese mo Alone, o pati kia laua : Kotou ano o momoli ni sakilifisio ki lokoutou Atua i le fenua.

Ekesote 8:23

Koia e motou fai ai loa ni aso saele e tolu i le toafa, ti e motou momoli loa ni sakilifisio ki le Eteleno ko lomatou Atua, o mulimuli ki le nea leia e pati loa a ia ki ai.

Ekesote 9:26

Na gato fai ki le fenua o Koseni, leia na nofo ai fanau a Iselaele, na leaise to ai loa se ua fatu.

Ekesote 9:29

Na pati loa Moisese kiate ia : Ka kau mavae loa i le kolo, e kau siki loa oku lima ki le Eteleno, ti e tuku loa a mana, ti e leaise toe to loa se ua fatu, o tupu ke ke iloa e fakalogo le malama nei ki le Eteleno.

Ekesote 9:4

E vaei kese loa e le Eteleno a kau manu a Iselaele mei kau manu a le kau Esipito, ti e leaise mate loa se manu fua e tasi i manu fuli a fanau a Iselaele.

Ekesote 9:6

Ti na fai loa e le Eteleno le nea lena i leia ake a aso. Na mamate loa a kau manu fuli a le kau Esipito, kae na leaise mate fua se manu e tasi i kau manu a fanau a Iselaele.

Esekiele 30:19

E kau fai loa aku fakamaau ki Esipito, Ti e lotou iloa loa ko au ko le Eteleno.

Malakia 3:18

Ti e kotou toe tio loa ki le kesekese O le tagata agatonu mo le tagata agaveli, O leia e tausi ki le Atua Ti mo leia e leaise tausi kiate ia.