Ekesote 8:10 - Tosi Tapu

¹⁰ Na tanaki loa latou o fakatuuga, ti na sauga veli loa le fenua katoa.

Ekesote 8:10 Iomraidhean Croise

Lua tosi a Samuele 7:22

Koia e ke lasi ai, ei Eteleno Atua ! Talie e leaise tasi e tatau mo koe, ti e leaise tasi ake Atua kese iate koe, o mulimuli ki nea fuli kua logo ki ai omatou taliga.

Uluaki tosi o Koloniko 17:20

Ei Eteleno, e leaise tasi ai e tatau mo koe, ti e leaise tasi ake Atua iate koe, o fakatatau ki nea fuli ala na logo ki ai omatou taliga.

Pesalemo 83:18

Ke lotou luma ti ke lotou i tuumau, Ke lotou laulaunoa ti ke lotou mamate !

Pesalemo 86:8

Aliki, e leaise tatau se tasi mo koe i le kau atua, Ti e leaise tatau se nea mo au gaoiaga.

Pesalemo 9:16

E vivilo a atu puleaga ki le popoko leia na lotou kenu, Ti e visia olatou vae i masele ala na lotou fufu.

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Ekesote 8:9

Ti na fai loa e le Eteleno le nea leia na kole e Moisese ; ti na mamate loa a kelenui i loto o fale, mo malae, ti mo faisaga.

Ekesote 9:14

Talie, i le faiaga loa leinei, e kau tuku fuli loa aku tautea ki lou loto, ki au tagata fakasausau, ti mo lou kakai, o tupu ke ke iloa e leaise tatau se tasi mo au i le malama nei katoa.

Ekesote 9:29

Na pati loa Moisese kiate ia : Ka kau mavae loa i le kolo, e kau siki loa oku lima ki le Eteleno, ti e tuku loa a mana, ti e leaise toe to loa se ua fatu, o tupu ke ke iloa e fakalogo le malama nei ki le Eteleno.

Taagapati 27:1

Aua na ke viki a koe o uiga mo le aso apogipogi, Talie e leaise ke iloa le nea leia e mafai ke fanaui e lena aso.

Esaia 40:18

Ko ai e kotou loto ke fakatatau ki ai le Atua ? Ti ko le fakatata fea leia e kotou fakatatau a ia ki ai ?

Esaia 40:25

Ko ai e kotou fakatatau au ki ai, ti ko ai leia e kau tatau mo ia ? E pati le Maokioki.

Esaia 46:9

Kotou manatui le nea leia na soko i temi afea ; Talie ko au e Atua, ti e leaise tasi ake Atua. Ko au e Atua, ti e leaise tasi e tatau mo au.

Tetelonome 3:24

Aliki Eteleno, na ke kamata fakasa ki lau tagata fakasausau lou lasi mo lou makeke ; talie ko ai le atua, i le lagi mo le kele, e mafai ia le fakatautau o au gaoi mo au nea fakatalatupua ?

Tetelonome 32:31

Talie e leaise tatau lolatou utu mo lotatou Utu, Leia kua fakamaoki ki ai otatou fili.

Tetelonome 33:26

E leaise tatau se tasi mo le Atua o Iselaele, E amo a ia i le lagi ke au o tokoi mai kiate koe, E amo a ia fakaalialiki a ia i aluga o ao.

Tetelonome 4:35

Kua ke soko ko se fakamaoki ki nea ana, o tupu ke ke iloa e Atua le Eteleno, ti e leaise tasi ake atua kese iate ia.

Tetelonome 4:39

Koia ke ke iloa ai i le aso nei, ti ke taofi i lou loto e Atua le Eteleno, i aluga i le lagi mo lalo i le kele, ti e leaise tasi ake Atua kese iate ia.

Sakopo 4:14

Kotou ala e leaise iloa ia fua le nea ka soko i apogipogi ! Talie kolea lokoutou mauli ? Ko se afu koutou leia e sa i se ga temi noa, ti puli.