Ekesote 8:15 - Tosi Tapu

¹⁵ Na pati loa le kau fai nea fakatalatupua kia Falaone : Ko le maikao leinei o le Atua ! Kae na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 8:15 Iomraidhean Croise

Ekesote 14:5

Na fakasa loa ki le sau o Esipito kua sola le kakai o Iselaele. Ti na fetogi loa le loto o Falaone mo le loto o ana tagata fakasausau, ki le kakai o Iselaele. Na lotou pati loa : Kolea kua tou fai ai le nea lena, ke tou tuku ai Iselaele ke ano, kae e leaise tou toe maua ia loa alatou gaoi malilie ?

Ekesote 4:21

Na pati loa le Eteleno kia Moisese : E ke toe liliu loa ki Esipito, tio, kua kau tuku a nea fakamanamana kesekese ki lou lima : e ke fai loa latou i mua o Falaone. Ti ko au, e kau fakafefeka ia loa lona loto, ti e leaise tuku loa e ia le kakai ke ano.

Ekesote 7:4

E leaise fakalogo loa Falaone kia koulua. E fafa loa loku lima ki Esipito, ti e kau fakamavae loa mei le fenua o Esipito aku kau tau, loku kakai, a fanau a Iselaele, ki ni tautea lalasi.

Ekesote 8:14

Kae na fakaaoga foki e le kau fai nea fakatalatupua alatou nea fakatemonio ke tupu ai ni kutu ; kae na leaise lotou mafai loa a ia. Na mafola loa a kutu i tagata mo manu.

Ekesote 8:16

Na pati loa le Eteleno kia Moisese : Ano koi usu ki mua o Falaone ; e ulu loa a ia o ano ki le vai. E ke pati loa kiate ia : Ko leinei le folafola a le Eteleno : tuku ke ano loku kakai, ke lotou tausi kiate au.

Ekesote 8:28

Kae na toe fakafefeka loa e Falaone lona loto, i le faiaga foki lena, ti na leaise tuku loa e ia ke ano le kakai.

Ekesote 8:8

Ti na mavae loa Moisese mo Alone mei le fale o Falaone. Ti na kalaga loa Moisese ki le Eteleno o uiga mo kelenui ala na tautea ki ai Falaone.

Taagapati 26:11

Ofaipe se kuli leia e toe liliu ki le nea leia na luluai e ia, E fenaaki le vale leia e toe liliu ki lona valea.

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Ekelesiasi 8:11

Talie e leaise soko fakatavili se tautea ki leia e fai ia le veli, koia e apele ai a loto o vosa o tagata i le oli ke fai ia le veli.

Esaia 26:10

Kapau e tuku se kalasia ki le tagata agaveli, e leaise ako e ia le faitotonu, Kae e fai e ia le nea veli i le fenua o le maoki, Ti e leaise tokaga a ia ki le mafimafi o le Atua.

Oseo 6:4

Kolea e kau fai loa kiate koe, Efalaimi ? Kolea e kau fai loa kiate koe, Suta ? Ko lokoutou alofa kiate au e faipe le kokofu i le usu, Pe le sasau leia e puli vave !

Epelo 3:15

i le temi leia koi pati ai : I le aso nei, kapau e kotou logo ki lona leo, Aua na kotou fakafefeka okoutou loto, ofaipe le aso o le agatuu.

Epelo 3:8

Aua na kotou fakafefeka okoutou loto, Ofaipe le aso leia na kotou agatuu ai ki le Atua, Ofaipe le aso leia na kotou asiasii ai le Atua i le toafa,

Apokalipisi 16:9

Ti na tutu loa a tagata e se vevela lasi, ti na lotou lauveli loa ki le suafa o le Atua, leia e pule ki malaia ana, kae na leaise lotou fakasemala o fakakololia ki le Atua.

Uluaki tosi a Samuele 6:12

Na ano fakasako loa a pipi i le ala ki Pete-Semesi ; na la muli tuumau loa i le ala lena mo tagi, ti na leaise la maliu fua ki le fetuu atamai pe ko le fetuu sema. Na ano a pule o le kau Filisitini i muli o pipi o kaku ki le koiga o Pete-Semesi.

Uluaki tosi a Samuele 6:3

Na lotou tali loa : Kapau e kotou toe fakaliliu le aleka o le Atua o Iselaele, aua na kotou toe fakaliliu ata loa a ia, kae ke kotou fai ki le Atua se sakilifisio o tupu ko le agasala ; ti e kotou mauli loa i okoutou masaki, ti e kotou iloa ai loa pe kolea na leaise sau ai lona lima ia koutou.

Uluaki tosi a Samuele 6:6

Kolea ka kotou fakafefeka ai loa okoutou loto ofaipe le fakafefeka o loto o Falaone mo le kau Esipito ? Pe na leaise fakavilo loa e le Atua ana tautea kia latou, pe na leaise lotou tuku loa ke ano a fanau a Iselaele ?

Uluaki tosi a Samuele 6:9

Ke kotou tioi loa lana ano : kapau e pale loa a ia i le ala ki le koiga o Iselaele, o ano ki Pete-Semesi, ti ko le Eteleno leia na tautea ia tatou ki le mamae lasi leinei ; ti kapau e leaise ano a ia i ai, e tou iloa loa e leaise ko le lima o le Atua leia na tautea ia tatou, kae na soko fakafuanoa le nea lena kia tatou.