Ekesote 8:14 - Tosi Tapu

¹⁴ Kae na fakaaoga foki e le kau fai nea fakatalatupua alatou nea fakatemonio ke tupu ai ni kutu ; kae na leaise lotou mafai loa a ia. Na mafola loa a kutu i tagata mo manu.

Ekesote 8:14 Iomraidhean Croise

Uluaki tosi o Sau 18:26

Na lotou too loa le pipi tagata leia na soli loa kia latou, o lotou teuteui loa a ia ; ti na lotou kalaga loa ki le igoa o Paale, mei le usu o kaku ki le lalatea, o pati : Paale, tali mai kia matou ! Kae na leaise logo loa ki se leo, pe tali mai loa se tasi. Ti na lotou soposopo loa i mua o le aletale leia na lotou fai.

Uluaki tosi o Sau 18:29

I le sili loa o le lalatea, na lotou folafola fakakikite loa o kaku ki le lakaga leia e momoli ai le failaulau. Kae na leaise logo fua ki se leo, mo se tali, ti mo se fakamailoga.

Ekesote 7:21

Na mamate loa a ika ala na mauli i le vaitafe, ti na pala loa le vaitafe ; Na leaise toe mafai loa ke inu le kau Esipito ki le vai o le vaitafe, ti na mafola loa le toto i le fenua katoa o Esipito.

Ekesote 8:13

Ti na la fai loa ki ai. Na falo loa e Alone lona lima mo le tokotoko o taai le efu o le kele ; ti na liliu loa le efu ko ni kutu i tagata fuli mo manu fuli. Na liliu loa le efu katoa o le kele ko ni kutu i le fenua katoa o Esipito.

Ekesote 8:15

Na pati loa le kau fai nea fakatalatupua kia Falaone : Ko le maikao leinei o le Atua ! Kae na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 8:24

Na pati loa Falaone : E kau tuku loa ke kotou ano, o momoli ki le Eteleno, lokoutou Atua, ni sakilifisio i le toafa ; kae e leaise kotou ano mamao loa mo ka kotou ano ; ti ke kotou ulufaki au.

Ekesote 9:11

Na leaise feala loa ke sa a tagata fai nea fakatalatupua i mua o Moisese, o tupu ko papala, talie na kaku foki a papala ki tagata fai nea fakatalatupua ofaipe le kau Esipito katoa.

Esaia 19:11

Ko ni kau vale a aliki o Tesoane, Ti ko le fakakaukau a le kau poto a Falaone kua liliu ko se fakakaukau valea. Pe feaki lakoutou toa o pati kia Falaone : Ko le vosa au o le kau poto, ko le vosa au o sau mago ?

Esaia 34:2

Talie kua mamae le Eteleno ki atu puleaga fuli, Ti ka vilo lona sausau ki alatou kau solia fuli : Kua tuku e ia latou ke maumaui, Kua tuku e ia latou ke tamate.

Esekiele 39:11

I le aso lena, E kau soli loa ki Koke se ganea ke fai ai lona tanuma i Iselaele, Le vaivailiua o le kau fanoga, i le potu esite o le tai ; E tapono loa e le tanuma lena le ala ki le kau fanoga. Ko lena le ganea e tanu ai loa a Koke mo lona kakai api katoa, Ti e fakaigoa loa le vaivailiua lena ko le vaivailiua o le kakai toka api o Koke.

Soele 2:20

E kau fakamamao loa ia koutou le fili o le noleto, E kau kapu loa a ia ki se kele malo mo toafa, E kau ti loa lona atu mua ki le tai mate, Mo lona atu muli ki le tai metitelanea. Ti e mafola loa lona pala, E malaga ake loa lona namuku i le aele, O tupu na fai e ia ni nea veveli lalasi.