Ekesote 7:7 - Tosi Tapu

⁷ Na fetuu kau valu Moisese, ti na fetuu kau valu tupu tolu Alone, i le aso leia na la masau ai kia Falaone.

Ekesote 7:7 Iomraidhean Croise

Senesi 41:46

Na fetuu kau tolu Sosefo i lana ano ki mua o le sau o Esipito ko Falaone. Ti na mavae loa Sosefo meia Falaone, o ano o fakatele le fenua katoa o Esipito.

Pesalemo 90:10

E kaku a aso o omatou fetuu ki fetuu e kau fitu, Ti e kaku latou ala e makeke ake ki fetuu e kau valu ; Ti ko le fia nealasi leia e motou maua i ai ko le pakia mo le mativa ; Talie puli vave le mauli, ti e tou lele ki le mate.

Ekesote 2:23

Na sili loa ki ai se temi fualoa ai, ti na mate loa le sau o Esipito. Na fetagisi fanau a Iselaele i le mamafa o le popula, ti na lotou kalaga ki le Atua. Na kaku loa ki le Atua alatou tagi i le lasi o lolatou mamae.

Ekesote 7:8

Na pati loa le Eteleno kia Moisese mo Alone :

Numelo 33:39

Na fetuu kau lelau kau lua tupu tolu Alone i le aso leia na mate ai i le mauga o Oli.

Gaoi 7:23

I lona fetuu kau fa, na tupu loa i lona loto ke fakatele a ia ki ona fetaina, ko vosa o Iselaele.

Gaoi 7:30

I le sili o fetuu e kau fa, na sa loa se aselo kiate ia i le toafa, i le mauga ko Sinai i le ula o se ulu vao kaka.

Tetelonome 29:5

Na kau taki a koe i le toafa i le lolotoga o fetuu e kau fa : na leaise popo fua ou teu iate koe, ti na leaise popo fua lou taka i lou vae ;

Tetelonome 31:2

Na pati loa a ia kia latou : I le aso nei kua kau fetuu kau lelau kau lua, e leaise koi mafai loa ke kau ano ti mo kau au i mua o koutou, ti na pati mai loa le Eteleno kiate au : E leaise ke fakalaka loa i le Solotane leinei.

Tetelonome 34:7

Na fetuu kau lelau kau lua Moisese i le aso leia na mate ai loa a ia ; kae na leaise gaegae lana tio, ti na leaise teifo lona makeke.

Sosue 24:5

Na kau kakau loa Moisese mo Alone, ti na kau taai loa Esipito ki ni malaia na kau fai i loto malie o le fenua ; ti na kau fakamavae loa koutou mei ai.